Bæjarstjórn Fljótsdalshéraðs

309. fundur 04. mars 2020 kl. 17:00 - 20:00 í fundarsal bæjarstjórnar

Nefndarmenn

Stefán Bogi Sveinsson forseti
Anna Alexandersdóttir 1. varaforseti
Kristjana Sigurðardóttir 2. varaforseti
Gunnar Jónsson bæjarfulltrúi
Berglind Harpa Svavarsdóttir bæjarfulltrúi
Anna Gunnhildur Ingvarsdóttir bæjarfulltrúi
Björg Björnsdóttir bæjarfulltrúi
Hannes Karl Hilmarsson bæjarfulltrúi
Björn Ingimarsson bæjarstjóri
Stefán Snædal Bragason bæjarritari
Sigrún Blöndal varamaður

Fundargerð ritaði: Stefán Snædal Bragason bæjarritari

1.Ársreikningur 2019

202002115

Björn Ingimarsson bæjarstjóri lagði fram til fyrri umræðu í bæjarstjórn ársreikning Fljótsdalshéraðs fyrir árið 2019, ásamt drögum að endurskoðunarskýrslu. Ársreikningurinn hefur þegar verið birtur í Kauphöllinni, samkvæmt reglum þar um.

Aðrir sem til máls tóku um ársreikninginn voru í þessari röð: Björg Björnsdóttir, Anna Alaxandersdóttir og Stefán Bogi Sveinsson.

Eftirfarandi tillaga lögð fram:
Bæjarstjórn samþykkir að vísa ársreikningi og drögum að endurskoðunarskýrslu Fljótsdalshéraðs til annarrar umræðu í bæjarráði og bæjarstjórn.

Samþykkt samhljóða með handauppréttingu.

2.Starfsáætlanir nefnda Fljótsdalshéraðs 2020

202002062

Anna Alexandersdóttir formaður félagsmálanefndar kynnti starfsáætlun nefndarinnar fyrir árið 2020 og Júlía Sæmundsdóttir félagsmálastjóri kynnti nokkur verkefni sem verið er að vinna að af hálfu nefndarinnar, t.d. varðandi barnaverndarmál og fl.
Að lokinni kynningu var formanni og félagsmálastjóra þakkað fyrir veittar upplýsingar.

Gunnhildur Ingvarsdóttir formaður atvinnu- og menningarnefndar kynnti starfsáætlun nefndarinnar 2020.
Að lokinni kynningu var formanni þakkað fyrir veittar upplýsingar.

3.Breyting á aðalskipulagi fyrir hluta Grundar á Efra Jökuldal

201806085

Tillaga var áður tekinn fyrir á fundi umhverfis- og framkvæmdanefndar þann 22.1. 2020, tillaga er tekinn aftur fyrir vegna smávægilegrar breytingar á landnotkun á opnum svæðum austan Jökulsár.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn breytingartillögu aðalskipulags og svör við athugasemdum, þar sem jákvæð umsögn sjávarútvegs- og landbúnaðarráðherra um breytta landnotkun liggur fyrir.
Jafnframt samþykkir bæjarstjórn tillögu umhverfis- og framkvæmdanefndar um að málmeðferð verði í samræmi við 32. gr. skipulagslaga nr. 123/2010.

Samþykkt samhljóða með handauppréttingu.

4.Bæjarráð Fljótsdalshéraðs - 502

2002020F

Til máls tóku: Anna Alexandersdóttir sem kynnti fundargerðina og lagði fram drög að bókunum. Björg Björnsdóttir sem ræddi lið 4.4, 4.8 og 4.12. og bar fram fyrirspurn. Björn Ingimarsson, sem ræddi lið 4.4 og svaraði fyrirspurn, Stefán Bogi Sveinsson, sem ræddi lið 4.4 og Hannes Karl Hilmarsson, sem ræddi lið 4.4.

Fundargerðin lögð fram.

