Fjölskylduráð Múlaþings

Fyrir liggur erindi frá Ágústu Margréti Arnardóttur, Guðlaugi Birgissyni, Oddnýju Önnu Björnsdóttur og Pálma Einarssyni þar sem beðið er um endurskoðun á aldurstakmarki í líkamsræktarsal á Djúpavogi.

Fjölskylduráð hafnar því að lækka aldurstakmark í líkamsræktarsal á Djúpavogi og felur formanni og starfsmanni ráðsins að svara því í samræmi við umræður á fundinum.

Samþykkt samhljóða án atkvæðagreiðslu.

Anton Helgi Loftsson, fulltrúi Hattar rekstrarfélags, sat fundinn undir þessum lið.
Guðmundur Bj. Hafþórsson vék af fundi undir þessum lið.

Fyrir liggur tölvupóstur frá Hetti rekstrarfélagi, dagsettur 14. desember 2021, þar sem vakin er athygli á stofnun nýs knattspyrnuliðs í sveitarfélaginu og fylgir því beiðni um styrk.

Fjölskylduráð samþykkir að veita Rekstrarfélagi Hattar styrk til stofnunar nýs knattspyrnuliðs og felur starfsmanni að vinna málið í samráði við fjármálastjóra.

Samþykkt samhljóða án atkvæðagreiðslu.

Fyrir liggur erindi frá Urði Örnu Ómarsdóttur, sem er foreldri við leikskóladeild Seyðisfjarðarskóla. Erindið varðar gæði og hugsanlega samræmingu á framboði á fæði leikskólabarna í leikskólum sveitarfélagsins.

Fjölskylduráð óskar eftir að fenginn verði fagaðili til að fara yfir framboð á fæði í leikskólum sveitarfélagins og niðurstaða þess verði kynnt fyrir ráðinu.

Samþykkt samhljóða án handauppréttingar.

Umræða um innheimtu leikskólagjalda á farsóttartímum.

Leikskólastjórar hafa fjallað um málið og leggja til að þegar börn eru í sóttkví eða einangrun verði farið með það eins og um veikindi sé að ræða, en ef leikskóladeild eða heilum leikskólum er lokað séu leikskólagjöld felld niður þann tíma sem lokað er.

Fjölskylduráð samþykkir fyrir sitt leyti þessa framkvæmd.

Samþykkt samhljóða án handauppréttingar.

Marta Wium Hermanssdóttir, leikskólafulltrúi Múlaþings, kynnti verklag í Skólaþjónustu Múlaþings.

Lagt fram til kynningar.

Fræðslustjóri kynnti stöðu mála varðandi áhrif faraldursins á skólastarf í sveitarfélaginu.

Lagt fram til kynningar.

Lagt fram til kynningar.