Umhverfis- og framkvæmdanefnd

Fyrir liggur tillaga um breytingu á "Samþykkt um gatnagerðargjald, byggingarleyisgjald og þjónustugjald byggingarfulltrúa á Fljótsdalshéraði"

Eftirfarandi tillaga lögð fram:

Umhverfis- og framkvæmdanefnd samþykkir að gjaldskráin verði framreiknuð miðað við 1.júní 2015 og lögð fyrir næsta reglulega fund nendarinnar.

Samþykkt samhljóða með handauppréttingu.

Erindi í tölvupósti dagsett 28.05.2015 þar sem Anna Elín Jóhannsdóttir f.h.Vegagerðarinnar óskar eftir að efnistökunámurnar við Skóghlíð og Heiðarenda verði settar inn á Aðalskipulag Fljótsdalshéraðs. Málið var áður á dagskrá 27.05.2015.

Eftirfarandi tillaga lögð fram:

Umhverfis- og framkvæmdanefnd samþykkir að fela umhverfis- og skipulagsfulltrúa að láta gera breytingu á Aðalskipulagi Fljótsdalshéraðs 2008-2028 samkvæmt beiðni Vegagerðarinnar þegar fyrir liggur samþykki landeigenda.

Samþykkt samhljóða með handauppréttingu.

Lögð eru fram drög að verklýsingu fyrir endurskoðun á Miðbæjarskipulagi á Egilsstöðum.

Eftirfarandi tillaga lögð fram:

Umhverfis og framkvæmdanefnd samþykkir framlögð drög.

Samþykkt samhljóða með handauppréttingu.

Erindi innskráð 09.06.2015 þar sem Sigríður Fr.Halldórsdóttir og Hjálmar Jóelsson f.h. Ússuhópsins, sem er áhugahópur um að halda minningu Sigfúsar Sigfússonar þjóðsagnaritara á lofti, setja fram hugmynd um að leggja/lagfæra göngustíg að Sigfúsarlundi og merkja hann þannig að bæði heimamenn og ferðamenn megi hafa nokkurt gagn og gaman af. Fyrir liggur loftmynd sem sýnir hugmynd um legu göngustígs.

Eftirfarandi tillaga lögð fram:

Umhverfis- og framkvæmdanefnd tekur jákvætt í erindið og felur umhverfis- og skipulagsfulltrúa að kynna hugmyndina fyrir hagsmunaaðilum.

Samþykkt samhljóða með handauppréttingu.

Erindi dagsett 05.06.2015 þar sem Sif Hauksdóttir f.h.Breiðdalshrepps gerir tilboð í yfirbreiðsludúkinn sem Íþróttamiðstöðinni á Egilsstöðum á.

Eftirfarandi tillaga lögð fram:

Umhverfis- og framkvæmdanefnd samþykkir að tilboði Breiðdalshrepps verði tekið.

Samþykkt samhljóða með handauppréttingu.

Lagt fram erindi frá Sambandi íslenskra sveitarfélaga, dags. 3.júní 2015 þar sem sveitarfélög eru hvött til gróðursetningar trjáplantna laugardaginn 27.júní nk. til heiðurs Vigdísi Finnbogadóttur í tilefni þess að 35 ár eru liðin frá því að hún var kjörin í embætti forseta Íslands, fyrst kvenna í heiminum sem þjóðkjörinn forseti.

Eftirfarandi tillaga lögð fram:

Umhverfis-og framkvæmdanefnd samþykkir að taka þátt í verkefninu og felur starfsmanni að undirbúa gróðursetningu og viðburðinn þann 27.júní nk. í Lómatjarnargarðinum samkvæmt erindinu og bréfi Skógræktarfélagsins.

Samþykkt samhljóða með handauppréttingu.

Fyrir liggur svar dags.03.06.2015 við umsókn dags.10.04.2015 um úthlutun úr styrkvegasjóði.

Eftirfarandi tillaga lögð fram:

Umhverfis- og framkvæmdanefnd samþykkir að fela starfsmanni að forgangsraða verkefnum og leggja fyrir nefndina.

Samþykkt samhljóða með handauppréttingu.

Erindi dagsett 03.06.2015 þar sem Héraðsverk ehf. krefst þess að úthlutun lóðarinnar Miðás 39, verði afturkölluð.

Eftirfarandi tillaga lögð fram:

Umhverfis- og framkvæmdanefnd samþykkir að fresta afgreiðslu og leita álits lögfræðings.

Samþykkt samhljóða með handauppréttingu.

Erindi dagsett 04.06.2015 þar sem eigendur jarðarinnar Ormsstaða Eiðaþinghá sækja um stofnun lóðar skv. 14.gr.laga nr. 6/2001 um skráningu og mat fasteigna. fyrir liggur lóðarblaði dagsett 05.06.2015.

Eftirfarandi tillaga lögð fram:

Umhverfis- og framkvæmdanefnd samþykkir erindi umsækjanda og felur umhverfis- og skipulagsfulltrúa að stofna lóðina í Þjóðskrá.

Samþykkt samhljóða með handauppréttingu.

Fyrir liggur tillaga að skipulagi sex körfu frisbívallar í Tjarnargarðinum, unnin af Sigurjóni Magnússyni. Tillagan kom fram á vefsvæðinu Betra Fljótsdalshérað.