4.1 202001001 Fjármál 2020

Bókun fundar Lagt fram til kynningar.
4.2 201911041 Undirbúningsstjórn vegna sameiningar sveitarfélaganna Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar

Bókun fundar Lagt fram til kynningar.
4.3 202001052 Fundargerðir stjórnar HEF - 2020

Bókun fundar Lagt fram til kynningar.
4.4 202002017 Almannavarnarnefnd í umdæmi lögreglustjórans á Austurlandi - fundargerðir

Bókun fundar Lagt fram til kynningar.
4.5 202002093 Fundargerðir stjórnar Brunavarna á Héraði 2020

Bókun fundar Lagt fram til kynningar.
4.6 202002095 Fundargerðir Ársala bs 2020

Bókun fundar Lagt fram til kynningar.
4.7 201903115 Almennt eftirlit með fjármálum og fjármálastjórn sveitafélaga - Fjárfesting og eftirlit með framvindu á árinu 2019

Bókun fundar Lagt fram til kynningar.
4.8 202002094 Niðurstaða atkvæðagreiðslu félagsmanna FOSA um verkföll

Bókun fundar Í bæjarráði var lögð fram niðurstaða í atkvæðagreiðslu félagsmanna FOSA, varðandi verkfallsboðun starfsmanna í félaginu. Þar kemur fram að komi til verkfalla verður fyrsti verkfallsdagur 9. mars.
Lagt fram til kynningar að öðru leyti.
4.9 202002098 Niðurstaða örútboðs á raforku

Bókun fundar Fljótsdalshéraði hefur borist tillaga að vali á bjóðanda í útboði nr. 21075.

Eftirfarandi tillaga lögð fram:
Bæjarstjórn samþykkir að Fljótsdalshérað fari að tillögu Ríkiskaupa og mun tilkynning um val útboðs verða send bjóðendum í útboðskerfinu. Tilkynnt verður um töku tilboðs þegar biðtíma er lokið, ef engin kæra berst til kærunefndar útboðsmála. Við töku tilboða er komið á samningssamband milli kaupanda og seljanda.

Samþykkt samhljóða með handauppréttingu.
4.10 202002076 Samráðsgátt, reglugerð um rekstur héraðsskjalasafns

Bókun fundar Í vinnslu.
4.11 202002072 Eignarhald og nýting fasteigna, frumvarp í samráðsgátt

Bókun fundar Eftirfarandi tillaga lögð fram:
Bæjarstjórn er sammála bæjarráði og tekur undir umsögn Sambandsins um frumvarpið og telur að fyrirliggjandi frumvarp geti verið góður grundvöllur til málefnalegrar umfjöllunar um hvaða takmarkanir sé rétt að gera varðandi eignarhald á bújörðum.

Samþykkt samhljóða með handauppréttingu.
4.12 202002079 Samráðsgátt, drög að frumvarpi til breytinga á sveitarstjórnarlögum og lögum um tekjustofna sveitarfélaga

Bókun fundar Eftirfarandi tillaga lögð fram:
Bæjarstjórn Fljótsdalshéraðs lýsir sig fylgjandi þeim áherslum í frumvarpinu er lúta að breytingum á sveitarstjórnarlögum er hafa þann tilgang að stuðla að hvötum til frjálsra sameininga sveitarfélaga. Má þar sérstaklega nefna þá áherslu að Jöfnunarsjóði sveitarfélaga verði gert mögulegt að veita aðstoð vegna sameininga í sjö ár í stað fimm sem og að heimildir sveitarfélaga til að halda fjarfundi verði víkkaðar frá því sem nú er. Hvað varðar bráðabirgðaákvæði í lögum um tekjustofna sveitarfélaga, sem hefur þann tilgang að veita Jöfnunarsjóði sveitarfélaga heimild til að halda eftir einum milljarði árlega og safna í sjóð til að styðja við sameiningu sveitarfélaga, leggur bæjarstjórn Fljótsdalshéraðs til að árleg framlög til Jöfnunarsjóðs verði aukin sem þessu nemur svo þessi aðgerð leiði ekki til skertra almennra framlaga úr Jöfnunarsjóði til sveitarfélaga.

