Bæjarstjórn Fljótsdalshéraðs

289. fundur 20. febrúar 2019 kl. 17:00 - 19:15 í fundarsal bæjarstjórnar

Nefndarmenn

Stefán Bogi Sveinsson forseti
Anna Alexandersdóttir 1. varaforseti
Gunnar Jónsson bæjarfulltrúi
Berglind Harpa Svavarsdóttir bæjarfulltrúi
Anna Gunnhildur Ingvarsdóttir bæjarfulltrúi
Kristjana Sigurðardóttir bæjarfulltrúi
Björg Björnsdóttir bæjarfulltrúi
Hannes Karl Hilmarsson bæjarfulltrúi
Björn Ingimarsson bæjarstjóri
Stefán Snædal Bragason skrifstofu- og starfsmannastjóri
Dagur Skírnir Óðinsson varamaður

Fundargerð ritaði: Stefán Bragason skrifstofustjóri

1.Starfsáætlanir nefnda Fljótsdalshéraðs 2019

201901044

Guðfinna Harpa Árnadóttir formaður umhverfis- og framkvæmdanefndar kynnti starfsáætlun nefndarinnar.
Orðið gefið laust, en enginn tók til máls og var Guðfinnu því þökkuð koman og góð kynning og yfirferð yfir verkefni nefndarinnar.

Berglind Harpa Svavarsdóttir formaður fræðslunefndar kynnti starfsáætlun nefndarinnar.
Orðið gefið laust og tóku eftirtaldir til máls: Kristjana Sigurðardóttir, Björg Björnsdóttir, Gunnhildur Ingvarsdóttir, sem bar fram fyrirspurnir, Stefán Bogi Sveinsson, Dagur Skírnir Óðinsson, Björg Björnsdóttir og Berglind Harpa Svavarsdóttir, sem svaraði fyrirspurnum.
Berglindi svo þökkuð góð kynning og svör við fyrirspurnum.

2.Bæjarráð Fljótsdalshéraðs - 457

1902005F

Til máls tóku: Anna Alexandersdóttir, sem kynnti fundargerðina og lagði fram drög að bókunum. Einnig ræddi hún sérstaklega lið 2.7. Gunnar Jónsson, sem ræddi lið 2.7 og bar fram fyrirspurn. Stefán Bogi Sveinsson, sem ræddi lið 2.7 og svaraði fyrirspurn. Kristjana Sigurðardóttir, sem ræddi lið 2.7. Gunnar Jónsson, sem ræddi lið 2.7. Anna Alexandersdóttir, sem ræddi lið 2.7. Gunnhildur Ingvarsdóttir, sem ræddi lið 2.7. Berglind Harpa Svavarsdóttir, sem ræddi lið 2.7. Stefán Bogi Sveinsson, sem ræddi lið 2.7 og lagði fram breytingatillögu. Anna Alexandersdóttir, sem ræddi lið 2.7 og Björg Björnsdóttir, sem ræddi lið 2.7.

Fundargerðin lögð fram.

2.1 201901002 Fjármál 2019

Bókun fundar Eftirfarandi tillaga lögð fram:
Að tillögu bæjarráðs samþykkir bæjarstjórn að bæjarstjóra Fljótsdalshéraðs verði veitt umboð til að veita umsagnir um tækifærisleyfi fyrir einstakar skemmtanir og atburði sem fram fara utan veitinga- og gististaða í atvinnuskyni og kalla á eftirlit og/eða löggæslu. sbr.17. gr. laga nr. 85/2007. Umsagnirnar verði veittar fyrir hönd sveitarfélagsins og í umboði bæjarstjórnar.

