Bæjarstjórn Fljótsdalshéraðs

1908011F

• 1.1 201901002 Fjármál 2019
  Bókun fundar Lagt fram til kynningar.
• 1.2 201908107 Fundargerð SvAust 20. ágúst
  Bókun fundar Lagt fram til kynningar.
• 1.3 201907018 Aðalfundur Sláturhúsið Menningarsetur ehf árið 2019.
  Bókun fundar Lagt fram til kynningar.
• 1.4 201907017 Aðalfundur Fasteignafélag Iðavalla ehf árið 2019.
  Bókun fundar Lagt fram til kynningar.
• 1.5 201902128 Starfshópur um húsnæði Egilsstaðaskóla
  Bókun fundar Í vinnslu.
• 1.6 201809031 Vatnajökulsþjóðgarður, austursvæði
  Bókun fundar Lagt fram til kynningar.
• 1.7 201709008 Ísland ljóstengt
  Bókun fundar Lagt fram til kynningar.
• 1.8 201908162 Flug - Skoska leiðin
  Bókun fundar Eftirfarandi tillaga lögð fram:
  Fljótsdalshérað og samtök sveitarfélaga á Austurlandi hafa ítrekað lagt á það áherslu að skilgreina þurfi innanlandsflug sem almenningssamgöngur og að flugfargjöld verði þannig að íbúar úti á landi geti nýtt sér þá þjónustu sem er í boði. Verðlagning eins og hún er í dag er hins vegar þess eðlis að hún stendur eðlilegri nýtingu íbúa á þessari þjónustu fyrir þrifum og þar með aðgengi þeirra að nauðsynlegri grunn- og sérfræðiþjónustu sem að mestu er staðsett á höfuðborgarsvæðinu og rýrir þar með landshlutann sem búsetukost. Bæjarstjórn hvetur því samgöngu- og sveitarstjórnarráðherra til að sjá til þess að hin svokallaða skoska leið komist til framkvæmda strax í byrjun árs 2020 líkt og kveðið er á um í samgönguáætlun næstu fimm ára sem samþykkt var á Alþingi 7. febrúar 2019.
  
  Samþykkt samhljóða með handauppréttingu.
• 1.9 201908163 Fjarðarheiðargöng
  Bókun fundar Eftirfarandi tillaga lögð fram:
  Bæjarstjórn tekur undir með bæjarráði og fagnar því að fyrir liggur niðurstaða starfshóps um legu og áfangaskiptingu næstu jarðgangaframkvæmda á Austurlandi. Niðurstaðan byggir m.a. á úttekt fagaðila þar sem horft er til jarðfræði, veðurfars og samfélagslegra þátta. Beðið hefur verið lengi eftir þeirri niðurstöðu er nú liggur fyrir og ánægjulegt að sjá að hún skuli vera í fullu samræmi við þær áherslur er ítrekað hafa komið fram í ályktunum aðalfunda samtaka sveitarfélaga á Austurlandi og sem ríkt hefur full samstaða um. Bæjarstjórn Fljótsdalshéraðs væntir þess að við afgreiðslu samgönguáætlunar nú í haust verði tryggt fjármagn til þess að vinna strax á næsta ári að hönnun framkvæmdarinnar þannig að hefjast megi handa við fyrsta áfangann, Fjarðarheiðargöng, á fyrsta tímabili samgönguáætlunar og áfanga tvö og þrjú í beinu framhaldi af því.
  
  Samþykkt samhljóða með handauppréttingu.

1908016F

• 2.1 201901002 Fjármál 2019
  Bókun fundar Bókun vegna framlags á árinu 2020 til Hattar byggingarfélags ehf.
  
  Bæjarstjórn Fljótsdalshéraðs staðfestir yfirlýsingu bæjarstjóra og fjármálastjóra til Hattar byggingarfélags ehf kt. 521118-1440, þess efnis að framlag Fljótsdalshéraðs vegna byggingar fimleikahúss á árinu 2020 verði 100 millj. kr. Jafnframt staðfestir bæjarráð að framlagið rúmist innan fjárhagsramma þess árs og er í forsendum í samþykktri 3ja ára áætlun og verði greitt í byrjun árs 2020.
  