Samþykkt samhljóða með handauppréttingu.

5.Bæjarráð Fljótsdalshéraðs - 503

2002026F

Til máls tóku: Anna Alexandersdóttir sem kynnti fundargerðina og lagði fram drög að bókunum. Björg Björnsdóttir, sem ræddi lið 5.6. Stefán Bogi Sveinsson, sem ræddi lið 5.6. Gunnar Jónsson, 5.6. Björg Björnsdóttir, sem ræddi lið 5.6. og lagði fram breytingartillögu. Berglind Harpa Svavarsdóttir, sem ræddi lið 5.6. Stefán Bogi Sveinsson, sem ræddi lið 5.6. Gunnar Jónsson, sem ræddi lið 5.6. Anna Alexandersdóttir, sem ræddi lið 5.6 og Hannes Karl Hilmarsson, sem ræddi lið 5.6.

Fundargerðin lögð fram.

5.1 202001001 Fjármál 2020

Bókun fundar Lagt fram til kynningar.
5.2 202002124 Aðalfundur Hitaveitu Egilsstaða og Fella 2020

Bókun fundar Afgreiðsla bæjarráðs staðfest.
5.3 202002128 Aðalfundur Ársala bs 2020

Bókun fundar Afgreiðsla bæjarráðs staðfest.
5.4 202002126 Sameininganámsferð til Bergen

Bókun fundar Lagt fram til kynningar.
5.5 202002033 Stefnumörkun lögreglunnar á Austurlandi - kynning

Bókun fundar Lagt fram til kynningar.
5.6 202002122 Umsagnarbeiðni um tillögu til þingsályktunar um um þjóðaratkvæðagreiðslu um framtíð Reykjavíkurflugvallar, 311. mál.

Bókun fundar Eftirfarandi tillaga lögð fram:
Bæjarstjórn Fljótsdalshéraðs hefur ítrekað komið því sjónarmiði á framfæri að málefni Reykjavíkurflugvallar séu ekki einkamál Reykjavíkurborgar, heldur snerti þjóðina alla. Því er eðlilegt að kjósendur á öllu landinu fái að taka afstöðu til framtíðar hans.

Fram kom breytingartillaga frá Björgu Björnsdóttur þess efnis að fella burt síðari setninguna í fyrirliggjandi tillögu.

Sú tillaga borin upp og greiddi einn henni atkvæði (BB), sex voru á móti og tveir sátu hjá (KS og SBl).

Fyrirliggjandi tillaga svo borin upp og var hún samþykkt með sjö atkv. gegn tveimur. (BB og SBl).
5.7 202002123 Umsagnarbeiðni um tillögu til þingsályktunar um stöðu barna tíu árum eftir hrun, 191. mál.

Bókun fundar Lagt fram til kynningar.
5.8 202002120 Umsagnarbeiðni um frumvarp til laga um breytingu á lögum um heilbrigðisþjónustu, nr. 40/2007, og lögum um málefni aldraðra, nr. 125/1999, 323. mál.

Bókun fundar Lagt fram til kynningar.

6.Bæjarráð Fljótsdalshéraðs - 504

2002025F

Fundargerðin lögð fram.

6.1 202002115 Ársreikningur 2019

Bókun fundar Tekið fyrir undir lið 1 í þessari fundargerð.

7.Umhverfis- og framkvæmdanefnd - 127

2002017F

Til máls tóku: Stefán Bogi Sveinsson sem kynnti fundargerðina og lagði fram drög að bókunum. Björg Björnsdóttir, sem ræddi lið 7.14. og bar fram fyrirspurn og Stefán Bogi Sveinsson, sem ræddi lið 7.14 og svaraði fyrirspurn.

Fundargerðin lögð fram.