Samþykkt samhljóða með handauppréttingu.
2.2 201902026 Fundargerð 248. fundar Hitaveitu Egilsstaða og Fella

Bókun fundar Lagt fram til kynningar.
2.3 201902030 Fundargerð 6. fundar framkvæmdaráðs SSA - 15. jan 2019

Bókun fundar Lagt fram til kynningar.
2.4 201902031 Fundargerð 8. fundar stjórnar SSA - 29. janúar 2019

Bókun fundar Lagt fram til kynningar.
2.5 201902032 Fundargerð 51. fundar stjórnar Brunavarna á Austurlandi

Bókun fundar Lagt fram til kynningar.
2.6 201902029 Aukaársfundur Austurbrúar ses. 19. febrúar 2019

Bókun fundar Afgreiðsla bæjarráðs staðfest.
2.7 201802004 Norrænt samstarfsverkefni um betri bæi 2018

Bókun fundar Kjartan Róbertsson yfirmaður eignasjóðs og Anna María Þórhallsdóttir arkitekt mættu á fund bæjarráðs til að fara yfir hugmyndir að nýtingu hússins að Miðvangi 31 og rýminu inn í því.

Stefán Bogi Sveinsson lagði fram þá breytingatillögu að einungis fyrsta setning í fyrirliggjandi tillögu verði látin standa, en síðari hluti tillögunnar verði felldur út, en hann hljóðaði svo: Jafnframt samþykkir bæjarstjórn að Guðfinna Harpa Árnadóttir formaður umhverfis- og framkvæmdanefndar og Stefán Bogi Sveinsson forseti bæjarstjórnar fari í næstu kynnisferð til Danmerkur, ásamt fulltrúum úr starfshópnum.

Samþykkt samhljóða með handauppréttingu.

Eftirfarandi tillaga síðan lögð fram:
Að tillögu bæjarráðs samþykkir bæjarstjórn þær útfærslur sem þar voru kynntar.

Samþykkt samhljóða með handauppréttingu.
2.8 201901079 Samstarf um greiðslu gistináttagjalds í neyðarathvörfum Reykjavíkurborgar fyrir heimilislausa

Bókun fundar Afgreiðsla bæjarráðs staðfest.
2.9 201902011 Húsnæðisáætlanir sveitafélaga

Bókun fundar Eftirfarandi tillaga lögð fram:
Bæjarstjórn tekur undir með bæjarráði og lýtur svo á að breytingar á forsendum milli ára gefi ekki tilefni til að breyta þeirri húsnæðisáætlun sem samþykkt var af bæjarstjórn Fljótsdalshéraðs 2. maí 2018.
Bæjarstjóra falið að láta uppfæra dagsetningar í áætluninni og skila henni þannig til Íbúðarlánasjóðs.

Samþykkt samhljóða með handauppréttingu.
2.10 201902049 Lögreglustjóraembættið og embætti Sýslumannsins á Austurlandi - Ályktum frá aðalfundi SSA 2018

Bókun fundar Afgreiðsla bæjarráðs staðfest.
2.11 201902002 Frumvarp til laga um breytingu á lögum um kosningar til sveitarstjórna (kosningaaldur)

Bókun fundar Sjá afgreiðslu undir lið 3.4.
2.12 201902003 Tillaga til þingsályktunar um mótun stefnu sem eflir fólk af erlendum uppruna til þátttöku í íslensku samfélagi

Bókun fundar Lagt fram til kynningar.
2.13 201902050 Umsagnarbeiðni um frumvarp til laga um breytingu á ýmsum lögum vegna laga um persónuvernd og vinnslu persónuupplýsinga, nr. 90/2018 (stofnanir á málefnasviði félags- og barnamálaráðherra)

Bókun fundar Vísað til afgreiðslu undir lið 3.5.

3.Bæjarráð Fljótsdalshéraðs - 458

1902010F

Fundargerðin lögð fram.

3.1 201901002 Fjármál 2019

Bókun fundar Lagt fram til kynningar.
3.2 201902058 Auglýsing eftir framboðum í stjórn Lánasjóðs sveitarfélaga

Bókun fundar Lagt fram til kynningar.
3.3 201902072 Ályktun vegna Úthéraðs - frá stjórnarfundi NAUST

Bókun fundar Afgreiðsla bæjarráðs staðfest.
3.4 201902002 Frumvarp til laga um breytingu á lögum um kosningar til sveitarstjórna (kosningaaldur)

Bókun fundar Lagt fram til kynningar.
3.5 201902050 Umsagnarbeiðni um frumvarp til laga um breytingu á ýmsum lögum vegna laga um persónuvernd og vinnslu persónuupplýsinga, nr. 90/2018 (stofnanir á málefnasviði félags- og barnamálaráðherra)

Bókun fundar Lagt fram til kynningar.

