Aðalfundur Héraðsskjalasafns Austfirðinga 2020

Fyrir lá erindi frá Héraðsskjalasafni Austurlands þar sem lagt er til að aðalfundi félagsins verði frestað fram í desember auk þess að spurst er fyrir um hvort fjárhagsáætlun Héraðsskjalasafnsins fyrir árið 2021 hafi verið lögð fyrir sveitarstjórn og ef svo hafi verið gert hvort sveitarfélagið samþykki fyrirliggjandi fjárhagsáætlun.

Eftirfarandi tillaga að bókun lögð fram:
Byggðaráð Múlaþings gerir ekki athugasemd við að aðalfundi Héraðsskjalasafns Austfirðinga bs. verði frestað fram í desember. Fjárhagsáætlun Héraðsskjalasafnsins var tekin til umfjöllunar í fagnendum sveitarafélaganna fjögurra, er sameinuðust í Múlaþing, og samþykkir byggðaráð Múlaþings fyrirliggjandi fjárhagsáætlun.

Skrifstofustjóra Múlaþings falið að koma framangreindu á framfæri við Héraðsskjalasafn Austfirðinga

Samþykkt samhljóða án atkvæðagreiðslu.

Fyrir lá boðun aðalfundar Héraðsskjalasafns Austfirðinga sem haldinn verður föstudaginn 11. desember 2020 í samfélagssmiðjunni á Egilsstöðum kl. 13:00.

Eftirfarandi tillaga lögð fram:
Byggðaráð Múlaþings samþykkir að Óðinn Gunnar Óðinsson skrifstofustjóri mæti sem fulltrúi sveitarfélagsins á aðalfundinn og fari með umboð þess og atkvæði.

Samþykkt samhljóða án atkvæðagreiðslu.

Fyrir lá fundargerð frá aðalfundi Héraðsskjalasafns Austfirðinga dags. 11.12.2020.
Lagt fram til kynningar