Ofanflóðavarnir undir Bjólfi á Seyðisfirði - verkhönnun

Fyrir umhverfis- og framkvæmdaráði liggur framvinduskýrsla fornleifaskráningar vegna fyrirhugaðra framkvæmda við ofanflóðavarnir undir Bjólfi á Seyðisfirði.

Eftirfarandi tillaga lögð fram:
Umhverfis- og framkvæmdaráð telur nauðsynlegt að ráðist verði í þær fornleifarannsóknir sem fyrirliggjandi framvinduskýrsla leggur til. Ráðið felur framkvæmda- og umhverfismálastjóra að láta sjá til þess að það verði skipulagt þannig að ekki komi niður á fyrirhuguðum framkvæmdum.

Samþykkt með sex atkvæðum með handauppréttingu, einn (PH) var fjarverandi.

Fyrir lá tillaga frá Framkvæmdasýslu ríkisins, dags. 02.06.2021, að töku tilboðs í útboð nr. 21438 Ofanflóðavarnir á Seyðisfirði, Aldan og Bakkahverfi, Fornleifagröftur.
Til máls tóku: Þröstur Jónsson,Hildur Þórisdóttir sem bar fram fyrirspurn, Björn Ingimarsson sem svaraði fyrirspurn.

Eftirfarandi tillaga lögð fram:
Að tillögu Framkvæmdasýslu ríkisins samþykkir sveitarstjórn Múlaþings að tilboði Antikva ehf. í verkið, að fjárhæð kr. 198.462.000, verði tekið.


Samþykkt með handauppréttingu en einn sat hjá (ÞJ) og gerði grein fyrir atkvæði sínu.

Fyrir byggðaráði liggja undirritaðar tillögur frá Framkvæmdasýslu ríkisins að töku tilboða, annars vegar, í stálvirki vegna ofanflóðavarna undir Bjólfi á Seyðisfirði og, hins vegar, í framkvæmdir við Snjóflóðavarnir á Seyðisfirði / Aldan og Bakkahverfi.

Eftirfarandi tillaga lögð fram.
Byggðaráð Múlaþings samþykkir, að tillögu Framkvæmdasýslu ríkisins, að taka tilboði Reinforced Earth Company í verkið Earth reinforcement system for avalanche defenses Seyðisfjörður að fjárhæð kr. 297.443.104,-. Jafnframt samþykkir byggðaráð Múlaþings, að tillögu Framkvæmdasýslu ríkisins, að taka tilboði Héraðsverks ehf. í verkið Snjóflóðavarnir á Seyðisfirði / Aldan og Bakkahverfi að fjárhæð kr. 1.982.560.717,-.

Sveitarstjóra veitt umboð til að undirrita skjöl þessu tengd fyrir hönd sveitarfélagsins.

Samþykkt samhljóða án atkvæðagreiðslu.

Verksamningur vegna snjóflóðavarna á Seyðisfirði, Aldan og Bakkahverfi, lagður fram til kynningar.

Fyrir umhverfis- og framkvæmdaráði liggur frumhönnun á tillögu að viðbótum við þær ofanflóðavarnir sem unnið er að undir Bjólfinum á Seyðisfirði. Tillagan felur í sér að byggja 7-9 keilur ofan við nýja húsbýlastæðið og munu þær draga verulega úr krafti þeirra flóða sem komið gætu niður á Ölduna. Fyrir ráðinu liggur að taka afstöðu til umræddra tillagna og óska eftir því að Ofanflóðasjóður komi þeim í áframhaldandi hönnun og framkvæmd.
Skipulagsfulltrúi situr fundinn undir þessum lið.

Eftirfarandi tillaga lögð fram:
Umhverfis- og framkvæmdaráð samþykkir að fela framkvæmda- og umhverfismálastjóra að óska eftir því við Ofanflóðasjóð að haldið verði áfram með frekari hönnun fyrirliggjandi tillaga og þeim komið í framkvæmd í kjölfarið.

Samþykkt samhljóða.