Fjölskylduráð Múlaþings

Undir þessum lið mættu Viðar Örn Hafsteinsson og Ásthildur Jónasdóttir fyrir hönd Körfuknattleiksdeild Hattar.

Fjölskylduráð þakkar þeim kærlega fyrir góða kynningu á starfi deildarinnar og áherslum samstarfssamnings.

Ráðið leggur til að samstarfssamningur við Körfuknattleiksdeild Hattar verði framlengdur fyrir árið 2022.

Samþykkt samhljóða án atkvæðagreiðslu.

Erindi barst frá íbúa á Seyðisfirði varðandi þá hefð sem var viðhöfð á Seyðisfirði að færa fjölskyldum nýfæddra barna hamingjuóskir, blóm og fæðingargjöf til barnsins. Mynd af heimsókninni var svo birt á heimasíðu kaupstaðarins. Í erindinu er lagt til að útfærsla að einhverju slíku verði tekin upp í Múlaþingi og þar með að sveitarfélagið fagni nýjum íbúum sérstaklega.

Fjölskylduráð þakkar erindið og leggur áherslu að mikilvægt er að einstaklingar og fjölskyldur upplifi sig velkomin í sveitarfélagið og að fjölgun sé fagnað hvort sem um ræðir barnsfæðingar eða flutningur fólks til sveitarfélagsins.

Ráðið leggur til að fundin verði raunhæf útfærsla þessari hefð í byggðarkjörnum Múlaþings og vísar málinu til sveitarstjórnar.

Samþykkt samhljóða án atkvæðagreiðslu.

Í vinnslu.

Lagt fram til kynningar.