  Samþykkt samhljóða með handauppréttingu.
• 2.2 201908189 Fundur bæjarráða Seyðisfjarðar og Fljótsdalshéraðs 26. ágúst 2019
  Bókun fundar Lagt fram til kynningar.
• 2.3 201908190 Fundargerðir 262-265. funda Hitaveitu Egilsstaða og Fella
  Bókun fundar Lagðar fram til kynningar fundargerðir 262. til 265. fundar stjórnar HEF.
• 2.4 201808087 Byggingarnefnd Leikskólans Hádegishöfða
  Bókun fundar Eftirfarandi tillaga lögð fram:
  Að tillögu bæjarráðs samþykkir bæjarstjórn að skipa Valdísi Dögg Rögnvaldsdóttur í starfshópinn í stað Sigurðar Ragnarssonar, sem beðist hefur lausnar.
  
  Samþykkt samhljóða með handauppréttingu.
• 2.5 201908085 Framtíðarþing um farsæla öldrun á Austurlandi
  Bókun fundar Eftirfarandi tillaga lögð fram:
  Að tillögu bæjarráðs samþykkir bæjarstjórn að veita 100.000 kr. styrk vegna þingsins og gert verði ráð fyrir að fjármagnið verði tekið af lið 02750.
  
  Samþykkt samhljóða með handauppréttingu.
• 2.6 201904115 Hjaltalundur, ástand þaks
  Bókun fundar Eftirfarandi tillaga lögð fram:
  Bæjarstjórn tekur undir með bæjarráði og beinir því til umhverfis-og framkvæmdanefndar að taka á næsta fundi sínum samtal við forsvarsmenn Hollvinasamtakanna um þá möguleika sem fyrir liggja varðandi endurbætur á Hjaltalundi og framtíðarnýtingu hússins tengda Út-Héraðsverkefninu.
  
  Samþykkt samhljóða með handauppréttingu, en 1 var fjarverandi (SBS).
• 2.7 201907050 Fundur með Hollvinasamtökum Hjaltalundar.
  Bókun fundar Vísað í bókun undir lið 2.6.
• 2.8 201902128 Starfshópur um húsnæði Egilsstaðaskóla
  Bókun fundar Afgreiðsla bæjarráðs staðfest.
• 2.9 201908200 Fyrirspurn varðandi Eiðar
  Bókun fundar Í vinnslu.
• 2.10 201908068 Samráðsgátt - Tillaga til þingsályktunar um stefnumótandi áætlun ríkisins í málefnum sveitarfélaga, S-206/2019
  Bókun fundar Í vinnslu.

1908013F

• 3.1 201908059 Fjárhagsáætlun Umhverfis- og framkvæmdanefndar 2020
  Bókun fundar Í vinnslu.
• 3.2 201904115 Hjaltalundur, ástand þaks
  Bókun fundar Vísað til liðar 2.6 í þessari fundargerð.
• 3.3 201907050 Fundur með Hollvinasamtökum Hjaltalundar.
  Bókun fundar Vísað til liðar 2.7 í þessari fundargerð.
• 3.4 201805116 Varmadælulausn í Brúarásskóla
  Bókun fundar Í vinnslu.
• 3.5 201904008 Samþykkt um hundahald í sveitarfélögum á starfssvæði Heilbrigðisnefndar Austurlands
  Bókun fundar Í vinnslu.
• 3.6 201904009 Samþykkt um kattahald og gæludýrahald annarra en hunda í sveitarfélögum á starfssvæði Heilbrigðisnefndar Austurlands.
  Bókun fundar Í vinnslu.
• 3.7 201806085 Breyting á aðalskipulagi fyrir hluta Grundar á Efra Jökuldal
  Bókun fundar Í vinnslu.
• 3.8 201810120 Deiliskipulag Stuðlagil - Grund
  Bókun fundar Í vinnslu.
• 3.9 201401135 Miðbær Egilsstaða deiliskipulag 2016
  Bókun fundar Eftirfarandi tillaga lögð fram:
  Bæjarstjórn samþykkir að skipa þriggja manna starfshóp sem falið er að fara yfir athugasemdir og umsagnir sem borist hafa við deiliskipulag miðbæjar Egilsstaða og móta næstu skref í vinnslu skipulagsins í samráði við umhverfis- og framkvæmdanefnd. Starfshópurinn kalli til starfsfólk sveitarfélagsins og óski eftir vinnu sérfræðinga eftir því sem þurfa þykir við vinnslu málsins. Eftirfarandi skipi starfshópinn.
  
