Afgreiðslufundur skipulagsfulltrúa Múlaþings

Umhverfis- og framkvæmdaráð samþykkti 29. janúar sl. að um úthlutun nýrra lóða við Jörfa á Borgarfirði færi samkvæmt lið a) í 3. gr. reglna um úthlutun lóða hjá Múlaþingi. Skipulagsfulltrúa var falin framkvæmd málsins. Umsóknarfrestur um lóðirnar rann út á miðnætti 18. mars og barst aðeins ein umsókn um lóðina Smáratún.

Lóðir sem ekki var úthlutað að loknu úthlutunarferli verða nú birtar á kortasjá Múlaþings og þeim úthlutað samkvæmt b) lið 3. gr. ofangreindra reglna.

Bjarni byggir ehf. sækir um lóðina Smáratún fyrir byggingu raðhúss.

Skipulagsfulltrúi samþykkir fyrirliggjandi umsókn og felur verkefnastjóra að ganga frá úthlutun lóðarinnar.