4.Umhverfis- og framkvæmdanefnd - 106

1902002F

Til máls tóku: Stefán Bogi Sveinsson, sem kynnti fundargerðina og lagði fram drög að bókunum. Gunnar Jónsson, sem benti á vanhæfi sitt vegna liða 4.6. 4.10 og 4.11. og úrskurðaði forseti hann vanhæfan. Björg Björnsdóttir sem ræddi lið 4.6.
Stefán Bogi Sveinsson, sem ræddi lið 4.6. Gunnhildur Ingvarsdóttir, sem ræddi lið 4.6. Dagur Skírnir Óðinsson, sem ræddi lið 4.6. Hannes Karl Hilmarsson, sem ræddi lið 4.3 og bar fram fyrirspurn og Stefán Bogi Sveinsson, sem ræddi lið 4.3. og svaraði fyrirspurn.

Fundargerðin lögð fram.

4.1 201901124 Ástand Egilsstaðaskóla, mat á viðhaldsþörf 2019

Bókun fundar Á fundi umhverfis- og framkvæmdanefndar kynnti Kjartan Róbertsson yfirmaður eignasjóðs tvær tillögur að efnisvali á útveggjaklæðningu á eldri hluta Egilsstaðskóla, ásamt kostnaðaráætlunum.

Eftirfarandi tillaga lögð fram:
Bæjarstjórn tekur undir með umhverfis- og framkvæmdanefnd og leggur til að notað verði litað bárujárn við klæðningu á eldri hluta skólans.

Samþykkt samhljóða með handauppréttingu.
4.2 201901101 Egilsstaðaskóli og Tónlistarskólinn á Egilsstöðum - húsnæðismál

Bókun fundar Fyrir fundi umhverfis- og framkvæmdanefndar lá erindi frá skólastjóra Egilsstaðaskóla, þar sem farið er yfir framtíðarþörf í húsnæðismálum.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að farið verði í vinnu við að greina og bregðast við húsnæðisþörf Egilsstaðaskóla og Tónlistarskólans á Egilsstöðum á næstu önn og til framtíðar.

Jafnframt samþykkir bæjarstjórn að skipaður verði starfshópur til að fara yfir málið. Bæjarráði er falið að skipa starfshópinn en í honum eigi meðal annarra sæti fulltrúar úr fræðslunefnd og umhverfis- og framkvæmdanefnd.

Samþykkt samhljóða með handauppréttingu.
4.3 201802004 Norrænt samstarfsverkefni um betri bæi 2018

Bókun fundar Á fundi umhverfis- og framkvæmdanefndar var lögð fram kostnaðaráætlun og útlitshönnun á húsnæði Miðvangs 31. Kjartan Róbertsson yfirmaður eignasjóðs kynnti þar kostnaðaráætlun og áform um uppbyggingu á Miðvangi 31 samkvæmt tillögu starfshóps um betri bæi.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn fyrirliggjandi kostnaðaráætlun.

Samþykkt samhljóða með handauppréttingu.
4.4 201807009 Vetrarþjónusta í dreifbýli.

Bókun fundar Í vinnslu.
4.5 201902043 Snjóhreinsun heimreiða.

Bókun fundar Í vinnslu.
4.6 201401135 Miðbær Egilsstaða deiliskipulag 2016

Bókun fundar Umhverfis- og framkvæmdanefnd tók Miðbæjarskipulag Egilsstaða til umfjöllunar eftir vinnufund sem haldinn var þann 7. febrúar sl.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn fyrirliggjandi uppdrátt með fyrirvara um að byggingarreitur við Miðvang 1 - 3 verði fjarlægður.

