Fara í efni

Bæjarstjórn Fljótsdalshéraðs

319. fundur 02. september 2020 kl. 17:00 - 18:30 í fjarfundi
Nefndarmenn
  • Stefán Bogi Sveinsson forseti
  • Anna Alexandersdóttir 1. varaforseti
  • Kristjana Sigurðardóttir 2. varaforseti
  • Gunnar Jónsson bæjarfulltrúi
  • Berglind Harpa Svavarsdóttir bæjarfulltrúi
  • Anna Gunnhildur Ingvarsdóttir bæjarfulltrúi
  • Björg Björnsdóttir bæjarfulltrúi
  • Aðalsteinn Ásmundarson bæjarfulltrúi
  • Hannes Karl Hilmarsson bæjarfulltrúi
  • Björn Ingimarsson bæjarstjóri
  • Stefán Snædal Bragason bæjarritari
  • Haddur Áslaugsson starfsmaður
Fundargerð ritaði: Stefán Snædal Bragason bæjarritari

1.Bæjarráð Fljótsdalshéraðs - 523

2008008F

Fundargerðin lögð fram.

2.Bæjarráð Fljótsdalshéraðs - 524

2008017F

Til máls tóku: Anna Alexandersdóttir, sem kynnti fundargerðina og lagði fram drög að bókunum. Björg Björnsdóttir, sem ræddi lið 2.1 og bar fram fyrirspurn og lið 2.6 og Björn Ingimarsson, sem ræddi lið 2.1 og svaraði fyrirspurn.

Fundargerðin lögð fram.

3.Umhverfis- og framkvæmdanefnd - 137

2008011F

Til máls tóku: Stefán Bogi Sveinsson, sem kynnti fundargerðina og lagði fram drög að bókunum. Gunnar Jónsson, sem vakti athygli á vanhæfi sínu vegna liða 3.4 og 3.5 og úrskurðaði forseti hann vanhæfan og Björg Björnsdóttir, sem ræddi lið 3.18.

Fundargerðin lögð fram.
  • 3.1 202006152 Tímabundin undanþága vegna starfsemi Tónlistarskólans í Fellabæ í kjallarahúsnæði Fellaskóla
    Bókun fundar Yfirmaður eignasjóðs mætti á fund umhverfis- og framkvæmdanefndar og kynnti uppfærð gögn og afstöðu Brunavarna á Austurlandi til fyrirliggjandi útfærslu á flóttaleið.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og telur ekki forsendur til að vinna verkefnið áfram að svo stöddu.

    Samþykkt samhljóða án atkvæðagreiðslu.
  • 3.2 201401135 Miðbær Egilsstaða deiliskipulag 2016
    Bókun fundar Auglýsingu er lokið en frestur til að skila inn umsögnum eða athugasemdum var til 4. ágúst. Ein athugasemd var tekin fyrir á síðasta fundi nefndarinnar og var skipulagsráðgjafa falið að gera tillögu að svörum við henni og liggja drög að svörum fyrir fundi bæjarstjórnar. Fyrir fundi umhverfis- og framkvæmdanefndar lá einnig umsögn Minjastofnunar frá því við fyrri auglýsingu skipulagsins. Skipulags- og byggingarfulltrúi, ásamt ráðgjöfum, hefur fundað með Skipulagsstofnun vegna málsins.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að fela skipulags- og byggingarfulltrúa að óska eftir heimild Skipulagsstofnunar til að auglýsa fyrirliggjandi breytingu á deiliskipulagi í B-deild Stjórnartíðinda. Jafnframt samþykkir bæjarstjórn að fela skipulags- og byggingarfulltrúa að sækja um undanþágu til Minjastofnunar vegna fornleifaskráningar og húsakönnunar sem liggur ekki fyrir, en verður unnin á næstu mánuðum.
    Bæjarstjórn samþykkir þau drög að svörum við athugasemdum sem skipulagsráðgjafi hefur tekið saman og gerir þau að sínum.
    Að teknu tilliti til þess sem að framan greinir samþykkir bæjarstjórn fyrirliggjandi breytingu á deiliskipulagi miðbæjar og felur skipulags- og byggingafulltrúa að vinna málið áfram.

