Umhverfis- og framkvæmdanefnd

Kynntar voru tvær tillögur að útveggjaklæðningu á eldrihluta Egilsstaðskóla ásamt kostnaðaráætlunum.

Kjartan Róbertsson yfirmaður eignasjóðs kynnti tillögur að efnisvali klæðningar á eldri hluta Egilsstaðaskóla.

Umhverfis- og framkvæmdanefnd leggur til að notað verði litað bárujárn við klæðningu á eldri hluta skólans.

Samþykkt samhljóða með handauppréttingu.

Erindi frá skólastjóra Egilsstaðaskóla þar sem farið er yfir framtíðarþörf í húsnæðismálum.

Umhverfis- og framkvæmdanefnd leggur til við bæjarstjórn að farið verði í vinnu við að greina og bregðast við húsnæðisþörf Egilsstaðaskóla og Tónlistarskólans á Egilsstöðum á næstu önn og til framtíðar.

Samþykkt samhljóða með handauppréttingu.

Lögð er fram kostnaðaráætlun og útlitshönnun á húsnæði Miðvangs 31.

Kjartan Róbertsson kynnti kostnaðaráætlun og áform um uppbyggingu á Miðvangi 31 samkvæmt tillögu starfshóps um betri bæi.

Umhverfis- og framkvæmdanefnd samþykkir fyrirliggjandi kostnaðaráætlun.

Samþykkt samhljóða með handauppréttingu.

Umhverfis- og framkvæmdanefnd hefur til umfjöllunar fyrirkomulag á vetrarþjónustu í dreifbýli.

Formaður nefndar fór yfir fund sem haldinn var með Vegagerðinni þar sem ræddar voru úrbætur á þjónustu.

Í vinnslu.

Umhverfis- og framkvæmdanefnd hefur til umfjöllunar fyrirspurnir um snjóhreinsun heimreiða.

Umhverfis- og framkvæmdanefnd felur skipulags- og byggingarfulltrúa að gera tillögu að endurskoðun á reglum um þjónustu á heimreiðum.

Samþykkt samhljóða með handauppréttingu.

Miðbæjarskipulag tekið til umfjöllunar eftir vinnufund sem haldinn var þann 7. febrúar sl.

Umhverfis- og framkvæmdanefnd samþykkir fyrirliggjandi uppdrátt með fyrirvara um að byggingarreitur við Miðvang 1 - 3 verði fjarlægður.

Samþykkt samhljóða með handauppréttingu.

Beiðni um styrk vegna samstarfsverkefnisins "Bændur græða landið" á árinu 2018.

Umhverfis- og framkvæmdanefnd samþykkir styrkveitingu til verkefnisins. Upphæð verði tekinn af 13 290 í fjárhagsáætlun.

Samþykkt samhljóða með handauppréttingu.

Umsókn um skráningar nýrra lóðar úr landi Mjóanes.

Máli frestað til næsta fundar.

Umsókn um stofnun nýrra lóða úr landi Öngulsá.

Umhverfis- og framkvæmdanefnd leggur til að bæjarstjórn veiti jákvæða umsögn um landskipti, jafnframt felur nefndin skipulags- og byggingarfulltrúa að ganga frá stofnun landnúmera í samræmi við umsókn.

Samþykkt samhljóða með handauppréttingu.

Deiliskipulag Egilsstaðflugvallar tekið til umræðu.

Í vinnslu.

Ósk um niðurfellingu lóða úr fasteignaskrá.

Frestað

Kynntar breytingar á starfsáætlun umhverfis- og framkvæmdanefndar

Umhverfis- og framkvæmdanefnd samþykkir breytingar á starfsáætlun.

Samþykkt samhljóða með handauppréttingu

Fyrir umhverfis- og framkvæmdanefnd liggur tillaga að breytingu á aðalskipulagi Fljótsdalshéraðs 2008-2028. Breytingin felur í sér að tilgreint sé verslunar- og þjónustusvæði innan frístundabyggðar í Eyjólfsstaðaskógi.

Umhverfis- og framkvæmdanefnd leggur til við bæjarstjórn að hún samþykki breytingartillöguna að fengnu jákvæðu áliti Skipulagsstofnunar.

Samþykkt samhljóða með handauppréttingu.

Með erindi dags. 11. júlí 2018 óskar Guðmundur Ingi Ásmundsson, f.h. Landsnets eftir framkvæmdaleyfi til uppbyggingar Kröflulínu 3, innan marka Fljótsdalshéraðs. Kröflulína 3. tengir Kröflustöð og Fljótsdalsstöð.

Sótt er um framkvæmdaleyfi á grundvelli 13. og 14. gr. skipulagslaga nr. 123/2010 sbr. og 6. gr. reglugerðar um framkvæmdaleyfi nr. 772/2012 fyrir framkvæmdinni Kröflulína 3, 220 kV háspennulína. Framkvæmdin er matsskyld skv. lögum um mat á umhverfisáhrifum nr. 106/2000 og er matsskýrsla og álit Skipulagsstofnunar fyrirliggjandi. Sótt er um framkvæmdina á grundvelli Aðalskipulags Fljótsdalshéraðs 2008-2028 þar sem gert er ráð fyrir háspennulínum sbr. 1. mgr. 7. gr. reglugerðar um framkvæmdaleyfi nr. 772/2000. Í breytingatillögum aðalskipulaga nágrannasveitarfélaga Fljótsdalshéraðs er einnig gert ráð fyrir framkvæmdinni.
Meðfylgjandi umsókn eru gögn vegna framkvæmdaleyfisumsóknar, sbr. sérstaklega 2. og 3. gr. reglugerðar um framkvæmdaleyfi nr. 772/2000. Lýsing mannvirkja vegna útgáfu framkvæmdaleyfis, dags mars 2016, sem er aðalþáttur gagnanna er tekið saman af verkfræðistofunni Eflu. ehf. f.h. Landsnets hf. Er vísað til hennar um frekari skýringar og lýsingar á framkvæmdinni. Lýsingin er þannig hluti þessarar umsóknar Landsnets hf. um framkvæmdaleyfi. Skipulags- og byggingarfulltrúi kynnti drög að samningi um eftirlit Umhverfisstofnunar með framkvæmdinni sbr. 76. gr. laga nr. 60/2013 um náttúruvernd.

Frestað.