Samþykkt samhljóða með handauppréttingu, en 1 var fjarverandi (GJ)
4.7 201901127 Bændur græða landið, styrkbeiðni fyrir árið 2018

Bókun fundar Afgreiðsla umhverfis- og framkvæmdanefndar staðfest.
4.8 201902041 Umsókn um skráningu nýrra landeigna í fasteignaskrá, Mjóanes

Bókun fundar Í vinnslu.
4.9 201902039 Umsókn um skráningu nýrra landeigna í fasteignaskrá, Öngulsá

Bókun fundar Umsókn um stofnun nýrra lóða úr landi Öngulsár.

Eftirfarandi tillaga lögð fram:
Að tillögu umhverfis- og framkvæmdanefndar veitir bæjarstjórn jákvæða umsögn um landskipt. Jafnframt felur bæjarstjórn skipulags- og byggingarfulltrúa að ganga frá stofnun landnúmera í samræmi við umsókn.

Samþykkt samhljóða með handauppréttingu.
4.10 201802076 Breyting á deiliskipulagi Flugvallar

Bókun fundar Í vinnslu.
4.11 201902035 Ferjukíll - lóðir

Bókun fundar Í vinnslu.
4.12 201808175 Starfsáætlun umhverfis- og framkvæmdanefndar 2019

Bókun fundar Afgreiðsla umhverfis- og framkvæmdanefndar staðfest.
4.13 201810123 Staða aðalskipulags Fljótsdalshéraðs 2008-2028 Eyjólfsstaðir

Bókun fundar Fyrir umhverfis- og framkvæmdanefnd lá tillaga að breytingu á aðalskipulagi Fljótsdalshéraðs 2008-2028. Breytingin felur í sér að tilgreint sé verslunar- og þjónustusvæði innan frístundabyggðar í Eyjólfsstaðaskógi.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn breytingartillöguna að fengnu jákvæðu áliti Skipulagsstofnunar.

Samþykkt samhljóða með handauppréttingu.
4.14 201902069 Umsókn um framkvæmdaleyfis vegna byggingar Kröflulínu 3.

Bókun fundar Í vinnslu.

5.Atvinnu- og menningarnefnd - 82

1902001F

Til máls tóku: Gunnhildur Ingvarsdóttir, sem kynnti fundargerðina og lagði fram drög að bókunum. Björg Björnsdóttir, sem ræddi lið 5.2 og Dagur Skírnir Óðinsson sem ræddi lið 5.2. og 5.11.

Fundargerðin lögð fram.

5.1 201902044 Samningur við Héraðsskjalasafn Austfirðinga um sérverkefni

Bókun fundar Fyrir liggja drög að samningi milli Fljótsdalshéraðs og Héraðsskjalasafns Austfirðinga um sérverkefni sem unnin verði af safninu fyrir sveitarfélagið á árinu 2019.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn fyrirliggjandi samningsdrög.

Samþykkt samhljóða með handauppréttingu.
5.2 201811080 Ormsteiti til framtíðar

Bókun fundar Fyrir liggja drög að samningi við Tré & Te ehf. (Halldór Warén) um rekstur og framkvæmd Ormsteitis.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn fyrirliggjandi samningsdrög.

Samþykkt samhljóða með handauppréttingu.
5.3 201709076 17. júní hátíðahöld á Fljótsdalshéraði

Bókun fundar Fyrir liggja drög að samningi við fimleikadeild Hattar um undirbúning, stjórnun og framkvæmd 17. júní hátíðarhaldanna á Fljótsdalshéraði.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn fyrirliggjandi drög að samningi.

Ábendingu atvinnu- og menningarnefndar, varðandi viðhald og uppbyggingu í Tjarnargarðinum er vísað til umhverfis- og framkvæmdanefndar til skoðunar.

Samþykkt samhljóða með handauppréttingu.
5.4 201810131 Samstarfssamningur um söfnun og skráningu örnefna/Landmælingar Íslands

Bókun fundar Í vinnslu.
5.5 201901148 Beiðni um styrk vegna sagnfræðirannsóknar

Bókun fundar Afgreiðsla atvinnu- og menningarnefndar staðfest.
5.6 201901112 Söngleikur Leikfélags ME, styrkumsókn

Bókun fundar Afgreiðsla atvinnu- og menningarnefndar staðfest.
5.7 201901188 Kynningarbæklingar