Eftirfarandi tillaga lögð fram:

Umhverfis- og framkvæmdanefnd samþykkir framlagða tillögu.

Já sögðu fjórir (PS, GRE, ÁB og ÁK)
Nei sagði einn (EK)

Esther leggur fram eftirfarandi bókun:
Tjarnargarðurinn ætti að vera skilgreindur sem skrúðgarður í skipulagi og ætti því að fá það viðhald og uppbyggigu sem honum ber. Leiksvæði svo sem frispígolf á ekki heima í skrúðgarði.

Til kynningar og umræðu er staða verkefnisins Dyrfjöll-Stórurð-gönguparadís. Atvinnu-, menningar- og íþróttafulltrúi kynnir verkefnið.

Umhverfis- og framkvæmdanefnd þakkar fyrir kynninguna.

Nefndin samþykkir að verkið verði unnið samkvæmt áætlun fyrir árið 2015.

Lögð er fram skipulagslýsing vegna fyrirhugaðs deiliskipulags við Snæfell. Deiliskipulagssvæðið er vestan undir Snæfelli miðju og meginmarkmið með skipulaginu er að bæta aðstöðu landvarða og ferðamanna á svæðinu.

Eftirfarandi tillaga lögð fram:

Umhverfis- og framkvæmdanefnd samþykkir framlagða lýsingu og felur skipulags- og byggingarfulltrúa að leita umsagna Skipulagsstofnunar og umsagnaraðila og kynna fyrir almenningi samkvæmt 40.gr.skipulagslaga.

Samþykkt samhljóða með handauppréttingu.

Fyrir liggur tölvupóstur frá Skipulagsstofnun, þar sem vakin er athygli á því að 1.júní nk. taka gildi þau ákvæði laga um mat á umhverfisáhrifum nr.106/2000, sem lúta að hlutverki sveitarstjórna við að taka ákvarðanir um matsskyldu framkvæmda í C-flokki í 1.viðauka laganna.

Lagt fram til kynningar.

Til umræðu er leiksvæði í Votahvammi vegna fyrirspurnar frá íbúum þar.

Eftirfarandi tillaga lögð fram:

Umhverfis- og framkvæmdanefnd samþykkir að vísa málinu til fjárhagsáætlunar fyrir árið 2016.

Samþykkt samhljóða með handauppréttingu.

Erindi dagsett 02.06.2015 þar sem Sólmundur Oddsson f.h.landeigenda Unalækjar sækir um bráðabirgðarleyfi fyrir hjólhýsi á lóðinni Unalækur D7 Unalæk.

Eftirfarandi tillaga lögð fram:

Umhverfis- og framkvæmdanefnd samþykkir að veita stöðuleyfi fyrir hjólhýsið til eins árs.
Nefndin bendir bréfritara á að á lóðinni eru mannvirki sem þarf að sækja um byggingarleyfi fyrir.

Samþykkt samhljóða með handauppréttingu.

Erindi innfært 01.06.2015 þar sem Fjármála- og efnahagsráðuneytið sækir um stofnun lóðar í Vatnsskarði skv. 14.gr.laga nr. 6/2001 um skráningu og mat fasteigna. fyrir liggur lóðarblað dagsett 06.05.2015.

Eftirfarandi tillaga lögð fram:

Umhverfis- og framkvæmdanefnd samþykkir erindi umsækjanda og felur umhverfis- og skipulagsfulltrúa að stofna lóðina í Þjóðskrá.

Samþykkt samhljóða með handauppréttingu.

Erindi dagsett 18.05.2015 þar sem vísað er til neðangreinds erindis.
Erindi dagsett 22.01.2014 þar sem Davíð Þór Sigurðarson f.h. Dos Samsteypunnar ehf. kt.541113-1180, óskar eftir að breyta nafninu Hleinargarður 2, Fljótsdalshéraði í Kjarvalsstaði. Málið var áður á dagskrá 27.05.2015.

Eftirfarandi tillaga lögð fram:

Þeir staðir á landinu sem tengdir eru nafni Kjarvals hafa beina skýrskotun til listamannsins.
Þar sem nefndin telur að umrætt landsvæði hafi ekki þessa tengingu, þá hafnar nefndin nafninu Kjarvalsstaðir.

Samþykkt samhljóða með handauppréttingu.

Lögð er fram fundargerð 71.fundar Svæðisráðs austursvæðis Vatnajökulsþjóðgarðs 28.maí 2015.

Eftirfarandi tillaga lögð fram:

Umhverfis- og framkvæmdanefnd tekur undir bókun Svæðisráðs austursvæðis Vatnajökulsþjóðgarðs um að gerður verði samningur um þjónustu og aðstöðu við ferðafélögin sem eiga skála og eru með starfsemi innan þjóðgarðsins.

Samþykkt samhljóða með handauppréttingu.

Til umræðu er moltugerð og meðhöndlun lífræns úrgangs.
Málið var áður á dagskrá 27.05.2015.

Málið er í vinnslu.

Lögð er fram samþykkt um fráveitur á Fljótsdalshéraði til endurskoðunar.

Eftirfarandi tillaga lögð fram:

Umhverfis- og framkvæmdanefnd samþykkir að vinna við endurskoðun samþykktarinnar verði unnin í samstarfi við Heilbrigðiseftirlit Austurlands og Hitaveitu Egilsstaða og Fella.

Samþykkt samhljóða með handauppréttingu.