Fjölskylduráð Múlaþings

Starfsmenn fjölskyldusviðs hafa lagt fram nýjar tillögur er varða lengda viðveru fyrir börn með fötlun. Tillögurnar fela í sér 13 milljóna króna viðauka við fjárhagsramma ársins 2024. Fjölskylduráð samþykkir framlagðar tillögur og vísar málinu til fullnaðar afgreiðslu hjá byggðaráði.

Samþykkt samhljóða með handauppréttingu.

Tekin er til umfjöllunar hækkun á gjaldskrám félagsþjónustu Múlaþings fyrir árið 2024. Fjölskylduráð leggur til 3,5% hækkun á gjaldskrám félagsþjónustu.

Samþykkt samhljóða.

Borist hefur erindi frá samtökunum Okkar heimur sem styður við foreldra með geðrænan vanda og börn þeirra. Samtökin hafa verið með starfsemi í Reykjavík undanfarin þrjú ár og hyggjast setja á fót sambærilegt úrræði á Akureyri sem ætlað er að þjóna austur- og norðurhluta landsins. Óskað hefur verið eftir fulltrúa frá félagsþjónustu Múlaþings í stýrihóp vegna verkefnisins. Félagsmálastjóri mun sitja fund um málið í janúar mánuði á komandi ári.

Lagt fram til kynningar.

Borist hefur erindi frá Félags- og vinnumarkaðsráðuneytinu þess efnis að Múlaþing og HSA hafi verið valin til þátttöku í verkefninu Gott að eldast. Lagt fram til kynningar.

Lagt er fram til kynningar erindi frá Félags- og vinnumarkaðsráðuneytinu er varðar þjónustu sveitarfélaga við útlendinga sem hafa fengið endanlega synjun á umsókn um alþjóðlega vernd á Íslandi og eiga ekki rétt á þjónustu á grundvelli 33. gr. laga um útlendinga.

Móttekin er beiðni Ásgríms Ásgrímssonar um styrk til breytinga á bíl með hjólastólaaðgengi svo hægt sé að veita fólki með fötlun betri þjónustu. Fjölskylduráð hafnar beiðninni þar sem hún fellur ekki undir starfsemi fjölskyldusviðs eða fjárhagsramma þess.

Móttekin er beiðni Stígamóta um fjárstuðning fyrir starfsemina á komandi ári. Samþykkt er að veita Stígamótum 100.000,- kr. styrk fyrir starfsárið 2024. Greitt af lið 9160.

Samþykkt samhljóða með handauppréttingu.

Félagsmálastjóri reifar málefni sviðsins.