Umhverfis- og framkvæmdanefnd

Til umræðu eru laun nemenda í Vinnuskóla Fljótsdalshéraðs. Í nýjum kjarasamningum er launaflokkur 116 sem laun nemenda hafa verið miðuð við, ekki lengur til staðar.

Umhverfis- og framkvæmdanefnd leggur til að farið verði að tillögu verkefnastjóra umhverfismála um laun og vinnutíma í Vinnuskóla Fljótsdalshéraðs fyrir sumarið 2020.

Samþykkt samhljóða með handauppréttingu.

Til kynningar er ákvörðun um styrkveitingu úr Framkvæmdasjóði ferðamannastaða í verkefnið Öryggi gesta við Hafrahvammagljúfur.

Umhverfis- og framkvæmdanefnd fagnar styrkveitingu til þessa brýna verkefnis.

Samþykkt samhljóða með handauppréttingu.

Farið yfir erindi frá BSI þar sem minnt er á markmið aðalskoðunar.

Umhverfis- og framkvæmdanefnd leggur til að skoðun á leiktækjum verði frestað.

Samþykkt samhljóða með handauppréttingu.

Deiliskipulag Egilsstaðaflugvallar tekið til umræðu. Lögð eru fram svör við athugsemdum vegna deiliskipulags.

Tillaga var áður auglýst frá 10. júní til 15. júlí 2018. Tillaga var auglýst að nýju eftir ábendingu Skiplagsstofnunar og var síðasti dagur til að gera athugasemdir 15. mars sl., ekki bárust nýjar athugasemdir.

Lögð eru fram svör við athugasemdum vegna deiliskipulags.

Umhverfis- og framkvæmdanefnd leggur til við bæjarstjórn að hún samþykki deiliskipulagið og geri svör við athugasemdum að sínum.

Samþykkt samhljóða með handauppréttingu.

Skipulags- og byggingarfulltrúi kynnir tilögu að breytingu á lóðamálum fyrir Miðvang 13.

Skipulags- og byggingarfulltrúi fór yfir stöðu lóðamála Miðvangs 13. Á lóð eru tvær eignir, verslun og bensínstöð.
Lagt er til að í samráði við hagsmunaaðila lóðar verði búin til ný lóð fyrir bensínstöð og að stærð lóðar fyrir verslunarhúsnæði verði leiðrétt í samræmi við uppdrátt 1921-011-046 Miðvangur 9 og 13.

Samþykkt samhljóða með handauppréttingu.

Ósk um leyfi fyrir uppsetningu á skúlptúr af hreindýri á klettana fyrir ofan tjaldsvæðið á Egilsstöðum. Farið yfir niðurstöðu valnefndar. Málið var áður á dagskrá á 128. fundi umhverfis - og framkvæmdanefndar þann 11. mars sl.

Umhverfis- og framkvæmdanefnd leggur til við bæjarstjórn að heimila uppsetningu á hreindýri á klettum fyrir ofan tjaldsvæði á Egilsstöðum í samræmi við afgreiðslu valnefndar.

Samþykkt samhljóða með handauppréttingu.

Umsókn um byggingarleyfi fyrir viðbyggingu við Dalskóga 14 til umfjöllunar að lokinni grenndarkynningu.

Umhverfis- og framkvæmdanefnd leggur til við bæjarstjórn að hún samþykki grenndarkynningu og felur skipulags- og byggingarfulltrúa útgáfu byggingarleyfis.

Samþykkt samhljóða með handuppréttingu.

Umsókn um byggingarleyfi fyrir viððbyggingu og bílskúr að Brávöllum 3.

Umhverfis- og framkvæmdanefnd felur skipulags- og byggingarfulltrúa að grenndarkynna byggingaráform í samræmi við 44. gr. skipulagslag nr. 123/2010.

Samþykkt samhljóða með handauppréttingu.

Umsókn um byggingarleyfi fyrir byggingu á vinnuaðstöðu og íbúð að Leyningi.

Umhverfis- og framkvæmdanefnd felur skipulags- og byggingarfulltrúa að grenndarkynna byggingaráform í samræmi við 44. gr. skipulagslag nr. 123/2010.

Samþykkt samhljóða með handauppréttingu.

Beiðni um breytingu á nafni lóðar Sauðhaga 1 lóð 2.

Umhverfis- og framkvæmdanefnd felur skipulags- og byggingarfulltrúa að leita eftir afstöðu stofnunar Árna Magnússonar á nafngift.

Samþykkt samhljóða með handauppréttingu.

Umsókn um stofnun landskika og landskipti úr landi Beinárgerðis.

Umhverfis- og framkvæmdanefnd leggur til við bæjarstjórn að heimila landskipti út úr landi Beinárgerðis, jafnframt er lagt til að bæjarstjórn veiti jákvæða umsögn um landskipti.

Samþykkt samhljóða með handauppréttingu.

Umsókn um styrk til samgönguleiðar. (styrkvegir)

Umhverfis- og framkvæmdanefnd leggur til að sótt verði um styrk til eftirfarandi samgönguverkefna.
Lagfæring á vegum milli Rauðholts og Hreimsstaða og frá Sandvatni inn Fellaheiði.

Samþykkt samhljóða með handauppréttingu.

Hreppsnefnd Vopnafjarðarhrepps hefur ákveðið að gera breytingar á tillögu að breytingum á aðalskipulagi Vopnafjarðarhrepps sem send var til kynningar á vinnslustigi í sumar og aftur fyrr í vetur. Breytingin felst í því að bæta við stöðum fyrir fuglaskoðunarhús við Nýpslón eftir ábendingar frá fuglaáhugafólki. Meðfylgjandi er breytt tillaga eins og hún er auglýst og hún send til ykkar til umsagnar á samatíma og hún er í auglýsingu eins og áður var kynnt.

Umhverfis- og framkvæmdanefnd gerir ekki athugasemd við skipulagsáform.

Samþykkt samhljóða með handauppréttingu.

Hreppsnefnd Vopnafjarðarhrepps hefur ákveðið að gera breytingu á aðalskipulagi Vopnafjarðarhrepps. Breytingarnar eru vegna framkvæmda við Þverárvirkjun og lagningu Vopnafjarðarlínu 1 í jörð yfir Hellisheiði ásamt niðurtöku loftlínu. Tilgangur breytinganna er að gæta samræmis við áætlanir þessara framkvæmda og koma fram sjónarmiðum sveitarstjórnar.

Umhverfis- og framkvæmdanefnd gerir ekki athugasemd við skipulagsáform.

Samþykkt samhljóða með handauppréttingu

Erindi frá Fjarðabyggð vegna endurskoðunar á aðalskipulagi Fjarðabyggðar 2007 - 2027. Skipulags- og matslýsing vegna endurskoðunar aðalskipulags Fjarðabyggðar 2007-2027 liggur nú frammi til kynningar.

Umhverfis- og framkvæmdanefnd gerir ekki athugasemd við skipulags- og matslýsingu.

Samþykkt samhljóða með handauppréttingu.

Fundargerð 154. fundar Heilbrigðisnefndar Austurlands 2020.

Lagt fram til kynningar.

Fundargerð landbótasjóðs Norður- héraðs ásamt ársreikning lögð fram til kynningar.

Lagt fram til kynningar.