Fjölskylduráð Múlaþings

Berglind Magnúsdóttir og Þura Björk Hreinsdóttir frá félags- og vinnumarkaðsráðuneytinu komu á fund fjölskylduráðs Múlaþings og kynntu verkefnið Gott að eldast. Þeim er þökkuð góð kynning.

Borist hefur erindi frá heilbrigðisráðuneytinu þar sem óskað er eftir upplýsingum vegna stöðumats um skaðaminnkun. Lagt er fram til kynningar svar sveitarfélagsins við erindi ráðuneytisins.

Frá Velferðarnefnd Alþingis hefur borist mál nr. 143. um málefni aldraðra (réttur til sambúðar).
Lagt fram til kynningar.

Tekið er fyrir erindi frá Ernu Rakel Baldvinsdóttur þar sem sveitarfélagið Múlaþing er beðið um að hlutast til um frekari heilsueflingu fyrir ófrískar konur en þá sem nú þegar er í boði á Austurlandi, einkum sundleikfimi og jóga. Fjölskylduráð þakkar fyrir erindið og tekur undir með málshefjanda mikilvægi hreyfingar og heilsueflingar kvenna sem ganga með barn. Sveitarfélagið stendur ekki sjálft fyrir hreyfiúrræðum fyrir tiltekna hópa, að undanskildum eldri borgurum, sem geta sótt hreyfiúrræði sér að kostnaðarlausu. Fjölskylduráð bendir málshefjanda á að beina erindi sínu til þeirra aðila er bjóða upp á heilsueflandi úrræði en stefna sveitarfélagsins er að vera ekki í samkeppni við aðila á þeim markaði.

Borist hefur erindi frá Barna- og fjölskyldustofu (BOFS) er varðar barnaverndarmál frá Barnaverndarþjónustu Grindavíkur. Fram kemur að flytja þurfi töluvert af málum frá Grindavík yfir á þau svæði þar sem börn búa eða dvelja. Þá mun barnaverndarþjónusta Grindavíkur framsenda tilkynningar vegna mála þeirra barna sem áður bjuggu í Grindavík, til þeirra svæða sem viðkomandi börn dvelja á í dag. BOFS fer þess á leit við aðrar barnaverndarþjónustur landsins að taka vel í þær beiðnir sem kunna að berast frá Grindavík.
Fjölskylduráð tekur heils hugar undir með BOFS og mun hér eftir sem hingað til taka vel undir málaleitan barnaverndarþjónustu Grindavíkur.

Borist hefur beiðni til Múlaþings frá lögreglustjóranum á Norðurlandi eystra fyrir hönd Bjarmahlíðar, þolendamiðstöðvar á Akureyri um fjárstyrk vegna starfseminnar. Bjarmahlíð er tilraunaverkefni styrkt af dóms- og félagsmálaráðuneytinu og rekið sem samstarfsverkefni ólíkra aðila í því skyni að aðstoða þolendur ofbeldis að vinna úr áfalli og fá viðeigandi aðstoð. Samstarfsaðilar Bjarmahlíðar eru stjórnvöld, sveitarfélög, frjáls félagasamtök s.s. Aflið, Akureyrarbær, Háskólinn á Akureyri, Heilbrigðisstofnun Norðurlands, Kvennaráðgjöfin, lögreglustjórinn á Norðurlandi eystra, Mannréttindaskrifstofa Íslands, Samtök um kvennaathvarf og Sjúkrahúsið á Akureyri sem allir leggja til þjónustu við skjólstæðinga Bjarmahlíðar.
Fjölskylduráð samþykkir að styrkja Bjarmahlíð um 200.000,- kr. sem tekið er af lið 9160.

Samþykkt samhljóða.

Trúnaðarmál. Niðurstaða bókuð í trúnaðarmálabók fjölskylduráðs.