Næstu daga mun Héraðsverk, verktakinn í varnargörðunum, dreifa kúamykju yfir uppgræðslusvæðin.
Þetta er þekkt aðferð sem reynst hefur vel til að flýta uppgræðslu sem þá ætti að skila sér í minna ryki og grænna og fallegra svæði.
Gert er ráð fyrir að dreifing taki 2-3 daga og mun henni fylgja ólykt sem vonandi mun ekki endast nema í 2-3 daga eftir að dreifing fer fram.
Framkvæmdasvið biðst velvirðingar á þeim óþægindum sem þetta mun hafa í för með sér fyrir íbúa og aðra sem staddir eru á Seyðisfirði.
Það er annars af framkvæmdunum að segja að þær ganga afar vel og er verkið heldur á undan áætlun.
