Seyðisfjörður_Hlíðarvegur deiliskipulag_óveruleg breyting

Formaður kynnti fyrir umhverfis- og framkvæmdaráði hugmynd að óverulegri breytingu á deiliskipulagi við Hlíðarveg á Seyðisfirði. Breytingin er fólgin í því að breyta húsnúmerum á lóðum nr. 8 til 12, heimila parhús á lóðum númer 2, 4 og 6 og hugsanlega setja kröfur um grundun í greinargerð með skipulagi.

Eftirfarandi tillaga lögð fram:
Umhverfis- og framkvæmdaráð samþykkir að fela framkvæmda- og umhverfismálastjóra að láta útbúa tillögu að óverulegri breytingu á deiliskipulagi í samræmi við þær hugmyndir sem kynntar voru á fundinum. Gögnin verði lögð fyrir næsta fund ráðsins þar sem afstaða verði tekin til grenndarkynningar.

Samþykkt samhljóða með handauppréttingu.

Fyrir umhverfis- og framkvæmdaráði liggur tillaga að óverulegri breytingu á deiliskipulagi við Hlíðarveg og Múlaveg á Seyðisfirði. Með breytingunni er m.a. gert ráð fyrir að þremur einbýlishúsalóðum verði breytt í lóðir fyrir parhús. Þar sem um óverulega breytingu er að ræða er gert ráð fyrir grenndarkynningu í stað auglýsingar.

Eftirfarandi tillaga lögð fram:
Umhverfis- framkvæmdaráð samþykkir að fela framkvæmda- og umhverfismálastjóra að láta kanna hvort rétt sé að breyta fleiri einbýlishúsalóðum í lóðir fyrir rað- eða parhús. Málið verði afgreitt á næsta fundi ráðsins.

Samþykkt samhljóða með handauppréttingu.

Fyrir umhverfis- og framkvæmdaráði liggur tillaga að óverulegri breytingu á deiliskipulagi fyrir Hlíðarveg og Múlaveg á Seyðisfirði. Með tillögunni er gert ráð fyrir að þrjár einbýlishúsalóðir við Múlaveg, númer 54, 56 og 58, verði gerðar að tveimur parhúsalóðum. Þá verður gerð breyting á húsnúmerum við Hlíðarveg og bætt inn ákvæði í skilmála er snýr að grundun húsa á skipulagssvæðinu. Fyrir ráðinu liggur að taka afstöðu til grenndarkynningar.

Eftirfarandi tillaga lögð fram:
Umhverfis- og framkvæmdaráð samþykkir að fela skipulagsfulltrúa að grenndarkynna áformin í samræmi við 2. mgr. 43. gr. skipulagslaga nr. 123/2010, með þeirri breytingu að skýrt komi fram að ákvæði um grundun eigi við um allar lóðir á skipulagssvæðinu. Grenndarkynning nái til eigenda fasteigna við Hlíðarveg og við Múlaveg, númer 50 og 60. Tillagan verði send heimastjórn Seyðisfjarðar og HEF til umsagnar.

Samþykkt samhljóða með handauppréttingu.

Fyrir heimstjórn Seyðisfjarðar liggur tillaga að óverulegri breytingu á deiliskipulagi fyrir Hlíðarveg og Múlaveg á Seyðisfirði. Með tillögunni er gert ráð fyrir að þrjár einbýlishúsalóðir við Múlaveg, númer 54, 56 og 58, verði gerðar að tveimur parhúsalóðum. Þá verður gerð breyting á húsnúmerum við Hlíðarveg og bætt inn ákvæði í skilmála er snýr að grundun húsa á skipulagssvæðinu. Fyrir heimastjórn liggur að taka afstöðu til grenndarkynningar.

Eftirfarandi tillaga lögð fram:
Heimastjórn Seyðisfjarðar samþykkir að fela skipulagsfulltrúa að grenndarkynna áformin í samræmi við 2. mgr. 43. gr. skipulagslaga nr. 123/2010, með þeirri breytingu að skýrt komi fram að ákvæði um grundun eigi við um allar lóðir á skipulagssvæðinu. Grenndarkynning nái til eigenda fasteigna við Hlíðarveg og við Múlaveg, númer 50 og 60. Tillagan verði send HEF til umsagnar.

Farið yfir athugasemdir sem borist hafa í yfirstandandi grenndarkynningu.

Lagt fram til kynningar.

Grenndarkynningu er lokið. Umsögn barst frá HEF og athugasemd barst frá Sesselju Hlín Jónasdóttur.

Eftirfarandi tillaga lögð fram:
Umhverfis- og framkvæmdaráð samþykkir, með hliðsjón af fram komnum athugasemdum, að falla frá fyrirhugaðri breytingu á deiliskipulagi. Málinu er vísað til heimastjórnar Seyðisfjarðar til afgreiðslu.

Samþykkt samhljóða með handauppréttingu.

Umhverfis- og framkvæmdaráð leggur fram eftirfarandi tillögu: Með hliðsjón af fram komnum athugasemdum, að fallið verði frá fyrirhugaðri breytingu á deiliskipulagi.

Heimastjórn samþykkir tillöguna.