Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Lagt fram til kynningar.

Fyrir liggur bókun frá fundi umhverfis- og framkvæmdaráðs, dags. 17.04.2023, varðandi möguleg kaup á landi.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að taka upp viðræður við eigendur lands, er tengist landi sveitarfélagsins til suðurs, varðandi möguleg kaup sveitarfélagsins á því landi, fyrir blandaða byggð.
Er niðurstöður liggja fyrir verður málið tekið fyrir að nýju hjá byggðaráði.

Samþykkt samhljóða án atkvæðagreiðslu.

Fyrir liggur tillaga að uppfærðri gjaldskrá fyrir félagsheimilið Hjaltalund.

Eftirfarandi tillaga lögð fram:
Byggðaráð Múlaþings samþykkir fyrirliggjandi tillögu að gjaldskrá fyrir félagsheimilið Hjaltalund og vísar henni til sveitarstjórnar til staðfestingar.

Samþykkt samhljóða án atkvæðagreiðslu.

Fyrir liggja fundargerðir stjórnar Samtaka orkusveitarfélaga, dags. 24.03. og 04.04.2023.

Lagt fram til kynningar.

Fyrir liggja fundargerðir stjórnar Sambands íslenskra sveitarfélaga, dags. 31.03., 05.04. og 17.04. 2023.

Lagt fram til kynningar.

Fyrir liggja fundargerðir stjórnar HEF veitna, dags. 23.03. og 18.04.2023 auk fundargerðar aðalfundar HEF veitna dags. 23.03.2023.

Lagt fram til kynningar.

Fyrir liggur boð til aðalfundar landskerfis bókasafna sem haldinn verður þriðjudaginn 9. maí 2023 í Reykjavík.

Eftirfarandi tillaga lögð fram:
Byggðaráð Múlaþings samþykkir að fela atvinnu- og menningarmálastjóra að sitja fyrirhugaðan aðalfund Landskerfis bókasafna 09.05.2023 sem fulltrúa sveitarfélagsins.

Samþykkt samhljóða án atkvæðagreiðslu.

Fyrir liggur erindi frá Krabbameinsfélagi Austurlands þar sem vakin er athygli á atburði, Styrkleikunum, sem haldinn verður á Egilsstöðum 26.-27. ágúst 2023.

Eftirfarandi tillaga lögð fram:
Byggðaráð Múlaþings fagnar því að Styrkleikarnir verði haldnir á Egilsstöðum 26.-27. ágúst 2023 og hvetur íbúa og fyrirtæki innan sveitarfélagsins til að kynna sér tilefni þessa viðburðar og að taka þátt.

Samþykkt samhljóða án atkvæðagreiðslu.

Inn á fundinn undir þessum lið kom Óðinn Gunnar Óðinsson, skrifstofustjóri, og fór yfir tillögur að uppfærslum á erindisbréfum heimastjórna.

Eftirfarandi tillaga lögð fram:
Byggðaráð Múlaþings samþykkir að erindisbréf heimastjórna verði uppfærð í samræmi við fyrirliggjandi tillögur og felur skrifstofustjóra framkvæmd málsins

Samþykkt með 3 atkvæðum, tveir sátu hjá (HÞ,ÁMS)