    Samþykkt samhljóða án atkvæðagreiðslu.
  • 3.3 201509024 Verndarsvæði í byggð
    Bókun fundar Í vinnslu.
  • 3.4 202004198 Breyting á aðalskipulagi Fljótsdalshéraðs, Fjarðarheiðargöng
    Bókun fundar Verkefnislýsing fyrir tillögu að breytingu á Aðalskipulagi Fljótsdalshéraðs 2008-2028 var auglýst þann 16. júlí 2020 og var frestur til að skila umsögnum og koma á framfæri ábendingum til 10. ágúst. Ein umsögn, frá Náttúrufræðistofnun Íslands, var tekin fyrir á síðasta fundi nefndarinnar, en nú liggja fyrir þrjár aðrar umsagnir, frá Umhverfisstofnun, Minjastofnun og landeigendum. Umhverfis- og framkvæmdanefnd hefur farið yfir þær umsagnir og athugasemdir sem hafa borist.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að vísa erindinu til skipulagsráðgjafa til úrvinnslu.

    Samþykkt samhljóða án atkvæðagreiðslu, en einn var fjarverandi (G.J.)
  • 3.5 201802076 Breyting á deiliskipulagi Flugvallar
    Bókun fundar Á fundi umhverfis- og framkvæmdanefndar fór skipulags- og byggingarfulltrúi yfir stöðu málsins. Skipulags- og byggingarfulltrúi hefur, ásamt skipulagsráðgjöfum og fulltrúa Isavia, fundað með Skipulagsstofnun vegna málsins.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að breyting á deiliskipulagi fyrir flugvöllinn dags. 13.3.2020 verði auglýst að nýju ásamt umhverfisskýrslu.

    Samþykkt samhljóða án atkvæðagreiðslu, en einn var fjarverandi (G.J.)
  • 3.6 202007050 Árskógar 30 - Umsókn um byggingaráform og byggingarleyfi
    Bókun fundar Afgreiðsla umhverfis- og framkvæmdanefndar staðfest.
  • 3.7 202008105 Umsókn um framkvæmdaleyfi fyrir efnistöku í landi Hallgeirsstaða
    Bókun fundar Fyrir liggur umsókn um framkvæmdaleyfi frá Vegagerðinni.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn erindið, en bendir á að sækja þarf um starfsleyfi til Heilbrigðiseftirlits Austurlands.

    Samþykkt samhljóða án atkvæðagreiðslu.
  • 3.8 202008106 Umsókn um framkvæmdaleyfi - stálbogaræsi í Fossá í Jökulsárhlíð
    Bókun fundar Fyrir liggur umsókn um framkvæmdaleyfi frá Vegagerðinni.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn erindið. Áskilið er að framkvæmdaraðili kynni verkefnið fyrir Minjastofnun.

    Samþykkt samhljóða án atkvæðagreiðslu.
  • 3.9 202008113 Umsókn um framkvæmdaleyfi - efnistaka við Mjóafjarðarveg
    Bókun fundar Fyrir liggur umsókn um framkvæmdaleyfi frá Vegagerðinni, efnistaka við Mjóafjarðarveg.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að fela skipulags- og byggingarfulltrúa að skoða aðra möguleika með Vegagerðinni um malarnám úr opnum námum á aðalskipulagi.

    Samþykkt samhljóða án atkvæðagreiðslu.
  • 3.10 202008093 Breyting á aðalskipulagi Vopnafjarðarhrepps, verkefnislýsing til umsagnar
    Bókun fundar Til umsagnar er verkefnislýsing vegna breytingar á aðalskipulagi Vopnafjarðarhrepps.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og gerir ekki athugasemd við fyrirliggjandi verkefnislýsingu.

