Fráveita á Djúpavogi Langitangi

Heimastjórn lýsir vonbrigðum með tafir á framkvæmdum og krefst þess að fyrirhugaðar framkvæmdir við útrás við Langatanga fari í gang sem allra fyrst. Starfsmanni heimastjórnar falið að fylgja málinu eftir í samráði við Umhverfis og framkvæmdasvið Múlaþings.

Aðalsteinn kynnir veitumál fyrir Heimastjórn, útrás við Langatanga, sameiningu fráveitusvæða og fleira.

Aðalsteinn og Þorsteinn fara yfir málefni tengd HEF á Djúpavogi. Vatnsveita, fráveita við Langatanga, framtíð hitavatnsleitar ofl.

Búið er að kostnaðarmeta fráveitu í eina útrás við Langatanga, en áætlaður kostnaður eru um 300 milljónir króna. Gert er ráð fyrir því að framkvæmdir hefjist á næsta ári. Um 4 ára framkvæmd er að ræða, þar sem fyrst yrði hafist handa við útrásina sjálfa og hverfin tengd eitt af öðru í framhaldinu.

Heimastjórn brýnir fyrir Umhverfis og framkvæmdasviði að tryggja að skipulagsvinna tefji ekki framkvæmdir við Langatanga.

Samhliða þessum framkvæmdum yrði vatnsveita endurnýjuð eftir þörfum. Einnig er verið að meta vatnsþörf og mögulega stækkun á vatnsöflun fyrir byggðarlagið.

Unnið er í kostnaðargreiningu á vinnsluholu fyrir hitaveitu, upplýsingar um áætlaðan kostnað ættu að liggja fyrir í desemberbyrjun og mun Aðalsteinn kynna það fyrir Heimastjórn þegar það liggur fyrir.

Heimastjórn fagnar því að framkvæmdum við fráveitu að Langatanga sé lokið, en bendir á að betur þyrfti að huga að öryggi vegfarenda um Vogaland. Engar hindranir séu við vegbrún og því mikil hætta fyrir akandi, sérstaklega að vetrarlagi.

Starfmanni falið að fylgja málinu eftir.