7.1 202002092 Fundur Fljótsdalsstöðvar og Fljótsdalshéraðs 2020

Bókun fundar Lagt fram til kynningar.
7.2 202002003 Vinnuskóli 2020

Bókun fundar Í vinnslu.
7.3 202002078 Viðhald á sauðfjárveikivarnagirðingum

Bókun fundar Í vinnslu.
7.4 202002091 Refa- og minkaveiðisamningar

Bókun fundar Afgreiðsla umhverfis- og framkvæmdanefndar staðfest.
7.5 201901075 Stjórnsýslukæra vegna breytingu á deiliskipulagi fyrir lóðir A6 og B2 á Unalæk á Völlum

Bókun fundar Lagt fram til kynningar.
7.6 201810120 Deiliskipulag Grundar á efri Jökuldal.

Bókun fundar Skipulags- og byggingarfulltrúi kynnti umhverfis og framkvæmdanefnd tillögu að svörum við innsendum athugasemdum.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn fyrirliggjandi svör við athugasemdum.
Jafnframt samþykkir bæjarstjórn deiliskipulagið og að það fái málsmeðferð í samræmi við 3. mgr. 41. gr. skipulagslaga nr. 122/2010.

Samþykkt samhljóða með handauppréttingu.
7.7 202001007 Tesla hleðslustöð á Egilsstöðum

Bókun fundar Erindi frá forsvarsmönnum Tesla vegna staðsetningar á einni hleðslustöð við íþróttamiðstöðina á Egilsstöðum.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn erindið og felur skipulags- og byggingarfulltrúa að setja verkefnið á lista yfir fyrirhugaðar framkvæmdir.

Samþykkt samhljóða með handauppréttingu.
7.8 201907008 Umsókn um skráningu nýrra landeigna í fasteignaskrá úr landi Stóra- Steinsvaði,

Bókun fundar Afgreiðsla umhverfis- og framkvæmdanefndar staðfest.
7.9 201906113 Breyting á deiliskipulagi við Lagarfossvirkjun, áform um vindmyllur

Bókun fundar Í vinnslu.
7.10 201912075 Bæjarstjórnarbekkurinn desember 2019

Bókun fundar Í vinnslu.
7.11 201910174 Umsókn um lagnaleið

Bókun fundar Í vinnslu.
7.12 201912075 Tengibygging við reiðhöll Iðavöllum.

Bókun fundar Lagt fram til kynningar.
7.13 202001139 Vetrarþjónusta - mokstur, hálkuvarnir o.fl.

Bókun fundar Afgreiðsla umhverfis- og framkvæmdanefndar staðfest og nefndinni falið að koma svari sínu til ungmennaráðs.
7.14 202001141 Göngu- og hjólastígar á Fljótsdalshéraði

Bókun fundar Afgreiðsla umhverfis- og framkvæmdanefndar staðfest og nefndinni falið að koma svari sínu til ungmennaráðs.
7.15 201911076 Breyting á Aðalskipulagi Fjarðabyggðar og deiliskipulag Heyklifs, skipulags- og matslýsing

Bókun fundar Kynning vegna fyrirhugaðrar breytingar á Aðalskipulagi Fjarðabyggðar 2007-2027, Heyklif, ferðaþjónusta ásamt deiliskipulagi Heyklifs og umhverfisskýrslu. Tillaga á vinnslustigi.

Eftirfarandi tillaga lögð fram:
Að tillögu umhverfis- og framkvæmdanefndar gerir bæjarstjórn ekki athugasemd við breytingar á aðalskipulagi Fjarðarbyggðar 2007-2027, Heyklif, ferðaþjónusta ásamt deiliskipulagi Heyklifs og umhverfisskýrslu.

Samþykkt samhljóða með handauppréttingu.
7.16 202002087 Bráðabirgðaryfirlit fyrstu vatnaáætlunar fyrir Ísland

Bókun fundar Lagt fram til kynningar.

