Múlaþing óskar eftir tilboðum í eignirnar Hafnargötu 42B og Sólbakka við Hafnargötu 44B á Seyðisfirði. Sú kvöð fylgir sölu húsanna að þau verði flutt á nýjar íbúðarhúsalóðir við Oddagötu.
- Hafnargata 42B er einlyft timburhús á steyptum kjallara byggt árið 1925. Stærð húss er 57 m2 að grunnfleti. Ástand hússins er óþekkt og er mögulegum kaupendum bent á að kynna sér vel ástand fasteignarinnar. Húsið skal flutt á Oddagötu 5.
- Sólbakki, Hafnargata 44B, er einlyft timburhús á steyptum kjallara byggt árið 1893/1916. Stærð húss er 80 m2 að grunnfleti. Ástand hússins er óþekkt og er mögulegum kaupendum bent á að kynna sér vel ástand fasteignarinnar. Húsið skal flutt á Oddagötu 4.
Kaupendum húsanna verður úthlutað nýjum lóðum miðað við gildandi reglur um úthlutun lóða hjá Múlaþingi, að því frátöldu að gatnagerðargjöld verða felld niður.
Kaupandi skal standa skil á öðrum gjöldum samkvæmt gjaldskrá skipulags- og byggingarmála svo sem niðurrifs- og byggingaleyfisgjöldum.
Gerð er sú krafa á kaupendur að þeir ljúki frágangi á lóðunum Hafnargötu 42B og 44B, skili þeim án mannvirkja og sléttað úr yfirborði innan tveggja ára frá kaupsamningi.
Tilboðum skal skila á netfangið utbod@mulathing.is fyrir klukkan 14:00 þann 25. september 2024.
- Múlaþing áskilur sér rétt til að taka hvaða tilboði sem er eða hafna öllum. Vakin er athygli á því að Múlaþing kann að kalla eftir frekari gögnum eftir opnun tilboða ef þörf er á. Koma skal skýrt fram í tilboðum í hvort húsið verið er að gera tilboð.
Hægt er að fá að skoða eignirnar og skal hafa samband við skrifstofu Múlaþings á Seyðisfirði með óskir um slíkt.
