Fjölskylduráð Múlaþings

Undir þessum lið mættu Einar Freyr Guðmundsson, formaður ungmennaráðs Múlaþings, og Vigdís Diljá Óskarsdóttir, verkefnastjóri íþrótta- og æskulýðsmála.

Fyrir liggur erindi er ungmennaráð Múlaþings kynnti fyrir sveitarstjórn á fundi 9. júní 2021. Var tveimur atriðum vísað til fjölskylduráðs til umfjöllunar.

Barnvænt sveitarfélag:
Einar Freyr kynnti verkefnið og hvernig Múlaþing gæti unnið að því að verða Barnvænt sveitarfélag.
Málið er í vinnslu.

Fótboltahöll:
Fjölskylduráð vísar til máls nr. 202104302, Uppbygging og viðhald á íþróttamannvirkjum, samráð við Hött. Samþykkti sveitarstjórn að unnin verði breyting á Aðalskipulagi Fljótsdalshéraðs 2008-2028 sem geri ráð fyrir framtíðartíðaríþróttasvæði neðan Egilsstaðakirkju. Samræmist það áherslum erindis ungmennaráðs.

Samþykkt samhljóða án atkvæðagreiðslu.

Í vinnslu.

Fyrir liggur umsókn um styrk vegna afreksíþróttaiðkunar frá Jóhönnu Lilju Jónsdóttur.

Fjölskylduráð þakkar Jóhönnu Lilju fyrir erindið og vísar umsókninni til úrvinnslu við styrkveitingu íþrótta- og tómstundastyrkja fjölskylduráðs í október.

Samþykkt samhljóða án atkvæðagreiðslu.

Lagt fram til kynningar.

Fjölskylduráð samþykkir fyrirliggjandi drög að reglum fyrir leikskóla Múlaþings.

Samþykkt samhljóða án atkvæðagreiðslu.

Fyrir liggur svar heimastjórnar Fljótsdalshéraðs við erindi foreldra varðandi málefni dagforeldra, þar sem málinu er vísað til fjölskylduráðs.

Áheyrnarfulltrúi Miðflokksins harmar að upp sé komin sú staða að ekki hefur tekist að fá dagforeldra til starfa á Fljótsdalshéraði sem hefur skapað vanda fyrir foreldra ungra barna.

Mál í vinnslu.

Til kynningar.