Fjölskylduráð Múlaþings

Teknar eru fyrir gjaldskrár ársins 2021.

Varðandi gjaldskrár leikskóla er samþykkt að miðað verði við núgildandi gjaldskrár Fljótsdalshéraðs auk 2,5% hækkunar sbr. lífskjarasamninga, að undanteknum leikskólunum á Borgarfirði eystra og Brúarásskóla. Til að koma á móts við mikla hækkun gjalda á Seyðisfirði verður útfærð afsláttaleið til næstu þriggja ára til foreldra leikskólabarna þar. Systkinaafsláttur verður 50% með öðru barni og 100% með þriðja barni.
Fæðisgjald verður áfram miðað við kostnað aðfanga á hverjum stað.

Fjölskylduráð er sammála um að áfram verði unnið að því að lækka álögur á barnafjölskyldur. Lögð verði á það sérstök áhersla við fjárhagsáætlunargerð ársins 2022.

Gjaldskrár er heyra undir félagsþjónustu hækka í samræmi við lífskjarasamning um 2.5% eða í samræmi við viðmiðunartekjumörk gefin út af félagsmálaráðuneyti fyrir upphaf hvers árs.

Samþykkt samhljóða.

Fyrirkomulag funda rætt og ákveðið að hver málaflokkur innan fjölskyldusviðs hefði að jafnaði forgang að ráðinu einu sinni í mánuði. Fundartími verður á þriðjudögum kl. 12:00-15:00.

Lagt fram til kynningar.

Fjölskylduráð samþykkir að styrkja Félag eldri borgara um 100.000,- kr. vegna endurbóta og viðhalds á púttvelli á Egilsstöðum. Stuðningurinn er tilkominn vegna takmarkana á félagsstarfi eldri borgara á tímum Covid-19 faraldursins. Bókast af lið 9160.

Fjölskylduráð þakkar fyrir erindi Afstöðu, félagi fanga og tekur undir þau sjónarmið er þar koma fram. Félagsmálastjóra er falið að svara erindinu í samræmi við umræður á fundinum.

Lagt fram til kynningar.

Félagsmálastjóri reifar mál sviðsins.