Fjölskylduráð Múlaþings

Fjölskylduráð samþykkir fyrirliggjandi drög að fjárhagsáætlun æskulýðs- og íþróttamála fyrir árið 2022.

Þá leggur ráðið til að gjaldskrár íþróttamannvirkja Múlaþings verði hækkaðar um 3,5% 1. janúar 2022.

Samþykkt samhljóða án atkvæðagreiðslu.

Fjölskylduráð samþykkir fjárhagsáætlun félagsþjónustu fyrir árið 2022.

Samþykkt samhljóða.

Lagt fram til kynningar.

Ítrekaðar tilraunir til að fá dagforeldra til starfa á Egilsstöðum hafa ekki borið árangur.

Fjölskylduráð felur fræðslustjóra og skólastjórnendum í leikskólanum Hádegishöfða að leita leiða til að unnt verði að starfrækja deild á Vonarlandi frá áramótum fyrir þau börn sem þá hafa náð eins árs aldri. Deildin starfi fram á sumar, en þá er gert ráð fyrir að viðbótardeild bætist við í Fellabæ með nýju leikskólahúsnæði.

Samþykkt samhljóða - fjárhagsáætlun leikskóla vísað til afgreiðslu undir lið 7.

Fjárhagsáætlun grunnskóla vísað til liðar 7.

Fjárhagsáætlun tónlistarskóla vísað til liðar 7.

Fjölskylduráð samþykkir fyrir sitt leyti fyrirliggjandi fjárhagsáætlun fræðslumála 2022. Áætlunin gerir ráð fyrir 3% hækkun gjaldskráa í leik- og grunnskólum frá 1. janúar og í tónlistarskólum frá skólaárinu 2022-2023.

Í samræmi við afgreiðslu fjölskylduráðs frá 19. janúar sl. varðandi leikskólagjöld á Seyðisfirði samþykkir ráðið að dvalarstund á Seyðisfirði verði 250 kr. lægri en almennt gjald fyrir dvalarstund í leikskólum Múlaþings á árinu 2022.

Samþykkt samhljóða.