Fara í efni

Bæjarstjórn Fljótsdalshéraðs

295. fundur 22. maí 2019 kl. 17:00 - 18:45 í fundarsal bæjarstjórnar
Nefndarmenn
  • Stefán Bogi Sveinsson forseti
  • Anna Alexandersdóttir 1. varaforseti
  • Steinar Ingi Þorsteinsson 2. varaforseti
  • Gunnar Jónsson bæjarfulltrúi
  • Anna Gunnhildur Ingvarsdóttir bæjarfulltrúi
  • Kristjana Sigurðardóttir bæjarfulltrúi
  • Björg Björnsdóttir bæjarfulltrúi
  • Hannes Karl Hilmarsson bæjarfulltrúi
  • Björn Ingimarsson bæjarstjóri
  • Stefán Snædal Bragason skrifstofu- og starfsmannastjóri
  • Karl Sigfús Lauritzson varamaður
Fundargerð ritaði: Stefán Bragason skrifstofustjóri

1.Bæjarráð Fljótsdalshéraðs - 470

1905007F

Til máls tóku: Anna Alexandersdóttir, sem kynnti fundargerðina og lagði fram drög að bókunum. Björg Björnsdóttir sem ræddi lið 1.7 og bar fram fyrirspurn og Stefán Bogi Sveinsson, sem ræddi lið 1.7 og svaraði fyrirspurn.

Fundargerðin lögð fram.

2.Umhverfis- og framkvæmdanefnd - 112

1905006F

Til máls tóku: Stefán Bogi Sveinsson, sem kynnti fundargerðina og lagði fram drög að bókunum. Gunnar Jónsson, sem vakti athygli á vanhæfi sínu vegna liða 2.6 og 2.16. Úrskurðaði forseti hann vanhæfan.
Björg Björnsdóttir, sem ræddi lið 2.16 og bar fram breytingatillögu og Björg Björnsdóttir sem ræddi lið 2.5.

Fundargerðin lögð fram.
  • 2.1 201904140 Fjárhagsáætlun umhverfis- og framkvæmdanefndar fyrir 2020
    Bókun fundar Lagt fram til kynningar.
  • 2.2 201808175 Starfsáætlun umhverfis- og framkvæmdanefndar 2019
    Bókun fundar Í vinnslu.
  • 2.3 201904139 Starfsáætlun umhverfis- og framkvæmdanefndar 2020
    Bókun fundar Í vinnslu.
  • 2.4 201902042 Umsókn um byggingarleyfi fyrir tvíbýlishúsi að Fjóluhvammi 3
    Bókun fundar Fram er komin fyrirspurn lóðarhafa um staðsetningu byggingar innan byggingarreits.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að málið fái afgreiðslu í samræmi við 3. mgr. 43. gr. skipulagslaga nr. 123/2010 með fyrirvara um samþykki eigenda Fjóluhvamms 1 og Smárahvamms 2.

    Samþykkt samhljóða með handauppréttingu.
  • 2.5 201401135 Miðbær Egilsstaða deiliskipulag 2016
    Bókun fundar Lagt fram til kynningar.
  • 2.6 201802076 Breyting á deiliskipulagi Flugvallar
    Bókun fundar Á fundi umhverfis- og framkvæmdanefndar var deiliskipulag Egilsstaðaflugvallar tekið til umræðu. Lögð voru fram svör við athugasemdum vegna deiliskipulags.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn deiliskipulagið og gerir fyrirliggjandi svör við athugasemdum að sínum.

    Samþykkt samhljóða með handauppréttingu, en einn var fjarverandi (GJ)
  • 2.7 201905058 Beiðni um framkvæmdaleyfi: Bakkavörn á 120 til 180 m löngum kafla á bakka Hálslóns í Kringilsárrana
    Bókun fundar Fyrir fundinum liggur beiðni frá Landsvirkjun um framkvæmdaleyfi vegna bakkavarna í lónsstæði Hálslóns við Kringilsárrana, ásamt lýsingu á framkvæmdinni og bréfi frá Umhverfisstofnun þar sem framkvæmdin er heimiluð fyrir þeirra leyti.

    Eftirfarandi tillaga lögð fram:
    Með vísan til 13. gr. skipulagslaga nr. 123/2010 samþykkir bæjarstjórn Fljótsdalshéraðs að veita umbeðið framkvæmdaleyfi með eftirfarandi skilyrðum:
    Að við framkvæmdina verði farið að þeim skilyrðum sem Umhverfisstofnun hefur sett í bréfi sínu frá 26. apríl 2019.
    Að Fljótsdalshéraði verði með tölvupósti tilkynnt um upphaf og lok framkvæmda sem og án tafar öll frávik sem kunna að verða frá lýsingu verkefnisins eins og hún liggur fyrir bæjarstjórn.

