Umhverfis- og framkvæmdanefnd

Umsókn um námuleyfi í landi Stóra-Steinsvaðs.

Umhverfis- og framkvæmdanefnd bendir á að til að hægt sé að samþykkja framkvæmdaleyfi fyrir efnistöku þarf að breyta aðalskipulagi fyrir fyrirhugað námusvæði, á þeim forsendum hafnar Umhverfis- og framkvæmdanefnd umsókn um námuleyfi við Stóra- Steinsvað. Vakin er athygli á að endurskoðun aðalskipulags er áformuð á næsta ári.

Samþykkt samhljóða með handauppréttingu.

Tillaga frá Vodafone að nýrri staðsetningu töfluskápa við Brúarásskóla.

Umhverfis- og framkvæmdanefnd samþykkir nýja staðsetningu töfluskápa að gefinni jákvæðri umsögn frá Brunavörnum á Austurlandi.

Samþykkt samhljóða með handauppréttingu.

Fundargerð 152. fundar Heilbrigðisnefndar Austurlands lögð fram til kynningar.

Lagt fram til kynningar.

Farið yfir stöðu á vinnu við breytingu á deiliskipulagi miðbæjar að lokinni kynningu.

í vinnslu.

Umsókn um ljósastaur við heimkeyrslu við Versali 1. Umsækjandi gerir athugasemd við höfnun erindis frá fundi nr. 120.

Umhverfis- og framkvæmdanefnd bendir á að Versalir, Miðsalir og Hásalir er partur af deiliskipulagi íbúðarsvæðis í landi Uppsala, deiliskipulag er frá 2016. Í deiliskipulagi kemur ekki fram hvort áform eru um götulýsingu. Ef að áform eru um uppsetningu götulýsingar telur umhverfis- og framkvæmdanefnd að það sé á forræði landeiganda sem og önnur uppbygging á svæði sem kemur fram í deiliskipulagi.

Umhverfis- og framkvæmdanefnd stendur því við fyrri afgreiðslu málsins og hafnar erindi.

Samþykkt samhljóða með handauppréttingu.

Vegagerðin hefur tilkynnt fyrirhugaða niðurfellingu Geitdalsvegar af vegaskrá vegna breyttra búsetu og er Fljótsdalshéraði gefinn kostur að koma á framfæri athugasemdum við áformin.

Umhverfis- og framkvæmdanefnd þakkar vegagerðinni fyrir skýr svör.

Lagt fram til kynningar.

Innköllun á leyfi vegna lóðar við Klettasel 2 - 4.

Umhverfis- og framkvæmdanefnd leggur til að innkalla lóð við Klettasel 2 - 4 og felur byggingarfulltrúa að ganga frá máli.

Samþykkt samhljóða með handauppréttingu.

Innköllun á leyfi vegna Bláargerði 47 - 49.

Umhverfis- og framkvæmdanefnd leggur til að innkalla lóð við Bláargerði 47 - 49 og felur byggingarfulltrúa að ganga frá máli.

Samþykkt samhljóða með handauppréttingu.

Tilkyning frá Hoffell um skil á lóðinni Dalsel 1-3-5.

Umhverfis- og framkvæmdanefnd felur starfsmanni að ganga frá málinu.

Samþykkt samhljóða með handauppréttingu.

Uppreiknuð kostnaðaráætlun fyrir þriðja áfanga Heimatúns.

Uppreiknuð kostnaðaráætlun fyrir þriðja áfanga Heimatúns kynnt.

Umsókn um úthlutun lóðar nr. 3 Faxagerði.

Umhverfis- og framkvæmdanefnd samþykkir að úthluta Carolu Björk Tschekorsky Orloff lóð nr. 3 við Faxagerði.

Samþykkt samhljóða með handauppréttingu.

Umsókn um stöðuleyfi fyrir vinnubúðir við Iðjusel 3, vegna viðgerðar á brú.

Umhverfis- og framkvæmdanefnd samþykkir að veita Vegagerðinni stöðuleyfi fyrir vinnubúðum við Iðjusel 3, vegna vinnu við viðgerð á brú yfir Lagarfljót.

Samþykkt samhljóða með handauppréttingu.

Beygja neðst í Selbrekku. Ábending frá íbúa vegna hversu hættuleg beygjan er vegna halla. Oft hafa skapast hættulegar aðstæður í beygjunni sem aukast til muna yfir vetrartíma.

Umhverfis- og framkvæmdanefnd þakkar ábendinguna og tekur undir að aðstæður í beygjum sem þessum geta verið varasamar yfir vetrartíman. Þess vegna eru brekkur í forgangi þegar kemur að vetraþjónustu innanbæjar. Ekki eru fyrirhugaðar breytingar á legu beygjunar í Selbrekku að svo komnu máli.

Samþykkt samhljóða með handauppréttingu.

Aðalskoðun leiksvæða 2019.

Lagt fram til kynningar.

Starfsleyfidrög HAUST í auglýsingu, fyrir aðveitustöðvar Landsnets hf.

Umhverfis- og framkvæmdanefnd gerir ekki athugasemd við starfsleyfisdrögin sem eru til umsagnar vegna aðveitustöðva Landsnets hf.

Samþykkt samhljóða með handauppréttingu.

Fyrir liggur skýrsla með veiðitölum vegna refa- og minkaveiða á Fljótsdalshéraði veiðiárið 2018-2019.

Lagt fram til kynningar.

Fyrir umhverfis- og framkvæmdanefnd liggur tillaga að umhverfismarkmiðum vegna sorpurðunar í landi Tjarnarlands. Samkvæmt starfsleyfi fyrir urðunarstaðinn á Tjarnarlandi áttu umhverfismarkmið að liggja fyrir eigi síðar en 1. október 2015 og þau á að endurskoða á fjögurra ára fresti.

Umhverfis- og framkvæmdanefnd samþykkir framlögð umhverfismarkmið fyrir urðunarstaðinn að Tjarnarlandi.

Samþykkt samhljóða með handauppréttingu.

Fjárhagsáætlun- Umhverfis- og framkvæmdanefndar 2020.

Fyrir umhverfis- og framkvæmdanefnd liggur gerð fjárhagsáætlunar fyrir 2020. Umhverfis- og framkvæmdanefnd samþykkir framlagða fjárhagsáætlun fyrir árið 2020. Vakin er athygli á að gert er ráð fyrir 2,5% hækkun á sorphirðu- og sorpeyðingargjöldum.

Samþykkt samhljóða með handauppréttingu.