Umhverfis- og framkvæmdanefnd

Yfirmaður eignasjóðs mætti á fundinn og kynnti uppfærð gögn og afstöðu Brunavarna á Austurlandi til fyrirliggjandi útfærslu á flóttaleið.

Umhverfis- og framkvæmdanefnd fór yfir bókanir bæjarstjórnar og fræðslunefndar vegna málsins og telur ekki forsendur til að vinna verkefnið áfram að svo stöddu.

Samþykkt samhljóða með nafnakalli.

Auglýsingu er lokið frestur til að skila inn umsögnum eða athugasemdum var til 4. ágúst. Ein athugasemd var tekin fyrir á síðasta fundi nefndarinnar. Nú liggur fyrir umsögn Minjastofnunar.

Skipulags- og byggingarfulltrúi fundaði ásamt ráðgjöfum með Skipulagsstofnun í dag vegna málsins.
Umhverfis- og framkvæmdanefnd samþykkir að fela skipulags- og byggingarfulltrúa að óska eftir heimild Skipulagsstofnunar til að auglýsa fyrirliggjandi breytingu á deiliskipulagstillögu í B-deild Stjórnartíðinda. Jafnframt samþykkir umhverfis- og framkvæmdanefnd að fela skipulags- og byggingarfulltrúa að sækja um undanþágu til Minjastofnunar vegna fornleifaskráningar og húsakönnunar sem liggur ekki fyrir en verður unnin á næstu mánuðum.

Samþykkt samhljóða með nafnakalli.

Skipulags- og byggingarfulltrúi fór yfir stöðu málsins og þá stefnu sem sett er fram í tillögu að verndarsvæði varðandi varðveislumat og þá umgjörð sem lögð er til varðandi verndun á svæðinu.

Umhverfis- og framkvæmdanefnd samþykkir að fela skipulags- og byggingarfulltrúa að undirbúa almenna kynningu á drögum að verndaráætlun.

Samþykkt samhljóða með nafnakalli.

Verkefnislýsing fyrir tillögu að breytingu á Aðalskipulagi Fljótsdalshéraðs 2008-2028 var auglýst þann 16. júlí 2020 og var frestur til að skila umsögnum og koma á framfæri ábendingum til 10. ágúst. Ein umsögn, frá Náttúrufræðistofnun Íslands, var tekin fyrir á síðasta fundi nefndarinnar, en nú liggja fyrir þrjár umsagnir, frá Umhverfisstofnun, Minjastofnun og landeigendum.

Umhverfis- og framkvæmdanefnd fór yfir þær umsagnir og athugasemdir sem hafa borist og samþykkir að vísa erindinu til skipulagsráðgjafa til úrvinnslu.

Samþykkt samhljóða með nafnakalli.

Skipulags- og byggingarfulltrúi fór yfir stöðu málsins.

Skipulags- og byggingarfulltrúi fundaði ásamt skipulagsráðgjöfum og fulltrúa Isavia með Skipulagsstofnun í dag vegna málsins.
Umhverfis- og framkvæmdanefnd samþykkir að breyting á deiliskipulagi fyrir flugvöllinn dags. 13.3.2020 verði auglýst að nýju ásamt umhverfisskýrslu.

Samþykkt samhljóða með nafnakalli.

Fyrir liggur umsókn um byggingarleyfi, kynningargögn hafa borist.

Umhverfis- og framkvæmdanefnd samþykkir að grenndarkynna erindið skv. 44. gr. skipulagslaga nr.123/2010.

Samþykkt samhljóða með nafnakalli.

Fyrir liggur umsókn um framkvæmdaleyfi frá Vegagerðinni.

Umhverfis- og framkvæmdanefnd samþykkir erindið fyrir sitt leyti en bendir á að sækja þarf um starfsleyfi til Heilbrigðiseftirlits Austurlands.

Samþykkt samhljóða með nafnakalli.

Fyrir liggur umsókn um framkvæmdaleyfi frá Vegagerðinni.

Umhverfis- og framkvæmdanefnd samþykkir erindið. Áskilið er að framkvæmdaraðili kynni verkefnið fyrir Minjastofnun.

Samþykkt samhljóða með nafnakalli.

Fyrir liggur umsókn um framkvæmdaleyfi frá Vegagerðinni.

