Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins. Jafnframt fór framkvæmda- og umhverfismálastjóri yfir stöðu mála varðandi viðhald og fjárfestingar m.a.

Lagt fram til kynningar.

Fyrir liggja fundargerðir stjórnar HEF, dags. 23.05.22, 12.06.22, 20.06.22 og 16.08.22.

Lagt fram til kynningar.

Fyrir liggur fundargerð byggingarnefndar Menningarhúss á Egilsstöðum, dags. 18.08.22. Byggingarnefnd leggur m.a. til við byggðaráð að bragginn innan við Sláturhúsið verði fjarlægður að öllu leyti eða að hluta.

Eftirfarandi tillaga lögð fram:
Byggðaráð samþykkir að fela sveitarstjóra að láta vinna mat á þeim valkostum er fram koma í fundargerð byggingarnefndar Menningarhúss á Egilsstöðum varðandi framtíðarfyrirkomulag og notkun braggans innan við Sláturhúsið. Málið verður tekið til afgreiðslu í byggðaráði er niðurstaða mats liggur fyrir.

Samþykkt samhljóða án atkvæðagreiðslu.

Fyrir liggur samantekt framkvæmda- og umhverfismálastjóra varðandi fjölda og staðsetningar hleðslustöðva fyrir rafbíla innan sveitarfélagsins.

Lagt fram til kynningar.

Fyrir liggja skýrsla Eflu um fjarvarmaveitu á Seyðisfirði þar sem farið er yfir möguleika á framtíðarrekstri, kynningarglærur Eflu frá íbúafundi á Seyðisfirði 16.05.2022 og punktar frá íbúafundi um kyndingakosti til framtíðar á Seyðisfirði. Einnig gerði sveitarstjóri grein fyrir fundi er hann átti með forstjóra og fyrrum forstjóra Rarik fimmtudaginn 18.08.2022 þar sem þessi mál voru rædd m.a.

Eftirfarandi tillaga lögð fram:
Byggðaráð felur sveitarstjóra að koma á sameiginlegum fundi sveitarstjórnar, fulltrúa HEF og Rarik þar sem næstu skref varðandi framtíðarfyrirkomulag hitaveitu á Seyðisfirði verði til umfjöllunar.

Samþykkt samhljóða án atkvæðagreiðslu.