Öldungaráð Múlaþings

Öldungaráð kýs Írisi Dórótheu Randversdóttur sem formann ráðsins og Gyðu Vigfúsdóttur sem varaformann.

Samþykkt einróma með lófataki.

Farið yfir erindisbréf öldungaráðs og rætt um hlutverk þess og markmið. Með vísan í þau verkefni sem ráðinu eru falin vill það koma á framfæri undrun sinni á að seta í ráðinu sé ólaunuð og ekki greitt fyrir akstur þegar aka þarf á milli byggðarkjarna. Ráðsmeðlimir velta fyrir sér hvort þetta endurspegli viðhorf stjórnvalda til aldraðra.

Múlaþing hefur skipað starfshóp sem vinna skal að loftslagsstefnu fyrir sveitarfélagið. Óskað hefur verið eftir fulltrúa úr Öldungaráði í starfshópinn. Baldur Pálsson er skipaður fulltrúi ráðsins.