  Björn Ingimarsson, bæjarstjóri
  Stefán Bogi Sveinsson, forseti bæjarstjórnar
  Kristjana Sigurðardóttir, bæjarfulltrúi
  
  Hópurinn skal þegar hefja störf og kynna umhverfis- og framkvæmdanefnd stöðu vinnunnar á fundum nefndarinnar.
  
  Samþykkt samhljóða með handauppréttingu.
  
• 3.10 201908064 Deiliskipulag Valgerðarstöðum
  Bókun fundar Í vinnslu.
• 3.11 201907026 Umsókn um leyfi til uppsetningar á vindmælingabúnaði
  Bókun fundar Fyrir fundi umhverfis- og framkvæmdanefndar lá umsókn frá Verkfræði og ráðgjafafyrirtækinu Norconsults, f.h. vindorkufyrirtækis Zephyr, um að Fljótsdalshérað gefi út leyfi til uppsetningar á búnaði til að mæla vindaðstæður á jörðinni Klausturseli sem er innan sveitarfélagsins.
  
  Eftirfarandi tillaga lögð fram:
  Bæjarstjórn staðfestir afgreiðslu umhverfis- og framkvæmdanefndar sem heimilar uppsetningu á búnaði til að mæla vindaðstæður, enda felst ekki í því skuldbinding gagnvart fyrirtækinu um að heimila vindorkunýtingu á svæðinu síðar.
  
  Bæjarstjórn tekur að öðru leyti undir afstöðu umhverfis- og framkvæmdanefndar og ítrekar fyrri bókanir sínar um að tekin verði með heildstæðum hætti afstaða til mögulegrar vindorkunýtingar í sveitarfélaginu við boðaða endurskoðun aðalskipulags.
  
  Samþykkt samhljóða með handauppréttingu.
  
• 3.12 201906113 Ósk um afstöðu til reisingar vindmylla við Lagarfossvirkjun
  Bókun fundar Lagt fram til kynningar.
• 3.13 201908165 Vetrarþjónusta 2019 - 2020
  Bókun fundar Í vinnslu.
• 3.14 201906130 Umsókn um framkvæmdaleyfi til skógræktar á Flúðum
  Bókun fundar Í vinnslu.
• 3.15 201908159 Umsókn um stækkun lóðar Tjarnarás 2
  Bókun fundar Í vinnslu.
• 3.16 201907046 Umsókn um skráningu nýrra landeigna í fasteignaskrá úr landi Fremri - Galtarstaður
  Bókun fundar Í vinnslu.
• 3.17 201908166 Götuljós við Borgarfjarðarveg, um Eiða
  Bókun fundar Í vinnslu.

1908009F

• 4.1 201904115 Hjaltalundur, ástand þaks
  Bókun fundar Vísað til 2.6.
• 4.2 201903103 Úttekt á framboði flugsæta til Austurlands
  Bókun fundar Eftirfarandi tillaga lögð fram:
  Í samræmi við afgreiðslu atvinnu- og menningarnefndar, sem og með vísan til áherslna sem fram hafa komið hjá bæjarráði og á sameiginlegum fundi bæjarráða Fljótsdalshéraðs og Seyðisfjarðarkaupstaðar, samþykkir bæjarstjórn að óska eftir því að framkvæmdastjóri Flugfélags Íslands ehf. (Air Iceland Connect) komi til fundar við fulltrúa úr bæjarstjórn og atvinnu- og menningarnefnd til að svara spurningum um sætaframboð og verðmyndun í flugi milli Egilsstaða og Reykjavíkur.
  
  Samþykkt samhljóða með handauppréttingu.
• 4.3 201908045 Starfshópur um greiningu tækifæra í náttúruvernd og ferðaþjónustu á Úthéraði
  Bókun fundar Eftirfarandi tillaga lögð fram:
  Að tillögu atvinnu- og menningarnefndar samþykkir bæjarstjórn að Ingibjörg Jónsdóttir verði fulltrúi í starfshópnum í stað Arons Steins Halldórssonar.
  