    Samþykkt samhljóða án atkvæðagreiðslu.
  • 3.11 202008029 Fjallskil 2020
    Bókun fundar Ganga þarf frá ráðningu fjallskilastjóra á Jökuldal norðan ár og í Jökulsárhlíð. Einnig liggja fyrir leiðbeiningar og gátlisti varðandi Covid-19 og göngur og réttir.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og þakkar Benedikt Arnórssyni hans störf sem fjallskilastjóri á Jökuldal norðan ár og í Jökulsárhlíð og samþykkir jafnframt að ráða Árna Jón Þórðarson í hans stað. Verkefnastjóra umhverfismála falið að kynna fjallskilastjórum leiðbeiningar og gátlista varðandi Covid-19.

    Samþykkt samhljóða án atkvæðagreiðslu.
  • 3.12 202008081 Gangnaboð og gangnaseðlar 2020
    Bókun fundar Afgreiðsla umhverfis- og framkvæmdanefndar staðfest.
  • 3.13 201904139 Starfsáætlun umhverfis- og framkvæmdanefndar 2020
    Bókun fundar Afgreiðsla umhverfis- og framkvæmdanefndar staðfest.
  • 3.14 202006016 Umsókn um byggingarleyfi
    Bókun fundar Umsókn um byggingarleyfi við Tjarnarbraut 11. Grenndarkynning hefur farið fram og er án athugasemda.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn erindið.

    Samþykkt samhljóða án atkvæðagreiðslu.
  • 3.15 202003029 Umsókn um styrk til samgönguleiðar (styrkvegir)
    Bókun fundar Lagt fram til kynningar.
  • 3.16 202008097 Tillaga að hundasvæði.
    Bókun fundar Í vinnslu.
  • 3.17 202008092 Varanleg braut fyrir mótocross
    Bókun fundar Í vinnslu.
  • 3.18 202008070 Tillaga um bætta frísbígolf aðstöðu á Fljótsdalshéraði
    Bókun fundar Óskað er eftir bættri aðstöðu fyrir frisbígolf.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd, þakkar erindið og bendir á að í vinnslutillögu deiliskipulags fyrir Selskóg sem nú er í kynningu, er gert ráð fyrir mögulegu svæði fyrir frisbígolf. Nánari útfærslu þarf að vinna í samráði við áhugasama aðila og íþrótta- og tómstundanefnd.

    Samþykkt samhljóða án atkvæðagreiðslu.
  • 3.19 202008016 Heimildir um Miltisbrand á Fljótsdalshéraði.
    Bókun fundar Fyrir liggja upplýsingum um þekktar miltisbrandsgryfjur innan sveitarfélagsins og ósk um að upplýsingum um þær verði bætt inn á aðalskipulag Fljótsdalshéraðs.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og samþykkir að vísa erindinu til skipulagsráðgjafa aðalskipulags til úrvinnslu og jafnframt að þessar upplýsingar verði færðar inn í skipulagsgögn við næstu endurskoðun.

    Samþykkt samhljóða án atkvæðagreiðslu.

4.Atvinnu- og menningarnefnd - 107

2008006F

Til máls tók: Gunnhildur Ingvarsdóttir, sem kynnti fundargerðina og lagði fram drög að bókun.

Fundargerðin lögð fram.

5.Íþrótta- og tómstundanefnd - 64

2008005F

Til máls tók: Berglind Harpa Svavarsdóttir, sem kynnti fundargerðina og lagði fram drög að bókunum.

Fundargerðin lögð fram.

6.Fræðslunefnd Fljótsdalshéraðs - 291

2008012F

Til máls tóku: Berglind Harpa Svavarsdóttir, sem kynnti fundargerðina og lagði fram drög að bókunum og Kristjana Sigurðardóttir, sem ræddi lið 6.1.

Fundargerðin lögð fram.
  • 6.1 202006152 Tímabundin undanþága vegna starfsemi Tónlistarskólans í Fellabæ í kjallarahúsnæði Fellaskóla
    Bókun fundar Á fundi fræðslunefndar var farið yfir málið. Fyrir liggur samþykkt um að fram fari kostnaðargreining á að bætt verði hæð ofan á nýrri álmu Fellaskóla. Fram kom á fundinum að yfirmaður Eignasjóðs leggur áherslu á að fyrir liggi frumþarfagreining á hvernig slík hæð verði nýtt.

