Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Lagt fram til kynningar.

Undir þessum lið tengdist inn á fundinn Sóley Valdimarsdóttir, verkefnastjóri skipulagsmála, og fór yfir tillögur að reglum Múlaþings um gististaði innan sveitarfélagsins.

Eftirfarandi tillaga lögð fram:
Byggðaráð Múlaþings samþykkir fyrirliggjandi reglur um gististaði innan sveitarfélagsins og felur verkefnastjóra skipulagsmála að koma þeim í framkvæmd.

Samþykkt samhljóða án atkvæðagreiðslu.

Fyrir liggur tillaga að auglýsingu eftir tilboðum í húseignina Garð að Hafnargötu 42 á Seyðisfirði skilyrt því að eignin verði færð.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að auglýsingu eftir tilboðum í húseignina Garð á Seyðisfirði, skilyrt því að eignin verði færð í samræmi við tillögu ráðgjafanefndar um færslu húsa á Seyðisfirði, og felur framkvæmda- og umhverfismálastjóra að koma henni í birtingu.

Samþykkt samhljóða án atkvæðagreiðslu.

Fyrir liggur erindi frá Ásdísi Hafrúnu Benediktsdóttur varðandi ástand á fjarskiptasambandi í Berufirði.

Eftirfarandi tillaga lögð fram:
Byggðaráð Múlaþings felur sveitarstjóra að halda áfram viðræðum við þá aðila er munu, annars vegar, koma að lagningu þriggja fasa rafmagns í Berufirði og, hins vegar, að lagningu ljósleiðara í Berufirði en horft er til þess að því verði lokið á næstu tveimur árum. Sveitarstjóra er jafnframt falið að svara fyrirliggjandi erindi þar sem grein verði gerð fyrir stöðu mála.

Samþykkt samhljóða án atkvæðagreiðslu.

Fyrir liggur fundur stjórnar Vísindagarðsins ehf., dags. 17.05.2023, ásamt boði á aðalfund félagsins sem verður haldinn um fjarfundarbúnað 2.júní 2023.

Eftirfarandi tillaga lögð fram:
Byggðaráð Múlaþings samþykkir að sveitarstjóri, Björn Ingimarsson, fari með umboð og atkvæði sveitarfélagsins á aðalfundi Vísindagarðsins ehf. sem verður haldinn 2. júní 2023.

Samþykkt samhljóða án atkvæðagreiðslu.

Fyrir liggur fundargerð ársfundar Austurbrúar ses. dags. 03.05.2023.

Lagt fram til kynningar.

Fyrir liggur fundargerð aðalfundar Sambands sveitarfélaga á Austurlandi (SSA) dags. 03.05.2023.

Lagt fram til kynningar.

Fyrir liggja fundargerðir starfshóps um kyndingarkosti á Seyðisfirði, dags. 02.05, 11.05. og 17.05.2023.

Lagt fram til kynningar.

Fyrir liggur fundargerð stjórnar Samtaka orkusveitarfélaga dags. 16.05.2023.

Lagt fram til kynningar.

Fyrir liggur til umsagnar frumvarp til laga um breytingu á kosningalögum (lækkun kosningaaldurs) 497.mál.

Lagt fram til kynningar.