    Samþykkt samhljóða með handauppréttingu.
  • 2.8 201904199 Lausaganga geita
    Bókun fundar Í vinnslu.
  • 2.9 1903061 Umsókn um lóð, Kaupvangur 23
    Bókun fundar Afgreiðsla umhverfis- og framkvæmdanefndar staðfest.
  • 2.10 201905059 Umsókn um lóð, Klettasel 2 - 4
    Bókun fundar Fyrir liggur umsókn frá Daníel Þorsteinssyni um lóð, Klettasel 2 - 4 á Egilsstöðum.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn erindið og að lóðinni Klettaseli 2 - 4 verði úthlutað skv. fyrirliggjandi umsókn.

    Samþykkt samhljóða með handauppréttingu.
  • 2.11 201905061 Umsókn um lóð, Bláargerði 47 - 49
    Bókun fundar Fyrir liggur umsókn frá Daníel Þorsteinssyni um lóðina Bláargerði 47 - 49 á Egilsstöðum.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn erindið og að lóðinni verði úthlutað skv. fyrirliggjandi umsókn.

    Samþykkt samhljóða með handauppréttingu.
  • 2.12 201905060 Umsókn um lóð, Bláargerði 31 - 35
    Bókun fundar Fyrir liggur umsókn frá Daníel Þorsteinssyni um lóð, Bláargerði 31 - 35 á Egilsstöðum.

    Eftirfarandi tillaga lögð fram:
    Að tillögu umhverfis- og framkvæmdanefndar hafnar bæjarstjórn erindinu þar sem lóðinni Bláargerði 35 hefur nú þegar verið úthlutað.

    Samþykkt samhljóða með handauppréttingu.
  • 2.13 201905044 Umsókn um skráningu nýrra landeigna í fasteignaskráúr landi Hraungarðs 8
    Bókun fundar Lagt fram til kynningar.
  • 2.14 1806032 Ósk um breytingu á deiliskipulagi suðursvæðis
    Bókun fundar Fyrir liggur niðurstaða grenndarkynningar vegna óverulegrar breytingar á deiliskipulagi Suðursvæðis. Tillaga var grenndarkynnt í samræmi við 2. mgr. 43. gr. skipulagslaga nr. 123/2010 og liggur samþykki fyrir.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn tillöguna og að hún fái málsmeðferð í samræmi við 2. mgr. 43. gr. skipulagslaga nr. 123/2010.

    Samþykkt samhljóða með handauppréttingu.
  • 2.15 1904117 Fyrirspurn til skipulags- og byggingarfulltrúa
    Bókun fundar Í vinnslu.
  • 2.16 201801084 Umsókn um framkvæmdaleyfi vegna endurnýjunar og áætlunar um uppbyggingu á fráveitu Egilsstaða. Fyrsta áfanga.
    Bókun fundar Grenndarkynning hefur farið fram, framkvæmd var grenndarkynnt fyrir eftirfarandi, Minjastofnun, Isavia, Hitaveitu Egilsstaða og Fella og landeigendum. Svör bárust frá tveimur aðilum en ekki hafa borist svör frá Minjastofnun og HEF.

    Lögð fram breytingatillaga frá Björgu Björnsdóttur:
    Legg til að breytt verði orðalagi í niðurlagi tillögunnar þannig að þar standi: "með fyrirvara um afstöðu Minjastofnunar og að samningar hafi náðst við landeigendur".

    Samþykkt samhljóða með handauppréttingu, en einn var fjarverandi.


    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að framkvæmdaleyfi verði gefið út í samræmi við fyrri ákvörðun, með fyrirvara um afstöðu Minjastofnunar og að samningar hafi náðst við landeigendur.

    Samþykkt samhljóða með handauppréttingu, en einn var fjarverandi (GJ)
  • 2.17 201810041 Breyting á deiliskipulagi Selbrekku, breyting 4.
    Bókun fundar Í vinnslu.
  • 2.18 201811050 Nýtt deiliskipulag fyrir Tunguás í Fljótsdalshéraði
    Bókun fundar Í vinnslu.
  • 2.19 201509024 Verndarsvæði í byggð
    Bókun fundar Fyrir liggja drög að samningum um annars vegar verkefnastjórn og hins vegar um vinnu við gerð húsakönnunar, vegna verkefnisins Verndarsvæði í byggð, á Egilsstöðum.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn fyrirliggjandi samninga.

    Samþykkt samhljóða með handauppréttingu.

