Fjölskylduráð Múlaþings

Ruth Magnúsdóttir, skólastjóri Egilsstaðaskóla, kynnti erindið en fyrir liggur kostnaðaráætlun vegna breytinga á því húsrými sem notað hefur verið sem vinnuaðstaða fyrir húsvörð, þannig að hægt sé að nota rýmið fyrir nemendur, sbr. þær hugmyndir varðandi sérúrræði sem skólastjóri hefur áður kynnt fyrir fjölskylduráði.

Fjölskylduráð telur mikilvægt að fá sem gleggsta heildarmynd af umbótaþörfum á skólahúsnæði sveitarfélagins og felur fræðslustjóra að afla fyrirliggjandi gagna í því sambandi. Málið verði síðan tekið til frekari afgreiðslu á næsta fundi ráðsins þar sem fræðslumál eru til umfjöllunar.

Samþykkt samhljóða án atkvæðagreiðslu.

Umræður um umfang ofbeldis nemenda í garð starfsfólks í skólum sveitarfélagsins.

Fjölskylduráð telur umræðuna um starfsaðstæður kennara mikilvæga og leggur áherslu á að allir skólar eigi virkar viðbragðsáætlanir varðandi öryggi í vinnuumhverfi starfsmanna.

Þórunn Hrund Óladóttir, skólastjóri Seyðisfjarðarskóla, kynnti stuttlega úrbótaáætlun sem unnin hefur verið í kjölfar ytri úttektar Menntamálastofnunar. Úrbótaáætlunin hefur hlotið samþykki Menntamálastofnunar.

Þorbjörg Sandholt, skólastjóri Djúpavogsskóla, kynnti stuttlega úrbótaáætlun sem unnin hefur verið í kjölfar ytri úttektar Menntamálastofnunar og hvernig úrbótaáætlunin var unnin. Allir hagsmunaaðilar fengu tækifæri til að koma að vinnunni. Úrbótaáætlunin hefur hlotið samþykki Menntamálastofnunar.

Erindið kynnt, en það varðar húsnæði tónlistarkennslu á Djúpavogi. Kennslan fer fram í Löngubúð. Ljóst er að vinna þarf að framtíðarlausn á húsnæði fyrir tónlistarkennsluna.

Unnið er að lausnum í málinu. Formanni og fræðslustjóra falið að svara erindinu.

Samþykkt samhljóða án atkvæðagreiðslu.

Fjölskylduráð leggur til að horft verði til að samræma starfsdaga skólastiganna innan skólahverfa eins og kostur er á starfstíma grunnskólanna.

Samþykkt samhljóða án atkvæðagreiðslu.

Erindið varðar fjölbreytni í vali á fæðu í skólamötuneytum. Fræðslustjóri mun ræða erindið við skólastjórnendur.

Staða mála kynnt. Fjölskylduráð leggur á það áherslu að ekki verði þjónusturof í tengslum við þær breytingar sem fram undan eru.

Samþykkt samhljóða án atkvæðagreiðslu.

Lagt fram til kynningar.

Lagt fram til kynningar.

Til kynningar.