8.Atvinnu- og menningarnefnd - 99

2002016F

Til máls tóku: Gunnhildur Ingvarsdóttir sem kynnti fundargerðina og lagði fram drög að bókunum. Björg Björnsdóttir, sem ræddi lið 8.2 og bar fram viðaukatillögu. Sigrún Blöndal, sem ræddi lið 8.2. Hannes Karl Hilmarsson, sem ræddi liði 8.2 og 8.4. Anna Alexandersdóttir, sem ræddi lið 8.2. Stefán Bogi Sveinsson, sem ræddi liði 8.2 og 8.4. Björg Björnsdóttir, sem ræddi lið 8.4. Hannes Karl Hilmarsson, sem ræddi lið 8.4 og Gunnar Jónsson, sem ræddi liði 8.2 og 8.4.

Fundargerðin lögð fram.

8.1 202002019 Starfsáætlun atvinnu- og menningarnefndar 2020

Bókun fundar Afgreiðsla nefndarinnar staðfest. Starfsáætlunin var kynnt undir lið 2.
8.2 202002032 Flutningsjöfnunarsjóður

Bókun fundar Fyrir nefndinni lá tölvupóstur frá Sigrúnu Hólm Þórleifsdóttur um flutningsjöfnunarsjóð. Málið var á dagskrá á síðasta fundi nefndarinnar.

Eftirfarandi tillaga lögð fram:
Bæjarstjórn tekur undir með atvinnu- og menningarnefnd og vekur athygli atvinnurekenda á að kynna sér Flutningsjöfnunarsjóð sem hýstur er hjá Byggðastofnun. Hlutverk sjóðsins er að styrkja framleiðslufyrirtæki sem búa við skerta samkeppnisstöðu vegna hærri flutningskostnaðar.

Samþykkt samhljóða með handauppréttingu.

Eftirfarandi viðaukatillaga borin upp:
Þá er því beint til Austurbrúar að bjóða upp á aðstoð við útfyllingu umsókna í sjóðinn.

Samþykkt samhljóða með handauppréttingu.
8.3 202002088 Minnisvarðar á Fljótsdalshéraði

Bókun fundar Í vinnslu.
8.4 202002089 Gagnaver

Bókun fundar Fyrir nefndinni lá erindi frá Benedikt Warén um að skipa þriggja manna nefnd til að endurskoða og yfirfara gögn um gagnaver á Héraði og gera tillögu um framhald slíks verkefnis.

Eftirfarandi tillaga lögð fram:
Bæjarstjórn tekur undir með atvinnu- og menningarnefnd og óskar eftir upplýsingum frá Landsneti um flutningsgetu og öryggi á afhendingu raforku til svæðisins í ljósi umræðu um ýmis tækifæri til atvinnuuppbyggingar, m.a. á gagnaveri.
Jafnframt er vísað til fyrri bókunar atvinnu- og menningarnefndar frá 21. janúar 2019 um að við endurskoðun aðalskipulags fyrir sveitarfélagið verði skoðuð möguleg svæði fyrir gagnaver.

Samþykkt samhljóða með handauppréttingu.
8.5 202002090 Hrein orka

Bókun fundar Í vinnslu.

9.Íþrótta- og tómstundanefnd - 60

2002013F

Til máls tóku: Berglind Harpa Svavarsdóttir sem kynnti fundargerðina og lagði fram drög að bókunum. Stefán Bogi Sveinsson, sem ræddi liði 9.1 og 9.3. Björg Björnsdóttir, sem ræddi liði 9.1 og 9.3. Kristjana Sigurðardóttir, sem ræddi lið 9.3. Anna Alexandersdóttir, sem ræddi lið 9.1 og Berglind Harpa Svavarsdóttir, sem ræddi lið 9.1.

Fundargerðin lögð fram.

9.1 201909022 Frístund 2019-2020

Bókun fundar Fyrir liggur skýrsla starfshóps um frístundastarf á Fljótsdalshéraði ásamt fundargerð síðasta fundar hópsins.

