Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins. Undir þessum lið tengdust endurskoðendur frá KPMG, Magnús Jónsson og Sigurjón Ö. Arnarsson,sem fóru yfir drög að ársreikningi fyrir árið 2023.

Fyrir liggur minnisblað frá Bjarna G. Björgvinssyni hrl. þar sem matsgerð um ætlað markaðsverð á svokölluðu Suðursvæði, sem boðið var sveitarfélaginu til kaups, er uppfærð að teknu tilliti til mögulegs fjölda byggingarhæfra lóða sem og núvirtra tekna af fasteigna- og lóðagjöldum til framtíðar.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að taka upp samningaviðræður við landeigendur um möguleg kaup sveitarfélagsins á grundvelli fyrirliggjandi endurskoðaðs mats.

Samþykkt samhljóða án atkvæðagreiðslu.

Fyrir liggur fundargerð almannavarnarnefndar í umdæmi lögreglustjórans á Austurlandi, dags. 26.02.2024.

Lagt fram til kynningar.

Fyrir liggur fundargerð samráðshóps um framtíðaruppbyggingu atvinnulífs á Seyðisfirði, dags. 26.02.2024.

Lagt fram til kynningar.

Fyrir liggur fundargerð stjórnar HEF veitna, dags. 27.02.2024.

Lagt fram til kynningar.

Fyrir liggur fundargerð stjórnar Sambands íslenskra sveitarfélaga, dags. 23.02.2024.

Lagt fram til kynningar.

Fyrir liggur tölvupóstur frá Innviðaráðuneyti þar sem vakin er athygli á því að drög að fyrstu borgarstefnu fyrir Ísland hafa verið birt í samráðsgátt stjórnvalda.

Eftirfarandi tillaga lögð fram:
Byggðaráð Múlaþings hvetur kjörna fulltrúa og sviðsstjóra sveitarfélagsins til að kynna sér fyrirliggjandi drög að borgarstefnu, er birt hefur verið í samráðsgátt stjórnvalda. Sjái viðkomandi ástæðu til skal koma ábendingum eða athugasemdum á framfæri við skrifstofustjóra Múlaþings en málið verður tekið fyrir á ný á fundi byggðaráðs þriðjudaginn 19. mars. n.k.

Samþykkt samhljóða án atkvæðagreiðslu.

Fyrir liggur erindi frá Landsamtökunum Þroskahjálp varðandi stofnframlag vegna kaupa á íbúðum á Egilsstöðum.

Eftirfarandi tillaga lögð fram:
Byggðaráð Múlaþings samþykkir að veita vilyrði fyrir stofnframlagi (12% af kaupverði) vegna kaupa Húsbyggingasjóðs Þroskahjálpar á tveimur íbúðum við Bláargerði sem nýtt verði til útleigu fyrir fatlaða íbúa Múlaþings. Stofnframlag sveitarfélagsins verði þó háð því að Húsbyggingasjóður Þroskahjálpar fái stofnframlag frá Húsnæðis- og mannvirkjastofnun (HMS) vegna umræddra kaupa.

Samþykkt samhljóða án atkvæðagreiðslu.