Í október er hefð fyrir því að halda upp á Bleika daginn og er mánuðurinn víða tileinkaður átakinu Bleika slaufan.
Bleika slaufan er átak sem Krabbameinsfélagið stendur fyrir árlega og er árverkni- og fjáröflunarátak tileinkað baráttunni gegn krabbameini hjá konum. Í ár er sjónum beint að aðstandendum undir slagorðinu Þú breytir öllu.
Krabbameinsfélag Austurlands og Múlaþing hafa tekið höndum saman og verða fjölmargir viðburðir í boði í tilefni átaksins. Öll eru hvött til að kynna sér dagskrána og taka þátt. Þá er einnig hægt að leggja málefninu lið með því að kaupa Bleiku slaufuna.
Fyrirtæki, stofnanir og einstaklingar eru hvött til að sýna samhug og lýsa upp mánuðinn með bleiku.
Viðburðir í Bleikum október
13. október kl. 20:00 Bleik messa í Egilsstaðakirkju
14. október - allan daginn Bleikur dagur hjá Austur Egilsstöð
15. október kl. 19:30 Opið kynningarkvöld í Hlymsdölum
16. október kl. 17:00 Bleikt jóga í Sláturhúsinu
19. október kl. 20:00 Bleikt bíó ,,We live in time" í Herðubreið, Seyðisfirði
20. október kl. 17:00 - 19:00 Bleik samvera í Lindarbakka Borgarfirði
23. október kl. 16:00 - 18:00 Bleik opnun í Vonarlandi, nýju húsnæði félagsins, Egilsstöðum
23. október kl. 17:00 Bleikt útihlaup með Austurskokk, mæting á Vilhjálmsvöll
27. október kl. 17:00 Bleik samvera í safnaðarheimili Vopnafjarðarkirkju
27. október kl. 10:00 - 11:30 Bleikt zumba í Fellahúsi