Eftirfarandi tillaga lögð fram:
Bæjarstjórn tekur undir með íþrótta- og tómstundanefnd og þakkar hópnum fyrir vel unna skýrslu og fagnar því að hún sé rædd. Mikilvægt er að skoðað sé að frístundastarf verði á heilsársgrundvelli til að tryggja að faglega sé unnið að málaflokknum.
Samþykkt að vísa ábendingum um fyrirkomulag á frístundastarfi sumarið 2020 til bæjarráðs til nánari skoðunar.

Samþykkt samhljóða með handauppréttingu.
9.2 201807002 Tómstundaframlag

Bókun fundar Í vinnslu.
9.3 201905107 Snjómokstur og snjóhreinsun á gangstéttum og göngustígum

Bókun fundar Fyrir liggja umræður um skipulag snjómoksturs og snjóhreinsunar á gangstéttum og göngustígum.

Eftirfarandi tillaga lögð fram:
Bæjarstjórn samþykkir að fela bæjarstjóra að láta gera nýtt kort sem sýnir forgangsröðun í snjómokstri á götum og gangstígum á Egilsstöðum og í Fellabæ í samræmi við gildandi reglur þar um. Kortið verði aðgengilegt á vef sveitarfélagsins hið fyrsta.

Samþykkt samhljóða með handauppréttingu.
9.4 202002096 Fundargerðir starfshóps um íþrótta- og menningarmál

Bókun fundar Lagt fram til kynningar.

10.Fræðslunefnd Fljótsdalshéraðs - 286

2002018F

Fundargerðin lögð fram.

10.1 202002097 Erindi frá foreldraráði Tjarnarskógar

Bókun fundar Í vinnslu.
10.2 201808087 Byggingarnefnd Leikskólans Hádegishöfða

Bókun fundar Lagt fram til kynningar.
10.3 201108127 Skýrsla fræðslustjóra

Bókun fundar Lagt fram til kynningar.

11.Félagsmálanefnd - 181

2002021F

Til máls tók: Anna Alexandersdóttir sem kynnti fundargerðina og lagði fram drög að bókunum.

Fundargerðin lögð fram.

11.1 202002099 Starfsáætlun félagsþjónustu/Stólpa

Bókun fundar Lagt fram til kynningar.
11.2 202002099 Starfsáætlun félagsþjónustu

Bókun fundar Afgreiðsla nefndarinnar staðfest. Starfsáætlunin var kynnt undir lið 2.
11.3 201901173 Fjölgun rýma í dagdvöl

Bókun fundar Borist hefur tölvupóstur frá Heilbrigðisráðuneyti varðandi umsókn Félagsþjónustu Fljótsdalshéraðs frá september á síðasta ári, um fjölgun rýma í dagdvöl aldraðra. Í tölvupóstinum kemur fram að óski félagsþjónusta enn eftir fjölgun rýma beri henni að beina erindi sínu til Sjúkratrygginga Íslands sem tekið hafa við málefnum dagdvalarrýma fyrir aldraða.

Eftirfarandi tillaga lögð fram:
Að tillögu félagsmálanefndar felur bæjarstjórn félagsmálastjóra að fylgja umsókninni eftir hjá SÍ.

Samþykkt samhljóða með handauppréttingu.
11.4 201909022 Frístund 2019-2020

Bókun fundar Í vinnslu.
11.5 202001082 Reglur um niðurgreiðslu á daggæslu í heimahúsum

Bókun fundar Fyrir nefndinni liggja breytingatillögur á gjaldskrá og reglum varðandi daggæslu í heimahúsum á Fljótsdalshéraði.

Eftirfarandi tillaga lögð fram:
Að tillögu félagsmálanefndar samþykkir bæjarstjórn framlagðar breytingar
og felur félagsmálastjóra að uppfæra reglur og gjaldskrá skv. fyrirliggjandi gögnum.

Samþykkt samhljóða með handauppréttingu.
11.6 202002010 Gjaldskrá heimaþjónustu 2020

Bókun fundar Í vinnslu.
11.7 201712031 Skýrsla Félagsmálastjóra

Bókun fundar Lagt fram til kynningar.

Fundi slitið - kl. 20:00.