Fjölskylduráð Múlaþings

Sóley Þrastardóttir, skólastjóri Tónlistarskólans á Egilsstöðum kynnti erindið og skýrði forsendur þess.

Lagt fram til kynningar.

Sóley Þrastardóttir fylgdi eftir fyrirliggjandi tillögu að skóladagatali Tónlistarskólans á Egilsstöðum 2022-2023 og kynnti forsendur þess. Í fyrirliggjandi tillögu er tekið tillit til umsaminnar vinnutímastyttingar tónlistarkennara. Jafnframt er lögð áhersla á að jafna kennslunni sem best á skólaárið fyrir sem flesta nemendur.

Drífa Sigurðardóttir, skólastjóri Tónlistarskólans í Fellabæ, kynnti fyrirliggjandi drög að skóladagatali Tónlistarskólans í Fellabæ 2022-2023 sem byggir á svipuðum forsendum og í Tónlistarskólanum á Egilsstöðum.

Fjölskylduráð samþykkir fyrir sitt leyti fyrirliggjandi drög að skóladagatölum tónlistarskólanna á Egilsstöðum og í Fellabæ með fyrirvara um samþykki kennara skólanna.

Samþykkt samhljóða.

Ásgrímur Ingi Arngrímsson, skólastjóri Brúarásskóla, kynnti tillögu að skóladagatali skólans fyrir skólaárið 2022-2023 og forsendur þess. Skóladagatalið hefur verið kynnt fyrir starfsfólki, en eftir er að leggja það fyrir skólaráð.

Anna Birna Einarsdóttir, skólastjóri Fellaskóla, kynnti tillögu að skóladagatölum Fellaskóla og Grunnskólans á Borgarfirði eystri fyrir skólaárið 2022-2023 og forsendur þeirra. Skóladagatalið hefur verið kynnt fyrir starfsfólki og skólaráði.

Þórunn Hrund Óladóttir, skólastjóri Seyðisfjarðarskóla, kynnti tillögu að skóladagatali skólans fyrir skólaárið 2022-2023 og forsendur þess. Skóladagatalið hefur verið kynnt fyrir starfsfólki og skólaráði og fær afgreiðslu á næsta fundi skólaráðs.

Ruth Magnúsdóttir, skólastjóri Egilsstaðaskóla, kynnti tillögu að skóladagatali Egilsstaðaskóla fyrir skólaárið 2022-2023 og forsendur þess. Skóladagatalið hefur verið kynnt fyrir starfsfólki og hefur verið samþykkt af skólaráði.

Fjölskylduráð samþykkir fyrirliggjandi tillögur að skóladagatölum grunnskólanna 2022-2023 með fyrirvara um samþykki starfsfólks og skólaráðs þar sem það liggur ekki fyrir.

Samþykkt samhljóða.

Lagt fram til kynningar.

Þórunn Hrund Óladóttir, skólastjóri Seyðisfjarðarskóla kynnti fyrirliggjandi tillögu að leikskóladagatali fyrir leikskóladeild Seyðisfjarðarskóla skólaárið 2022-2023. Skóladagatalið á eftir að fá endanlega kynningu hjá starfsfólki og fá samþykkt skólaráðs.

Kolbrún Nanna Magnúsdóttir, aðstoðarskólastjóri Hádegishöfða, kynnti fyrirliggjandi tillögu að leikskóladagatali fyrir Hádegishöfða skólaárið 2022-2023. Skóladagatalið hefur verið kynnt fyrir starfsfólki og foreldraráði.

Sigríður Herdís Pálsdóttir, skólastjóri Tjarnarskógar, kynnti fyrirliggjandi tillögu að leikskóladagatali fyrir skólaárið 2022-2023. Skóladagatalið verður kynnt fyrir starfsfólki á næsta fundi og sama á við um kynningu fyrir foreldraráði sem verður á næsta fundi foreldraráðs.

Fyrir liggur tillaga að leikskóladagatali fyrir leikskólann Bjarkatún á Djúpavogi.

Fjölskylduráð samþykkir fyrir sitt leyti fyrirliggjandi tillögur að leikskóladagatölum 2022-2023 með fyrirvara um samþykki starfsfólks og foreldraráða þar sem það liggur ekki fyrir.

Samþykkt samhljóða.

Marta Wium Hermannsdóttir, leikskólafulltrúi, fór yfir úthlutun leikskólaplássa í sveitarfélaginu en öll börn á biðlista sem fædd eru fyrir miðjan september 2021 hafa nú fengið tilboð um leikskólapláss síðsumars.

Lagt fram til kynningar.

Umhverfis og framkvæmdaráð hefur farið fram á afstöðu fjölskylduráðs til stærðar á leikskólabyggingu á Suðursvæði á Egilsstöðum.

Fjölskylduráð telur rétt í því sambandi að gert verði ráð fyrir að lágmarki 4 deilda leikskóla með möguleika á stækkun skólans í 6 deildir. Í því sambandi telur fjölskylduráð eðlilegt að skoðað verði hvort það svæði sem merkt er nr. 5 á uppdrætti geti komið til greina fyrir leikskólann.

Samþykkt samhljóða.

Í vinnslu.

Til kynningar.