Húsnæðismál Djúpavogsskóla

Fyrir fundinum lá ítarleg greinargerð um aðstæður í húsnæðismálum Djúpavogsskóla frá skólastjóra sem hún fylgdi eftir á fundinum. Í greinargerðinni er forgangsraðað yfirlit yfir þau atriði sem nauðsynlegt er að bregðast við svo skólastarf í Djúpavogsskóla geti farið fram með ásættanlegum hætti á næsta skólaári.

Fjölskylduráð fer fram á að unnin verði áætlun um kostnað við þau atriði sem koma fram í ofangreindum forgangsröðuðum lista skólastjóra og lögð fyrir fjölskylduráð á fundi fyrir lok maímánaðar.

Samþykkt samhljóða án atkvæðagreiðslu.

Þorbjörg Sandholt, skólastjóri Djúpavogsskóla, kynnti forsendur þeirrar greinargerðar sem er meðal fundargagna. Hún leggur ríka áherslu á að brugðist veri við varðandi framkvæmdir innanhúss og viðhald í skólanum og að ákveðnir þættir s.s. forstofa og að fjarlægja salerni verði sett í forgang og verði tilbúið fyrir næsta skólaár. Hún vísar á ný til þeirra atriða sem varða mannauðsstefnu Múlaþings sem tiltekin eru í bókun hennar við lið 1.

Fjölskylduráð telur mikilvægt að reynt verði að bregðast við erindi Djúpavogsskóla varðandi nauðsynlegasta viðhald og umbætur innandyra í húsnæðinu í samræmi við tillögur í greinargerðinni og vísar því til umhverfis- og framkvæmdaráðs að leita leiða til að unnt sé að bregðast við því erindi fyrir upphaf nýs skólaárs.

Samþykkt samhljóða án atkvæðagreiðslu.

Farið yfir húsnæðismál og umhverfi Djúpavogsskóla.
Skólahúsnæði Djúpavogsskóla er orðið of lítið fyrir þá starfsemi sem þar á að vera og uppfyllir ekki kröfur um aðbúnað nemenda og starfsmanna.

Heimastjórn telur það einsýnt að ekki verði hægt að halda uppi eðlilegu skólastarfi á komandi vetrum, vegna plássleysis og viðhaldsþarfar á eldri hluta skólans.

Heimastjórn leggur á það mikla áherslu að mörkuð verði framtíðarstefna um uppbyggingu skólahúsnæðis og skólalóðar og að tryggðir verði fjármunir til uppbyggingar í fjárhagsáætlun næsta árs.

Fyrir liggur erindi frá Þorbjörgu Sandholt, skólastjóra Djúpavogsskóla, sem fjölskylduráð vísaði til umhverfis- og framkvæmdaráðs á fundi sínum 1. júní síðastliðinn. Fjölskylduráð telur mikilvægt að reynt verði að bregðast við erindi Djúpavogsskóla varðandi nauðsynlegasta viðhald og umbætur innandyra í húsnæðinu í samræmi við tillögur í greinargerðinni og vísar því til umhverfis- og framkvæmdaráðs að leita leiða til að unnt sé að bregðast við því erindi fyrir upphaf nýs skólaárs.

Eftirfarandi tillaga lögð fram:
Umhverfis- og framkvæmdaráð felur framkvæmda- og umhverfismálastjóra að vinna að þeim úrbótum sem brýnastar eru í Djúpavogsskóla. Ráðið óskar einnig eftir því að farið verði af stað með skoðun á framtíðarlausn í húsnæðismálum skólans.

Samþykkt samhljóða með handauppréttingu.