Aðalskipulag Múlaþings 2025-2045

Sveitarstjórn Múlaþings samþykkti 13. desember 2023 að kynna skipulags- og matslýsingu vegna nýs Aðalskipulags Múlaþings 2025-2045 í samræmi við 1. mgr. 30. gr. skipulagslaga nr. 123/2010.

Skipulags- og matslýsing þessi er fyrsta formlega skrefið við gerð nýs aðalskipulags. Þar eru settar fram áherslur sveitarstjórnar við aðalskipulagsgerðina, upplýsingar um forsendur, núverandi stefnu og væntanlegt skipulagsferli, svo sem um kynningu og samráð gagnvart íbúum og öðrum hagsmunaaðilum. Markmið með aðalskipulagsvinnunni er að horfa til framtíðar og móta heildstæða stefnu fyrir nýtt sveitarfélag svo hægt sé að takast á við nýjar og krefjandi áskoranir. Um leið skapast vettvangur fyrir samtal við íbúa og hagsmunaaðila um þróun og framtíð sveitarfélagsins. Gert er ráð fyrir að vinnuferlið við gerð aðalskipulags spanni rúm tvö ár.

Skipulagslýsingin er aðgengileg í gegnum vef Skipulagsstofnunar www.skipulagsgatt.is undir málsnúmerinu 1030/2023. Óskað er eftir að umsagnir, ábendingar og sjónarmið sem varða efni skipulagslýsingarinnar berist fyrir 31. janúar 2024 á rafrænan hátt í gegnum Skipulagsgátt. Hægt er að óska eftir nánari leiðbeiningum á netfanginu skipulagsfulltrui@mulathing.is

Smelltu hér til að skoða gögn og skila inn athugasemd

Umsagnir um skipulagsmál teljast til opinberra gagna. Vakin er athygli á því að nöfn og umsagnir koma fram í fundargerðum sveitarfélagsins og eru aðgengileg opinberlega á Skipulagsgáttinni.

Skipulagsfulltrúi Múlaþings

Sigurður Jónsson