Göngustígur að Gufufossi

Múlaþing óskar eftir tilboðum í framkvæmdina: Göngustígur að Gufufossi.

Verkið felst í jarðvinnu, lagnavinnu og yfirborðsfrágangi vegna uppbyggingar 3,5 km langs göngustígs frá þéttbýlinu á Seyðisfirði og að Gufufossi.

Helstu magntölur eru:

Fyllingar 8.400 m³ 
Bergskeringar 900 m³ 
Styrktarlag 8.700 m³ 
Stálræsi 120 m 
Mölburður 630 m³ 
Klæðing 110 m² 
Frágangur fláa 25.200 m²

Verktaki getur hafið framkvæmdir um leið og gengið hefur verið frá samningum, verklok eru 15. október 2025.

Útboðsgögn eru aðgengileg á rafrænu formi frá og með miðvikudeginum 15. janúar 2025 í gegnum útboðsvef COWI: https://mannvit.ajoursystem.net/.

Tilboðum skal skilað á útboðsvefinn fyrir kl. 14:00 föstudaginn 31. janúar 2025.

Ekki verður eiginlegur opnunarfundur en bjóðendum verða tilkynntar niðurstöður eftir lok tilboðsfrests.