Fjölskylduráð Múlaþings

Fyrir liggja starfsáætlanir Seyðisfjarðarskóla leikskóladeild fyrir skólaárið 2023-2024. Þórunn Óladóttir, skólastjóri Seyðisfjarðarskóla fór yfir helstu þætti starfsáætlunarinnar.

Starfsáætlunin er samþykkt samhljóða með handauppréttingu.

Fyrir liggja tölulegar upplýsingar varðandi dvalartíma og systkinaafslátt í leikskólum Múlaþings.

Lagt fram til kynningar

Fyrir liggur minnisblað um stöðu á umsóknarlista og úthlutun leikskólaplássa á vorönn 2024. Einnig liggur fyrir bréf frá starfsfólki í Tjarnarskógi, þar sem áhyggjum vegna fyrirhugaðrar færslu á færanlegri kennslustofu er komið á framfæri.

Fjölskylduráð þakkar fyrir erindi starfsfólks Tjarnarskógar. Miðað við núverandi stöðu verður beðið með að færa færanlegu kennslustofuna þar til niðurstaða liggur fyrir í apríl nk. vegna úthlutunar leikskólaplássa fyrir skólaárið 2024-2025.

Samþykkt samhljóða með handauppréttingu.

Málið áfram í vinnuslu.

Samþykkt samhljóða með handauppréttingu.

Fyrir liggur ábending frá Janfréttisstofu, dagsett 10. nóvember 2023, til sveitarfélaga um mikilvægi kynja- og jafnréttissjónarmiða við stefnumótun og ákvarðanatöku í breytingum á fyrirkomulagi leikskóla.

Lagt fram til kynningar.

Fyrir liggja sjálfsmatsskýrslur frá eftirfarandi skólum: Brúarásskóla, Fellaskóla, Egilsstaðaskóla og Seyðisfjarðarskóla. Kristín Magnúsdóttir, skólastjóri Egilsstaðaskóla sat undir þessum lið.

Skýrslurnar lagðar fram til kynningar.

Fyrir liggja drög að reglum um samskipti trúfélaga og skóla í Múlaþingi.

Reglurnar eru samþykktar með fjórum atkvæðum (GBH) (SG) (AÓH) (GLG) með handauppréttingu. (ES) situr hjá og (JHÞ) og (ÁMS) eru á móti.

Fulltrúar Austurlistans og VG í Múlaþingi geta ekki samþykkt fyrir sitt leyti fyrirliggjandi reglur þar sem greinar innan reglnanna eru í mótsögn við hverja aðra. Reglurnar setja foreldra og börn í þá ósanngjörnu stöðu að þurfa gera grein fyrir trúar- eða lífsskoðunum sínum en skv. tölum Hagstofunnar standa tæp 44% íbúa Múlaþings utan Þjóðkirkju.

Fyrir liggur erindi til byggðaráðs, dagsett 20. okt 2023, frá skólastjóra og verkefnastjóra LungA skólans varðandi styrkveitingu frá sveitarfélaginu vegna ársins 2024. Í bókun byggðaráðs Múlaþings, dagsett 24. okt 2023, er erindinu beint til fjölskylduráðs til afgreiðslu.

Fjölskylduráð leggur áherslu á gott samstarf við LungA skólann enda er starf skólans metnaðarfullt og einstakt á landsvísu. Ráðið samþykkir að styrkja LungA skólann um 2,5 milljónir eins og gert er ráð fyrir í fjárhagsáætlun sviðsins.

Samþykkt samhljóða með handauppréttingu.

Björn Ingimarsson, sveitarstjóri, mætti undir þessum fundarlið. Hann kynnti hugmyndir um skipulagsbreytingar á fjölskyldusviði. Lagt er til að íþróttir, forvarnir og tómstundir verði færðar undir fræðslustjóra í skipuriti.

Samþykkt samhljóða með handauppréttingu.