Fjölskylduráð Múlaþings

Fyrir liggur erindi sem barst með tölvupósti 25. nóvember 2021 frá Hrefnu Björnsdóttur og Sverri Rafni Sverrissyni varðandi stuðning við börn og ungmenni í afreksíþróttum.

Fjölskylduráð þakkar Hrefnu og Sverri fyrir erindið og bendir á að úthlutað er fjármagni vegna íþrótta- og tómstundastyrkja fjölskylduráðs í mars og október á hverju ári.

Samþykkt samhljóða án atkvæðagreiðslu.

Fjölskylduráð hefur endurskoðað ákvörðun sína um aldurstakmark í íþróttamannvirkjum Múlaþings og samþykkir að fresta gildistöku fram á haust 2022. Jafnframt er samþykkt að aldurstakmark í líkamsræktarsali skuli miðast við 9. bekk grunnskóla og taka gildi samhliða upphafi skólaárs.

Samþykkt samhljóða án atkvæðagreiðslu.

Fyrir liggja drög að samningum fyrir árið 2022 við íþróttafélög í Múlaþingi.

Fjölskylduráð felur starfsmanni að klára samninga til eins árs við eftirfarandi félög:
- Ungmennafélagið Neista
- Íþróttafélagið Hugin
- Íþróttafélagið Hött
- Akstursíþróttaklúbbinn Start
- Lyftingafélag Austurlands
- Bogfimideild Skotfélags Austurlands
- Skíðafélagið í Stafdal
- Golfklúbb Seyðisfjarðar
- Golfklúbb Fljótsdalshéraðs
- Ungmennafélagið Þrist

Samþykkt samhljóða án atkvæðagreiðslu.

Lagt fram til kynningar.