LungA skólinn, samstarfsbeiðni

Fyrir lá erindi frá LungA skólanum þar sem fram kom að lagt er til að gerður verði samstarfssamningur á milli skólans og sveitarfélagsins til þriggja ára þar sem gert er ráð fyrir árlegu fjárframlagi frá sveitafélaginu sem er nokkuð umfram það sem gert er ráð fyrir í nýsamþykktri fjárhagsáætlun sveitarfélagsins.

Eftirfarandi tillaga lögð fram:
Byggðaráð felur sveitarstjóra, fjármálastjóra og atvinnu- og menningarmálastjóra að fara yfir málið og leggja tillögur varðandi útfærslu fyrir byggðaráð er þær liggja fyrir.

Samþykkt samhljóða án atkvæðagreiðslu.

Fyrir lá minnisblað frá fjármálastjóra og verkefnisstjóra á sviði menningarmála varðandi m.a. styrkveitingu sveitarfélagsins til LungA skólans á yfirstandandi ári og mögulega næstu tvö ár. Jafnframt lá fyrir erindi frá LungA skólanum varðandi aðkomu sveitarfélagsins að endurbyggingu nýs húsnæðis fyrir skólann.

Eftirfarandi tillaga lögð fram:

Með vísan til þess að LungA skólinn hefur nýlega fengið viðurkenningu sem lýðskóli samþykkir byggðaráð Múlaþings að verða við tillögu fjármálastjóra og verkefnisstjóra á sviði menningarmála að í ár verði kr. 4.000.000,- fluttar á milli deilda af Fjárafl, deild 13810, yfir á LungA skólann, deild 04518, og þannig verði brugðist við styrkbeiðni varðandi yfirstandandi ár. Beiðnum varðandi árin 2022 og 2023 er vísað til frekari umfjöllunar á fræðslusviði samhliða fjárhagsáætlunargerð.

Samþykkt samhljóða.

Fyrir liggur bókun frá fundi heimastjórnar Seyðisfjarða, dags. 10.10.2022, þar sem því er beint til byggðaráðs að rýna sérstaklega stuðning sveitarfélagsins við LungA skólann í fjárhagsáætlunargerð sveitarfélagsins fyrir árið 2023. Björt Sigfinnsdóttir stjórnandi LungA lýðskólans á Seyðisfirði mætti inn á fundinn og fór yfir verkefnaáætlun varðandi nýtt húsnæði og nýja námsbraut.

Eftirfarandi tillaga lögð fram:
Byggðaráð Múlaþings tekur undir með heimastjórn Seyðisfjarðar varðandi mikilvægi þess að stutt verði við uppbyggingu og starfsemi LungA skólans og felur sveitarstjóra að sjá til þess að þeim áherslum verði komið á framfæri við viðeigandi ráðuneyti. Byggðaráð beinir því til fjölskylduráðs að skoðað verði sérstaklega að bregðast við áherslum heimastjórnar Seyðisfjarðar varðandi LungA skólann við endanlega útfærslu fjárhagsáætlunar fyrir 2023 og árin 2024-2026.

Samþykkt samhljóða án atkvæðareiðslu.

Fyrir liggur bókun frá fundi heimastjórnar Seyðisfjarðar, dags. 10.10.2022, þar sem því er beint til byggðaráðs að rýna sérstaklega stuðning sveitarfélagsins við LungA skólann í fjárhagsáætlunargerð sveitarfélagsins fyrir árið 2023. Byggðaráð beinir því til fjölskylduráðs á fundi 18.10.2022 að skoðað verði sérstaklega að bregðast við áherslum heimastjórnar Seyðisfjarðar varðandi LungA skólann við endanlega útfærslu fjárhagsáætlunar fyrir 2023 og árin 2024-2026.

Fjölskylduráð tekur vel í erindið og samþykkir að styrkja LungA skólann um 2.500.000 kr. á árinu 2023.

Samþykkt samhljóða án atkvæðagreiðslu.

Fyrir liggur erindi frá skólastjóra og verkefnastjóra LungA skólans varðandi styrkveitingu frá sveitarfélaginu vegna ársins 2024 og mögulega til lengri tíma.

Eftirfarandi tillaga lögð fram:
Byggðaráð Múlaþings beinir fyrirliggjandi erindi frá skólastjóra og verkefnastjóra LungA skólans, varðandi styrkveitingu frá sveitarfélaginu vegna ársins 2024, til fjölskylduráðs til afgreiðslu.

Samþykkt samhljóða án atkvæðagreiðslu.

Fyrir liggur erindi til byggðaráðs, dagsett 20. okt 2023, frá skólastjóra og verkefnastjóra LungA skólans varðandi styrkveitingu frá sveitarfélaginu vegna ársins 2024. Í bókun byggðaráðs Múlaþings, dagsett 24. okt 2023, er erindinu beint til fjölskylduráðs til afgreiðslu.

Fjölskylduráð leggur áherslu á gott samstarf við LungA skólann enda er starf skólans metnaðarfullt og einstakt á landsvísu. Ráðið samþykkir að styrkja LungA skólann um 2,5 milljónir eins og gert er ráð fyrir í fjárhagsáætlun sviðsins.

Samþykkt samhljóða með handauppréttingu.