  Samþykkt samhljóða með handauppréttingu.
• 4.4 201908097 Skógargleði í Vallanesi, styrkumsókn
  Bókun fundar Afgreiðsla atvinnu- og menningarnefndar staðfest.
• 4.5 201903095 Fjárhagsáætlun atvinnu- og menningarnefndar fyrir 2020
  Bókun fundar Í vinnslu.
• 4.6 201908096 Menningarverðlaun SSA 2019
  Bókun fundar Afgreiðsla atvinnu- og menningarnefndar staðfest.
• 4.7 201908098 Dagar myrkurs 2019
  Bókun fundar Í vinnslu.
• 4.8 201908099 Grænbók um stefnu stjórnvalda í málefnum flugrekstrar og flugtengdrar starfsemi á Íslandi
  Bókun fundar Eftirfarandi tillaga lögð fram:
  Bæjarstjórn Fljótsdalshéraðs tekur undir með atvinnu- og menningarnefnd og gagnrýnir knappan tíma fyrir ábendingar. Þá er gagnrýnt að ekki hafi verið fulltrúar af landsbyggðinni í starfshópnum sem vann drögin sem eru til umsagnar. Bæjarstjórn telur óheppilegt að í drögunum skuli ekki vera fjallað um að opna fleiri gáttir inn í landið með reglubundnu millilandaflugi. Bæjarstjórn fagnar á hinn bóginn framkomnum tillögum um að Egilsstaðaflugvöllur verði í fyrsta forgangi sem varaflugvöllur og hvetur til þess að flugvöllurinn fái sem fyrst það viðhald sem kröfur eru um og sem fyrst verði ráðist í nauðsynlegar nýframkvæmdir.
  
  Samþykkt samhljóða með handauppréttingu.
  
• 4.9 201908158 Tillaga um Atvinnulífssýningu 2020 í Íþróttamiðstöðinni á Egilsstöðum
  Bókun fundar Í vinnslu.
• 4.10 201401135 Miðbær Egilsstaða deiliskipulag 2016
  Bókun fundar Lagt fram til kynningar.

1908014F

• 5.1 201908167 Ársskýrsla Gæða- og eftirlitsstofnunar félagsþjónustu og barnaverndar 2018
  Bókun fundar Lagt fram til kynningar.
• 5.2 201906024 Málavog í vinnslu barnaverndarmála - beiði um samstarf
  Bókun fundar Fram kom á fundi félagsmálanefndar að félagsmálastjóri hefur kynnt viðhorf nefndarinnar fyrir Barnaverndarstofu, ásamt því að hafa rætt við aðra félagsmálastjóra á landsbyggðinni.
  
  Eftirfarandi tillaga lögð fram:
  Bæjarstjórn tekur undir með félagsmálanefnd og vill koma því á framfæri við Barnaverndarstofu og Gæða- og eftirlitsstofnun að ekki séu gerðar ómarkvissar kröfur um skýrslugerð og upplýsingaöflun, heldur komi stofnanirnar sér saman um hvaða upplýsingar séu nauðsynlegar og þeirra aflað á markvissan og skýran hátt. Markmið Félagsþjónustu Fljótsdalshéraðs er að koma í veg fyrir ónauðsynlega skriffinnsku en nýta starfsfólk til þess að vinna með fólki.
  
  Samþykkt samhljóða með handauppréttingu.
• 5.4 201906121 Breyting á lögum um félagsþjónustu sveitarfélaga
  Bókun fundar Í vinnslu.
• 5.5 201712031 Skýrsla Félagsmálastjóra
  Bókun fundar Lagt fram.

1906019F

• 6.1 201903185 Fjárhagsáætlun íþrótta- og tómstundanefndar 2020
  Bókun fundar Í vinnslu.
• 6.2 201809104 Starfsáætlun íþrótta- og tómstundanefndar 2019
  Bókun fundar Lagt fram til kynningar.
• 6.3 201908073 Iðkendayfirlit ÍFH 2018
  Bókun fundar Lagt fram til kynningar.
• 6.4 201908074 Saman hópurinn - beiðni um stuðning
  Bókun fundar Afgreiðsla íþrótta- og tómstundanefndar staðfest.
• 6.5 201401135 Miðbær Egilsstaða deiliskipulag 2016
  Bókun fundar Eftirfarandi tillaga lögð fram:
  Bæjarstjórn samþykkir að vísa umsögn íþrótta- og tómstundanefndar til umhverfis- og framkvæmdanefndar til meðferðar við gerð deiliskipulags miðbæjarins.
  
  Samþykkt samhljóða með handauppréttingu.
  
  

201806082

201806080