Akstursíþróttasvæði, aðalskipulagsbreyting og nýtt deiliskipulag

Múlaþing kynnir fyrirhugaða breytingu á Aðalskipulagi Fljótsdalshéraðs 2008-2028 í samræmi við 2. mgr. 30. gr. skipulagslaga nr. 123/2010.

Breytingin felur í sér að skilgreiningu afmarkaðs svæðis undir Skagafelli í Eyvindarárdal verður breytt úr óbyggðu svæði í opið svæði til sérstakra nota. Samhliða breytingu á aðalskipulagi verður kynnt vinnslutillaga nýs deiliskipulags fyrir akstursíþróttasvæði skv. 3. mgr. 40. gr. skipulagslaga nr. 123/2010.

Upptöku af kynningu vinnslutillaganna má sjá hér að neðan ásamt skipulagsgögnum. Jafnframt verður hægt að nálgast tillögurnar á skrifstofu sveitarfélagsins að Lyngási 12, Egilsstöðum.

Almenningi er gefinn kostur á að senda inn ábendingar og/eða athugasemdir til skipulagsfulltrúa Múlaþings Lyngási 12, 700 Egilstöðum eða á netfangið skipulagsfulltrui@mulathing.is til og með 5. ágúst 2022.

Skipulagsfulltrúi Múlaþings
Sigurður Jónsson

Gögn

Aðalskipulagsbreyting, greinargerð, dags. 6. júlí 2022

Deiliskipulag, greinargerð, dags. 28. febrúar 2022

Deiliskipulag, uppdráttur, dags. 25. febrúar 2022

Kynning