Ungmennaráð Múlaþings

Ungmennaráð kynnti sér reglur í grunnskóla Múlaþings sem samþykktar voru af fjölskylduráði 4.4.2023. Sigurbjörg Hvönn Kristjánsdóttir, fræðslustjóri, kom inn á fundinn og svaraði spurningum ungmennaráðs.

Ráðið fagnar því að það séu komnar samræmdar reglur um skólaakstur í Múlaþingi og þeim breytingum sem heimila nemendum í dreifbýli að taka með sér vini í skólabílinn.

Ungmennaráð þakkar Sigurbjörgu fyrir greinargóð svör og góða kynningu.

Fyrir liggur boðsbréf frá Landssambandi ungmennafélaga (LUF) á samráðsfund um gerð rafræns samráðsvettvangs ungs fólks og stjórnvalda og 1. leiðtogaráðsfund LUF sem haldinn verður 26. apríl nk.

Fyrirhugað er að senda tvo fulltrúa á fundinn og felur ungmennaráð starfsmanni að grafast fyrir um þá möguleika sem eru fyrir hendi.

Samþykkt samhljóða með handauppréttingu.

Í erindisbréfi ungmennaráðs segir að sveitarstjórn Múlaþings og ungmennaráð skuli halda einn til tvo sameiginlega fundi ár hvert.

Ungmennaráð felur starfsmanni sínum að hafa samband við sveitarstjóra Múlaþings og finna heppilega tímasetningu fyrir fundinn. Ráðið leggur til að miðvikudagurinn 14. júní verði fyrir valinu.

Samþykkt samhljóða með handauppréttingu.

Ungmennaráð fagnar því að búið sé að ganga frá samningi við Samtökin 78 og stendur við fyrri bókun síðan 12.12.2022 um að mikilvægt sé að Múlaþing sé leiðandi í jafnréttismálum og telur að hinsegin fræðsla sé gagnleg og lífsnauðsynleg í þeirri baráttu, bæði gegn óæskilegri orðræðu og fordómum í samfélaginu.

Ungmennaráð hlakkar til samstarfsins við Samtökin 78.

Stefnt að því að kynna ungmennaráðið fyrir grunnskólanemendum í 8.-10. bekk og viðeigandi stofnanir í sveitarfélaginu.

Lagt fram til kynningar.

Ungmennaráð leggur til við sveitarstjórn tvær breytingar á 8. gr. í erindisbréfi ungmennaráðs.

Breytingartillaga 1 felur í sér að eftirfarandi málsgrein verði tekin út:

Einn fulltrúi Ungs Austurlands og einn til vara. Fulltrúi Ungs Austurlands er skipaður af stjórn félagsins.

í stað hennar verði:

Einn fulltrúi sem skipaður er úr Vegahúsinu og einn til vara.

Breytingartillaga 2: að ungmennaráð starfi í tvö ár í senn en ekki í eitt ár í senn.

Samþykkt samhljóða með handauppréttingu.