Byggðaráð Múlaþings

Sveitarstjóri fór yfir og kynnti mál er varða fjármál og rekstur sveitarfélagsins.

Fyrir lá kynning á kröfum íslenska ríkisins um þjóðlendur. Fram kemur m.a. að aðilar, sem telja til eignaréttinda á landsvæðum sem ríkið gerir kröfur til, hafa frest til að lýsa kröfum skriflega fyrir óbyggðanefnd til og með 6. maí 2022.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að semja við Jón Jónsson hjá Sókn Lögmannsstofu ehf um að gæta hagsmuna sveitarfélagsins varðandi kröfur ríkisins um þjóðlendur í landi Múlaþings.

Samþykkt samhljóða án atkvæðagreiðslu.

Fyrir lágu fundargerðir stjórnar Tækniminjasafns Austurlands, dags. 14.12.2021,18.01.2022 og 15.02.2022.

Lagt fram til kynningar.

Fyrir lá fundargerð starfshóps um Faktorshús og gömlu kirkju á Djúpavogi, dags. 01.02.2022, auk bókunar heimastjórnar Djúpavogs, dags. 07.02.2022.

Eftirfarandi tillaga lögð fram:
Byggðaráð Múlaþings tekur undir með heimastjórn Djúpavogs varðandi það að framkomnar hugmyndir séu áhugaverðar og að unnið verði áfram með þær. Byggðaráð leggur þó áherslu á að áður en frekari vinna fari fram verði, í samstarfi við stjórn Ríkarðshúss og heimastjórn Djúpavogs, unnin tillaga að framtíðarstaðsetningu safnsins og lögð fyrir byggðaráð til afgreiðslu. Lögð er áhersla á að tillaga liggi fyrir sem fyrst og er sveitarstjóra falið að sjá til að svo verði.

Samþykkt samhljóða án atkvæðagreiðslu.

Fyrir lá erindi varðandi mögulega virkjun í Hamarsdal.

Lagt fram til kynningar.

Fyrir lágu matsgerð varðandi lóðir Halldórs Vilhjálmssonar í Fellabæ, drög að kaupsamningi og afsal. Sveitarstjóri gerði grein fyrir samskiptum er fulltrúar sveitarfélagsins hafa átt við fulltrúa lóðareigenda á undanförnum mánuðum.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að ganga frá kaupum á umræddum lóðum í Fellabæ á grundvelli mats.

Samþykkt samhljóða án atkvæðagreiðslu.

Fyrir liggur bréf frá kjörnefnd Lánasjóðs sveitarfélaga ohf., dags. 11.02.2022, þar sem auglýst er eftir tilnefningum eða framboðum til stjórnar Lánasjóðs sveitarfélaga sem skulu berast í síðasta lagi á hádegi þann 9. mars 2022. Óskað er eftir að sveitarstjórnarmönnum verði kynnt innihald bréfsins.

Eftirfarandi tillaga lögð fram:
Byggðaráð felur skrifstofustjóra að koma fyrirliggjandi erindi frá Lánasjóði sveitarfélaga á framfæri við kjörna fulltrúa.

Samþykkt samhljóða án atkvæðagreiðslu.