Umhverfis- og framkvæmdanefnd samþykkir að fela skipulags- og byggingarfulltrúa að skoða aðra möguleika með Vegagerðinni um malarnám úr opnum námum á aðalskipulagi.

Samþykkt samhljóða með nafnakalli.

Til umsagnar er verkefnislýsing vegna breytingar á aðalskipulagi Vopnafjarðarhrepps.

Umhverfis- og framkvæmdanefnd gerir ekki athugasemd við fyrirliggjandi verkefnislýsingu.

Samþykkt samhljóða með nafnakalli.

Ganga þarf frá ráðningu fjallskilastjóra á Jökuldal norðan ár og í Jökulsárhlíð.
Einnig liggja fyrir leiðbeiningar og gátlisti varðandi Covid-19 og göngur og réttir.

Umhverfis- og framkvæmdanefnd þakkar Benedikt Arnórssyni hans störf sem fjallskilastjóri á Jökuldal norðan ár og í Jökulsárhlíð og samþykkir að ráða Árna Jón Þórðarson í hans stað.

Umhverfis- og framkvæmdanefnd samþykkir að fela verkefnastjóra umhverfismála að kynna fjallskilastjórum leiðbeiningar og gátlista varðandi Covid-19.

Samþykkt samhljóða með nafnakalli.

Fyrir liggja gangnaseðlar Jökuldals norðan ár, Hjaltastaðaþinghár, Skriðdals og Jökulsárhlíðar.

Umhverfis- og framkvæmdanefnd samþykkir framlagða gangnaseðla en virði dagsverka hækki ekki að svo stöddu en bíði samræmingar í nýju sveitarfélagi.

Samþykkt samhljóða með nafnakalli.

Fyrir liggur ósk um að farið verði í gangstéttarframkvæmdir á Hömrum.

Umrædd gangstétt er ekki á fjárhags- og starfsáætlun ársins 2020. Umhverfis- og framkvæmdanefnd vísar erindinu til gerðar starfs- og fjárhagsáætlunar 2021.

Samþykkt samhljóða með nafnakalli.

Umsókn um byggingarleyfi við Tjarnarbraut 11.
Grenndarkynning hefur farið fram og er án athugasemda.

Umhverfis- og framkvæmdanefnd samþykkir erindið fyrir sitt leyti.

Samþykkt samhljóða með nafnakalli.

Borist hefur tilkynning frá Vegagerðinni vegna úthlutunar úr styrkvegasjóði.

Lagt fram til kynningar.

Erindi frá Félagi hundaeigenda á Fljótsdalshéraði þar sem óskað er eftir afgirtu svæði.

Umhverfis- og framkvæmdanefnd þakkar erindið og leggur til að haldinn verði fundur með fulltrúum félags hundaeigenda á Fljótsdalshéraði fyrir næsta fund nefndarinnar.

Samþykkt samhljóða með nafnakalli.

Erindi frá Akstursíþróttafélaginu Start þar sem óskað er eftir að gerð verði breyting á aðalskipulagi Fljótsdalshéraðs.

Umhverfis- og framkvæmdanefnd samþykkir að vísa erindinu til skipulagsráðgjafa aðalskipulags og óska eftir umsögn hans um þessa hugmynd.

Samþykkt samhljóða með nafnakalli.

Óskað er eftir bættri aðstöðu fyrir frisbígolf.

Umhverfis- og framkvæmdanefnd þakkar erindið og bendir á að í vinnslutillögu deiliskipulags fyrir Selskóg sem nú er í kynningu, er gert ráð fyrir mögulegu svæði fyrir frisbígolf. Nánari útfærslu þarf að vinna í samráði við áhugasama aðila og íþrótta- og tómstundanefnd.

Samþykkt samhljóða með nafnakalli.

Ósk um að upplýsingum um þekktar miltisbrandsgryfjur verði bætt inn á aðalskipulag Fljótsdalshéraðs.

Umhverfis- og framkvæmdanefnd samþykkir að vísa erindinu til skipulagsráðgjafa aðalskipulags til úrvinnslu og að þessar upplýsingar verði færðar inn í skipulagsgögn við næstu endurskoðun.

Samþykkt samhljóða með nafnakalli.