Yfirlit frétta

Auglýst hefur verið til umsóknar starf fræðslustjóra Múlaþings með umsóknarfresti til 28. mars 2022.

Að velja oftar að ganga eða hjóla, þau okkar sem geta það, eykur hreyfingu og útiveru. Það hefur þá gjarnan í för með sér betri andlega og líkamlega heilsu, sem aftur getur dregið úr álagi á heilbrigðiskerfið.

Sveitarfélög sem taka þátt og innleiða Barnasáttmálann geta hlotið viðurkenningu sem Barnvæn sveitarfélög. Innleiðingarferlið tekur að minnsta kosti tvö ár og skiptist í 8 skref sem sveitarfélag stígur með það að markmiði að virða og uppfylla réttindi barna. Sveitarfélögin munu þannig innleiða Barnasáttmálann með markvissum hætti í alla sína stjórnsýslu og starfsemi með stuðningi frá UNICEF á Íslandi.

Þeir þéttbýliskjarnar sem mynda hið unga sveitarfélag Múlaþing eru um margt ólíkir þegar kemur að náttúru, umhverfi og jafnvel veðurfari. Hefðir og afstaða til garðyrkju og gróðurs á hverjum stað eru breytilegar og mótaðar af þessum aðstæðum.

Vert er að taka fram að á Seyðisfirði er búist við heldur minni rigningu en sunnar á Austfjörðum og litlar líkur eru taldar á að þessi rigning og leysing hafi teljandi áhrif á stöðugleika í gamla skriðusárinu. Náið verður fylgst með mælitækjum og þróun veðurs og aðstæðna.

Sveitarstjórn Múlaþings fordæmir harðlega innrás Rússa í Úkraínu og brot þeirra á sjálfstæði og sjálfræði þjóðarinnar. Sveitarstjórn lýsir yfir fullum stuðningi við úkraínsku þjóðina og þær aðgerðir er alþjóðasamfélagið hefur gripið til gegn yfirvöldum í Rússlandi. Sveitarstjórn Múlaþings lýsir sig reiðubúna til að koma að aðstoð við fólk á flótta og tekur einróma undir yfirlýsingu Evrópusamtaka sveitarfélaga.

Umhverfis- og framkvæmdaráð hefur samþykkt að auglýsa nýjar lóðir við Borgarland lausar til úthlutunar. Umsóknarfrestur er til og með 24. mars nk.

KLIPPIMYNDASMIÐJA fyrir börn og unglinga með klippilistamanninum Marc Alexander Bókasafn Djúpavogs Þriðjudagur 15. mars kl. 16 - 18 Bókasafn Héraðsbúa Miðvikudagur 16. mars kl. 16 - 18 Bókasafn Seyðisfjarðar Fimmtudagur 17. mars kl. 16 - 18

Undanfarna mánuði hefur mikið gengið á í Sláturhúsinu. Þar eru framkvæmdir í fullum gangi og miðar vel áfram. Framkvæmdir utanhúss eru á síðustu metrunum, en skipt var um þak á öllu húsinu og klárað að klæða það að utan. Einnig var bætt við gluggum og hurðum eftir þörfum.