Ungmennaráð Múlaþings

Undir þessum lið kom Hugrún Hjálmarsdóttir, framkvæmda- og umhverfismálastjóri Múlaþings, og kynnti þær tillögur sem fyrir liggja varðandi staðsetningu ærslabelgs á Egilsstöðum.

Ungmennaráð ræddi tillögurnar og leggur til að ærslabelgur verði staðsettur í Tjarnargarði, á svæði C á meðfylgjandi skjali. Telur ráðið að sú staðsetning geti haft í för með sér áframhaldandi uppbyggingu afþreyingar á svæðinu. Eins er framkvæmdin einföld, aðgengi að svæðinu er gott og belgurinn yrði vel sýnilegur fyrir ferðafólk á Egilsstöðum.

Samþykkt með meirihluta greiddra atkvæða.

Undir þessum lið mætti Hugrún Hjálmarsdóttir, framkvæmda- og umhverfismálastjóri Múlaþings, og kynnti viðhalds- og framkvæmdaáætlanir grunnskóla Múlaþings. Var það að beiðni ráðsins eftir heimsókn í grunnskóla á Seyðisfirði og Djúpavogi.

Ungmennaráð þakkar Hugrúnu fyrir greinargóða kynningu og beinir því til umhverfis- og framkvæmdaráðs að þarfagreining og forgangsröðun á viðhaldi og framkvæmdum við grunnskóla í byggðakjörnum sveitarfélagsins verði kláruð sem fyrst.

Samþykkt samhljóða með handauppréttingu.

Skipað í vinnuhópa fyrir komandi Ungmennaþing.

Málið er að öðru leyti í vinnslu.

Lagt fram til kynningar.