Bókun fundar Afgreiðsla atvinnu- og menningarnefndar staðfest.
5.8 201811078 Atvinnumálasjóður Fljótsdalshéraðs

Bókun fundar Fyrir liggja styrkumsóknir í Atvinnumálasjóð Fljótsdalshéraðs, en auglýst var í lok síðasta árs eftir umsóknum í sjóðinn með umsóknarfresti til og með 16. janúar 2019. Alls bárust níu umsóknir með styrkbeiðni samtals upp á kr. 11.3 milljónir. Til úthlutunar voru kr. 2.000.000.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn að eftirfarandi verkefni verði styrkt:

-Útimarkaður við Bókakaffi, umsækjandi Bókakaffi Hlöðum ehf, kr. 250.000.
-Hönnunarvara úr austfirsku hráefni, umsækjandi Hildur Evlalía Unnarsdóttir, kr. 100.000.
-Litastúdíó, umsækjandi Inga Rós Unnarsdóttir, kr. 400.000.
-Markaðssetning á erlendum markaði, umsækjandi Pes ehf, kr. 650.000.
-Ensk þýðing og útgáfa á bókinni 101 Austurland, umsækjandi Bókstafur ehf, kr. 250.000.
-Landvarsla og úttekt á tveimur gönguleiðum, umsækjandi Ferðafélag Fljótsdalshéraðs, kr. 300.000.
-Mannauðsráðgjöf / verkfærakista, umsækjandi Garður ráðgjöf / eignaumsýsla ehf, kr. 50.000.

Samþykkt samhljóða með handauppréttingu.
5.9 201807024 Menningarstefna Fljótsdalshéraðs, endurskoðun

Bókun fundar Í vinnslu.
5.10 201902037 Orkuveita Fljótsdalshéraðs

Bókun fundar Afgreiðsla atvinnu- og menningarnefndar staðfest.
5.11 201902038 Atvinnu-, ferða- og kynningarfulltrúi

Bókun fundar Afgreiðsla atvinnu- og menningarnefndar staðfest

6.Fræðslunefnd Fljótsdalshéraðs - 272

1902008F

Fundargerðin lögð fram.

6.1 201902060 Starfsáætlun fræðslunefndar 2019

Bókun fundar Afgreiðsla fræðslunefndar staðfest.
6.2 201108127 Skýrsla fræðslustjóra

Bókun fundar Lagt fram.

7.Umsókn um rekstrarleyfi fyrir sölu gistingar /Stóra - Sandfell

201811104

Fyrir liggur umsagnarbeiðni frá Sýslumanninum á Austurlandi vegna umsóknar um rekstrarleyfi fyrir sölu gistingar í flokki II að Stóra-Sandfelli. Umsækjandi er Röskvi ehf, ábyrgðarmaður Jóhanna Fjóla Kristjánsdóttir.

Fyrir liggur jákvæð umsögn byggingarfulltrúa fyrir allt að 38 gesti. Einnig jákvæð umsögn frá Heilbrigðiseftirliti Austurlands.

Eftirfarandi tillaga lögð fram:
Með vísan til 4. mgr. 10. gr. laga nr. 85/2007 um veitingastaði, gististaði og skemmtanahald, veitir bæjarstjórn jákvæða umsögn og staðfestir jafnframt að staðsetning staðar sem umsóknin lýtur að, sé innan þeirra marka sem reglur og skipulag sveitarfélagsins segir til um.

Bæjarstjórn bendir á að eldvarnareftirlitið og vinnueftirlitið skila sínum umsögnum beint til sýslumanns.

Samþykkt samhljóða með handauppréttingu.

8.Umsókn um skráningu nýrra landeigna í fasteignaskrá, Hof 2 vegstæði.

201811138

Fyrir liggur umsókn um skráningu nýrra landeigna í fasteignaskrá, Hof 2 vegstæði. Umsækjandi er Vegagerðin og undirskrift landeigenda er á umsókninni.

Eftirfarandi tillaga lögð fram:
Bæjarstjórn samþykkir skráningu landeignarinnar fyrir sitt leyti.

Samþykkt samhljóða með handauppréttingu.

Fundi slitið - kl. 19:15.