Fjölskylduráð Múlaþings

Fyrir liggur samkomulag um styttingu vinnuvikunnar fyrir kennara í eftirfarandi skólum:
Egilsstaðaskóla, Fellaskóla, Djúpavogsskóla, Tónlistarskólanum á Egilsstöðum og Tónlistarskólanum í Fellabæ.

Fjölskylduráð samþykkir fyrirliggjandi tillögur.

Samþykkt samhljóða með handauppréttingu.

Fyrir liggur bókun heimastjórnar Fljótsdalshéraðs frá 9. maí 2022 þar sem því er beint til fjölskylduráðs, umhverfis- og framkvæmdaráðs auk byggðaráðs að unnið verði að því að bæta enn frekar öryggi barna í dreifbýli á ferðum sínum í og úr skóla t.d. með því að efla snjóhreinsun og hálkuvarnir á vegum. Byggðaráð fól sveitarstjóra í bókun á fundi sínum þann 5. júlí 2022 (málsnúmer 202011098) að koma áherslum ráðsins á framfæri við innviðaráðherra auk forstjóra og stjórnenda Vegagerðarinnar og jafnframt óska eftir fundi fyrir lok ágústmánaðar.

Fjölskylduráð tekur undir bókun byggðaráðs að unnið verði að því að bæta enn frekar öryggi barna í dreifbýli á ferðum sínum í og úr skóla með eflingu snjóhreinsunar og hálkuvarna á vegum. Fjölskylduráð leggur áherslu á að fundi með innviðaráðherra og forstjóra Vegagerðarinnar verði komið á eins fljótt og auðið er.

Samþykkt samhljóða með handauppréttingu.

Fyrirliggja drög að reglum um niðurgreiðslu á daggæslu í heimahúsum.

Fjölskylduráð gerði athugasemd við 7. gr. og afgreiðslu málsins þvi frestað

Lagt fram til kynningar.

Fyrir liggur beiðni um aukið fjármagn fyrir starfsmann í Mötuneyti Egilsstaðaskóla dagsett 14. sept 2022.

Fjölskylduráð tekur jákvætt í beiðnina og vísar málinu til fjárhagsáætlunargerðar.

Samþykkt samhljóða með handauppréttingu.

Fjölskylduráð vill hefja vinnu við stefnumótun fyrir sviðið og felur fræðslustjóra, félagsmálastjóra og íþrótta- og æskulýðsstjóra að koma með tillögu að skipulagi við þá vinnu.

Samþykkt samhljóða með handauppréttingu.

Lagt fram til kynningar.