    Eftirfarandi tillaga lögð fram:
    Að tillögu fræðslunefndar samþykkir bæjarstjórn að skólastjóri Fellaskóla, Tónlistarskólans í Fellabæ, yfirmaður Eignasjóðs og fræðslustjóri vinni drög að slíkri þarfagreiningu sem fyrst.

    Samþykkt samhljóða án atkvæðagreiðslu.

  • 6.2 202008104 Tónlistarskólagjöld, erindi frá foreldri
    Bókun fundar Í vinnslu.
  • 6.3 202005080 Innritun í leikskóla 2020
    Bókun fundar Eftirfarandi tillaga lögð fram:
    Bæjarstjórn tekur undir með fræðslunefnd varðandi mikilvægi þess að fundið verði skammtímaúrræði til að mæta þörf á viðbótar leikskólaplássum og felur bæjarstjóra að vinna að málinu ásamt fræðslustjóra og fræðslunefnd.

    Bæjarstjórn er einnig sammála því að í langtíma fjárfestingaráætlun verði gert ráð fyrir leikskóla á suðursvæðinu á Egilsstöðum.

    Samþykkt samhljóða án atkvæðagreiðslu.
  • 6.4 202008103 Reglur leikskóla Fljótsdalshéraðs
    Bókun fundar Eftirfarandi tillaga lögð fram:
    Að tillögu fræðslunefndar samþykkir bæjarstjórn fyrirliggjandi reglur fyrir leikskóla Fljótsdalshéraðs.

    Samþykkt samhljóða án atkvæðagreiðslu.
  • 6.5 202005182 Fjárhagsáætlun fræðslusviðs 2021
    Bókun fundar Í vinnslu.
  • 6.6 201108127 Skýrsla fræðslustjóra
    Bókun fundar Lagt fram til kynningar.

7.Ungmennaráð Fljótsdalshéraðs - 90

2008015F

Til máls tóku: Björn Ingimarsson, sem kynnti fundargerðina og lagði fram drög að bókun. Björg Björnsdóttir, sem ræddi liði 7.1 og 7.3, Björn Ingimarsson, sem ræddi lið 7.1, Anna Alexandersdóttir, sem ræddi lið 7.1, Stefán Bogi Sveinsson, sem ræddi lið 7.1, Björg Björnsdóttir, sem ræddi lið 7.1 og Kristjana Sigurðardóttir, sem ræddi lið 7.1.

Fundargerðin lögð fram.
  • 7.1 202008072 Ungt fólk - niðurstöður rannsóknar meðal nemenda í 8., 9. og 10. bekk árið 2020
    Bókun fundar Lagt fram til kynningar.
  • 7.2 202002034 Ungt fólk og lýðræði 2020
    Bókun fundar Lagt fram til kynningar.
  • 7.3 202003080 Sveitarstjórnarkosningar 2020
    Bókun fundar Fram kom á fundi ungmennaráðs Fljótsdalshéraðs að ráðið hyggst senda öllum framboðum spurningalista og deila svörum þeirra á samfélagsmiðlum sínum.

    Eftirfarandi tillaga lögð fram:
    Bæjarstjórn tekur undir með ungmennaráði og hvetur ungt fólk sérstaklega til þess að láta sig málefni samfélagsins varða, kynna sér fólk og málefni og nýta kosningarétt sinn í sveitarstjórnarkosningum fyrir nýtt sveitarfélag sem fram fara laugardaginn 19. september 2020.

    Samþykkt samhljóða án atkvæðagreiðslu.
  • 7.4 201910031 Ungmennaþing
    Bókun fundar Fram kom að ungmennaráð stefnir að því að halda ungmennaþing vorið 2021. Lagt fram til kynningar að öðru leyti.

Fundi slitið - kl. 18:30.

Getum við bætt efni þessarar síðu?