Heimastjórn Seyðisfjarðar

Kjartan Róbertsson verkstjóri framkvæmdamála kom inná fundinn og fór yfir niðurstöður könnununar meðal íbúa varðandi val á aðferð við viðgerð utanhúss fyrir Herðubreið.

Heimastjórn ítrekar fyrri bókun frá fundi sínum 04.10.2021

"Heimastjórn Seyðisfjarðar leggur til að húsið verði einangrað, múrað og málað. Sú útfærsla breytir ekki útliti hússins eins og það hefur verið lengst af og er einnig hagkvæmt upp á framtíðarviðhald."

Fyrir fundinum liggur beiðni frá Skaftfelli miðstöðvar myndlistar á Austurlandi um framlengingu stöðuleyfis listaverks á vegum miðstöðvarinnar sem staðsett er í Hafnargarðinum við Lónsleiru.

Skúlptúrinn Neysla; í minningu Homo Sapiens eftir Pétur Kristjánsson var settur upp sl. sumar og var hluti af sýningunni Fikt og fræði sem opnaði í Skaftfelli 17. júní. Til stóð að taka hann niður í september en Pétur hefur nú óskað eftir að hann fái að standa áfram og verði hluti af svokölluðum skúlptúrgarði sem er í umsjón Skaftfells. Fyrir hönd miðstöðvarinnar telja Júlía Martin og Hanna Christel forstöðumenn Skaftfells að verkið sómi sér vel sem hluti af skúlptúrgarðinum bæði útlitslega séð og innihaldslega séð.

Heimastjórn gerir ekki athugasemd við framlengingu leyfisins en bendir á að leyfið sé háð takmörkunum varðandi úthlutun lóða á svæðinu ef til þess kæmi. Heimastjórn vísar að öðru leyti erindinu til Umhverfis- og framkvæmdaráðs.

Fyrir fundinum liggur erindi frá lóðarhöfum við Lónsleiru 7 og 9 er varðar hugmyndir um frekari uppbyggingu við Lónsleiru 11 og 13. Byggingarfulltrúi gerði grein fyrir fundi hans með málsaðilum þar sem fram kom að fyrirhuguð áform eru ekki í samræmi við gildandi deiliskipulag. Fram kom að Tækniminjasafn Austurlands hefur sent byggðaráði Múlaþings erindi þar sem óskað er eftir umræddum lóðum til framtíðaruppbyggingar safnins í samræmi við tillögur ráðgjafanefndar um færslu húsa á Seyðisfirði.

Umhverfis- og framkvæmdaráð óskar eftir því við heimastjórn Seyðisfjarðar að unnin verði breyting á gildandi deiliskipulagi svæðisins þar sem horft verði til þeirra hugmynda sem fram hafa komið um nýtingu þess



Heimastjórn fagnar metnaðarfullum áformum Lónsleiru en tekur undir með Byggingafulltrúa um að fyrirhuguð áform eru ekki í samræmi við gildandi deiliskipulag. Um svæðið H1 Miðbær Seyðisfjarðarkaupstaðar gildir Hverfisvernd. í greinagerð með gildandi aðalskipulagi Seyðisfjarðarkaupstaðar kemur fram að markmiðið með hverfisvernd sé að skapa í miðbæ Seyðisfjarðar heilsteypta bæjarmynd sem byggir á andrúmslofti liðins tíma með verndun sögulegra húsa og götumynda að leiðarljósi. Úrlausnin felst í vönduðu deiliskipulagi sem byggir á framangreindu markmiði.

Heimastjórn Seyðisfjarðar felur Skipulagsfulltrúa að vinna tillögu að breytingu á gildandi deiliskipulagi svæðisins er um ræðir. Bendir heimastjórn á að taka verði sérstakt tillit til hverfisverndar og áherslur ráðgjafanefndar um færslu húsa hvað varðar Tækniminjasafn Austurlands.

Rúnar Gunnarsson hefur óskað eftir yfirliti varðandi Hvatasjóð og aðra kostnaðarliði varðandi verkefni Austurbrúar fyrir atvinnulífið á Seyðisfirði.

Fyrir fundinum lá tölvupóstur frá Urði Gunnarsdóttur starfsmanni Austurbrúar varðandi Hvatasjóðinn.
Málið áfram í vinnslu.