3.Atvinnu- og menningarnefnd - 87

1905004F

Til máls tóku: Gunnhildur Ingvarsdóttir, sem kynnti fundargerðina og lagði fram drög að bókunum. Björg Björnsdóttir, sem ræddi lið 3.1. Gunnar Jónsson, sem ræddi liði 3.1, 3.2 og 3.3. Hannes K. Hilmarsson, sem ræddi lið 3.3. Anna Alexandersdóttir, sem ræddi liði 3.2 og 3.3. Björg Björnsdóttir, sem ræddi liði 3.3 og 3.2. Anna Alexandersdóttir, sem ræddi lið 3.3. Stefán Bogi Sveinsson, sem ræddi liði 3.1, 3.2 og 3.3 og Gunnhildur Ingvarsdóttir, sem ræddi liði 3.1, 3.2 og 3.3.

Fundargerðin lögð fram.
  • 3.1 201809013 Starfsáætlun atvinnu- og menningarnefndar 2019
    Bókun fundar Fyrir liggja gögn er varða verkefni sem tengist Úthéraði.

    Eftirfarandi tillaga lögð fram:
    Að tillögu atvinnu- og menningarnefndar samþykkir bæjarstjórn að myndaður verði starfshópur tveggja fulltrúa atvinnu- og menningarnefndar og tveggja fulltrúa náttúruverndarnefndar, sem hafi það hlutverk að móta verkefnalýsingu m.a. á grunni fyrirliggjandi gagna ásamt því að leggja fram kostnaðaráætlun fyrir verkefnið og tillögu að fjármögnun þess. Starfsmenn nefndanna vinni með hópnum. Í framhaldinu verði auglýst eftir aðila til að vinna verkefnið ásamt hópnum. Starfsmanni atvinnu- og menningarnefndar falið að kalla hópinn saman til fyrsta fundar. Fulltrúar atvinnu- og menningarnefndar verði Aðalheiður Björt Unnarsdóttir og Aron Steinn Halldórsson. Óskað er eftir að náttúruverndarnefnd tilnefni sína fulltrúa.

    Samþykkt samhljóða með handauppréttingu.
  • 3.2 201903103 Úttekt á framboði flugsæta til Austurlands
    Bókun fundar Lagt fram til kynningar.
  • 3.3 201905069 Tillaga um sjúkrahús á Egilsstöðum
    Bókun fundar Fyrir liggur tölvupóstur og bréf frá Benedikt V. Warén þar sem hvatt er til að kannaðir verði möguleikar á því að byggja sjúkrahús á Egilsstöðum.

    Eftirfarandi tillaga lögð fram:
    Að tillögu atvinnu- og menningarnefndar leggur bæjarstjórn til að vegna legu Egilsstaða og Egilsstaðaflugvallar verði lögð áhersla á að bæta aðstöðu til greiningar bráðveikra og slasaðra við HSA á Egilsstöðum. Jafnframt verði aðstaða fyrir móttöku sérfræðinga bætt.

    Samþykkt samhljóða með handauppréttingu.

  • 3.4 201905070 Kornskálinn, möguleg afnot
    Bókun fundar Í vinnslu.

4.Fræðslunefnd Fljótsdalshéraðs - 276

1905005F

Til máls tóku: Björg Björnsdóttir sem ræddi lið 4.4 Anna Alexandersdóttir, sem ræddi lið 4.4. Björg Björnsdóttir, sem ræddi lið 4.4. Anna Alexandersdóttir, sem ræddi lið 4.4. Gunnhildur Ingvarsdóttir, sem ræddi lið 4.4 og Björn Ingimarsson, sem ræddi lið 4.4.

Fundargerðin lögð fram.

5.Skipan fulltrúa í ráðgjafanefnd Landbótasjóðs

201901205

Til máls tók: Gunnar Jónsson, sem þakkaði Baldri Grétarssyni fyrir hans störf fyrir Landbótasjóð Norður-Héraðs og fagnaði tilnefningu Jóns Hávarðar.

Eftirfarandi tillaga lögð fram:
Bæjarstjórn samþykkir að skipa Jón Hávarð Jónsson, sem fulltrúa Fljótsdalshéraðs í ráðgjafanefnd Landbótasjóðs Norður-Héraðs, í stað Baldurs Grétarssonar sem beðist hefur lausnar.
Bæjarstjórn þakkar Baldri Grétarssyni kærlega fyrir vel unnin störf á þessum vettvangi um árabil.

Samþykkt samhljóða með handauppréttingu.

Fundi slitið - kl. 18:45.

Getum við bætt efni þessarar síðu?