Boðun ársfundar Brákar íbúðafélags hses 15. janúar 2025

Fyrir liggur boðun til ársfundar Brákar íbúaðafélags hses. miðvikudaginn 15. janúar 2025 kl. 13:00. Um verður að ræða rafrænan fund á Teams.

Eftirfarandi tillaga lögð fram:
Byggðaráð Múlaþings samþykkir að Guðlaugur Sæbjörnsson, fjármálastjóri, sæki fundinn fyrir hönd Múlaþings og fari með atkvæði sveitarfélagsins. Varamaður verði Óðinn Gunnar Óðinsson, skrifstofustjóri. Byggðaráð Múlaþings gerir athugasemdir við fyrirhugaða breytingu á 3. gr. samþykkta stofnunarinnar og gerir tillögu um að 3. gr. samþykkta verði óbreytt.

Samþykkt samhljóða án atkvæðagreiðslu.

Fyrir liggja upplýsingar frá formanni stjórnar Brákar íbúðafélags hses. varðandi ástæður þess að stjórn leggur fram breytingartillögu á samþykktum stofnunarinnar á boðuðum ársfundi félagsins þann 15. janúar 2025.

Eftirfarandi tillaga lögð fram:
Byggðaráð gerir athugasemdir við að ekki skuli hafa verið upplýst um ástæður varðandi tillögu að breyttum samþykktum þegar að fundarboð var sent út ásamt tillögum að breyttum samþykktum. Með vísan til þess að tilgangur stofnunarinnar hefur frá upphafi verið sá að efla húsnæðisuppbyggingu á landsbyggðinni þá telur Byggðaráð Múlaþings æskilegt að samþykktir verði óbreyttar. Byggðaráð samþykkir jafnframt að Berglind Harpa Svavarsdóttir sæki fundinn fyrir hönd Múlaþings og fari með atkvæði sveitarfélagsins. Varamaður verði Guðlaugur Sæbjörnsson, fjármálastjóri.

Samþykkt samhljóða án atkvæðagreiðslu.

Fyrir liggur fundargerð ársfundar Brákar íbúðafélags hses. vegna ársins 2023, dags. 15.01.2025.

Lagt fram til kynningar.