Byggðaráð Múlaþings

Magnús Jónsson og Sigurjón Örn Arnarson, endurskoðendur, mættu á fundinn undir þessum lið og fóru yfir vinnu við gerð ársreiknings Múlaþings fyrir árið 2022 og svöruðu spurningum byggðaráðs.

Eftirfarandi tillaga lögð fram:
Byggðaráð samþykkir að boða til aukafundar í byggðaráði 15. mars nk. þar sem ársreikningurinn verður til afgreiðslu.

Samþykkt samhljóða án atkvæðagreiðslu.

Fyrir liggur bréf frá Eftirlitsnefnd með fjármálum sveitarfélaga (EFS) þar sem fram kemur að EFS hefur yfirfarið fjárhagsáætlun sveitarfélagsins fyrir árið 2023 og leggur áherslu á mikilvægi þess að farið sé vel yfir fjárhagslegar forsendur sveitarfélagsins til að ná lágmarksviðmiðum EFS. Magnús Jónsson og Sigurjón Örn Arnarson, endurskoðendur, sátu fundinn undir þessum lið.

Eftirfarandi tillaga lögð fram:
Byggðaráð Múlaþings tekur undir mikilvægi þess að farið sé vel yfir fjárhagslegar forsendur sveitarfélagsins til að ná lágmarksviðmiðum EFS og vísar erindinu til sveitarstjórnar til kynningar.

Samþykkt samhljóða án atkvæðagreiðslu.

Fyrir liggur minnisblað frá verkefnastjóra menningarmála varðandi útilistaverkið Tvísöng auk samningsdraga á milli myndlistamannsins Lukas Küne, Múlaþings og Skaftfells varðandi, annars vegnar, listaverkagjöfina til sveitarfélagsins og, hins vegar, aðgengi, ásýnd og viðhald útilistaverksins.

Eftirfarandi tillaga lögð fram:
Byggðaráð Múlaþings samþykkir að gengið verði frá samningum varðandi útilistaverkið Tvísöng í samræmi við þær áherslur er fram koma í fyrirliggjandi minnisblaði verkefnastjóra menningarmála og drögum að samningum á milli aðila. Sveitarstjóra veitt umboð til að undirrita samninga vegna málsins fyrir hönd sveitarfélagsins.

Samþykkt samhljóða án atkvæðagreiðslu.

Fyrir liggur fundarboð á aðalfund HEF sem haldinn verður í Þingmúla í Valaskjálf fimmtudaginn 23. mars 2023 kl. 16:30.

Eftirfarandi tillaga lögð fram:
Byggðaráð samþykkir að fulltrúar í sveitarstjórn fari með atkvæði sveitarfélagsins á aðalfundinum og skiptist það jafnt á þá sem mæta til fundar. Sé fulltrúi í sveitarstjórn forfallaður er viðkomandi heimilt að kalla til varafulltrúa í sinn stað, sem fer þá með atkvæði viðkomandi.

Samþykkt samhljóða án atkvæðagreiðslu.

Fyrir liggur fundargerð Almannavarnarnefndar Austurlands, dags. 27.02.2023.

Lagt fram til kynningar.

Fyrir liggur fundargerð stjórnar Samtaka orkusveitarfélaga, dags. 22.02.2023.

Lagt fram til kynningar.

Fyrir liggur fundargerð stjórnar Sambands íslenskra sveitarfélaga, dags. 28.02.2023.

Lagt fram til kynningar.

Fyrir liggur tillaga til þingsályktunar um innleiðingu lýðheilsumats í íslenska löggjöf.

Lagt fram til kynningar.