Umhverfis- og framkvæmdanefnd

Anna María Þórhallsdóttir og Unnur Birna Karlsdóttir kynntu stöðu á verkefninu Verndarsvæði í byggð og fóru yfir næstu þætti verkefnisins.

Umhverfis- og framkvæmdanefnd þakkar Önnu Maríu og Unni Birnu fyrir kynningu sína á verkefninu Verndarsvæði í byggð.

Mál í vinnslu.

Áhugahópur um vetraríþróttir í Selskógi kynnti fyrir umhverfis- og framkvæmdanefnd hugmyndir sínar.

Umhverfis- og framkvæmdanefnd þakkar Jóni Agli Sveinssyni og Magnúsi Baldri Kristjánssyni fyrir kynningu sína á möguleikum varðandi nýtingu Selskógar sem skíðasvæði yfir vetrartíma.

Lagt fram til kynningar.

Formaður umhverfis- og framkvæmdanendar fór yfir fjárhagsáætlun fyrir 2021 og verkefnalista fyrir framkvæmdir 2020.

Fyrir liggja drög að fjárhagsáætlun fyrir árið 2021 og verkefnalista fyrir framkvæmdir 2020.
Umhverfis- og framkvæmdanefnd samþykkir drög að fjárhagsáætlun fyrir 2021.
Listi yfir umrædd verkefni verður birtur á heimasíðu Fljótsdalshéraðs í byrjun júní.

Samþykkt samhljóða með handauppréttingu.

Tillaga að endurskoðuðu miðbæjarskipulagi lögð fram.

Umhverfis- og framkvæmdanefnd fór yfir breytingar sem gerðar hafa verið á deiliskipulagi frá því að það var kynnt í maí á síðasta ári.

Mál í vinnslu.

Athugasemdir Skipulagsstofnunar við breytingu á deiliskipulagi fyrir Tunguás. það er niðurstaða Skipulagsstofnunar að tillaga falli ekki undir skilgreiningu um óverulega breytingu á deiliskipulagi þar sem aukning á byggingarmagni geti ekki talist óveruleg.

Aðalsteinn Ásmundarson vék af fundi undir þessum lið.

Umhverfis- og framkvæmdanefnd fór yfir athugasemdir Skipulagsstofnunar.
Umhverfis- og framkvæmdanefnd leggur til við bæjarstjórn tillaga verði samþykkt og afgreitt í samræmi við 1. mgr. 41. gr. skipulagslaga nr. 123/2010.

Samþykkt samhljóða með nafnakalli.

Kynning á tillögu að breytingu á aðalskipulagi Borgarfjarðarhrepps 2004-2016. Tillaga á vinnslustigi.

Umhverfis- og framkvæmdanefnd gerir ekki athugasemdir við breytingartillögu.

Lagt fram til kynningar.

Umhverfis- og framkvæmdanefnd leggur eftirfarandi til varðandi hundasvæði.

Tillaga að bókun:

Umhverfis- og framkvæmdanefnd þakkar innsent erindi. Nefndin er tilbúin í samstarf með hundaeigendum um staðarval og aðstöðusköpun.
Til þess að þetta geti orðið telur nefndin að eigendur hunda verði að taka fyrsta skrefið og mynda félag um rekstur svæðis.
Það er álit umhverfis- og framkvæmdanefndar að til að rekstur hundasvæðis geti gengið þurfi eigendur hunda að vera í forsvari um rekstur og umhirðu svæðis.

Samþykkt samhljóða með nafnakalli.

Atvinnu- og menningarmálnefnd Fljótsdalshéraðs hvetur allar nefndir og ráð að hafa í heiðri Æskulýðsstefnu Fljótsdalshéraðs.

Lagt fram til kynningar.

Úlfsstaðaskógur 43 - Umsókn um byggingaráform og byggingarleyfi, umfjöllun að lokinni grenndarkynningu.

Máli frestað.

Umsókn um stofnun vegsvæðis úr landi Geitagerðis.

Umhverfis- og framkvæmdanefnd leggur til við bæjarstjórn að veitt verði jákvæð umsögn um landskipti. Jafnframt felur umhverfis- og framkvæmdanefnd skipulags- og byggingarfulltrúa að ganga frá stofnun lóðar úr landi Geitagerðis.

Samþykkt samhljóða með nafnakalli.

Umsókn um byggingarleyfi fyrir íbúðarhús að Hvammi.

Umhverfis- og framkvæmdanefnd felur skipulags- og byggingarfulltrúa að grenndarkynna byggingaráform í samræmi við 44. gr. skipulagslaga nr. 123/2010.

Samþykkt samhljóða með nafnakalli.

Umsókn um byggingarleyfi fyrir íbúðarhús að Hvammi.

Umhverfis- og framkvæmdanefnd felur skipulags- og byggingarfulltrúa að grenndarkynna byggingaráform í samræmi við 44. gr. skipulagslaga nr. 123/2010.

Samþykkt samhljóða með nafnakalli.

Umsókn um byggingarleyfi fyrir íbúðarhús að Birnufelli.

Máli frestað.

Umsókn um byggingarleyfi fyrir saltgeymslu við Tjarnarás 9.

Umhverfis- og framkvæmdanefnd felur skipulags- og byggingarfulltrúa að grenndarkynna byggingaráform í samræmi við 44. gr. skipulaglaga nr. 123/2010.

Samþykkt samhljóða með nafnakalli.

Erindi frá Vilhjálmi Karli Jóhannssyni vegna áforma um uppbyggingu og rekstur fastleigu tjald- og hjólhýsastæði í landi Þreps.

Benedikt Hlíðar Stefánsson vék af fundi undir þessum lið.

Máli frestað.

Skipulags- og byggingarfulltrúi fór yfir drög að málsmeðferð og samning um legu lagna á Fljótsdalshéraði.

Umhverfis- og framkvæmdanefnd leggur til við bæjarstjórn að hún heimili samningsgerð og veiti framkvæmdaleyfi í samræmi við þau gögn sem voru lögð fram á fundi.

Samþykkt samhljóða með nafnakalli.