Bæjarstjórn Fljótsdalshéraðs

1809011F

• 1.1 201801001 Fjármál 2018
  Bókun fundar Lagt fram til kynningar.
• 1.2 201809071 Fundargerð 12. fundar stjórnar SSA
  Bókun fundar Lagt fram til kynningar.
• 1.3 201809072 Fundargerðir stjórnar SSA starfsárið 2018 - 2019
  Bókun fundar Lagt fram til kynningar.
• 1.4 201706084 Samningur um uppbyggingu við Íþróttamiðstöðina á Egilsstöðum
  Bókun fundar Í vinnslu.
• 1.5 201809086 Fjármálaráðstefna sveitarfélaga 2018
  Bókun fundar Lagt fram til kynningar.
• 1.6 201809083 Endurmenntunarsjóður
  Bókun fundar Á fundi bæjarráðs var lagt fram erindi frá Sverri Gestssyni þar sem hann baðst lausnar sem fulltrúi í stjórn endurmenntunarsjóðs. Einnig kom fram að Sigrún Blöndal sat í stjórn sjóðsins sem kjörinn fulltrúi sveitarfélagsins.
  
  Eftirfarandi tillaga lögð fram:
  Að tillögu bæjarráðs samþykkir bæjarstjórn að Steinar Þorsteinsson og Sigríður Herdís Pálsdóttir taki sæti í stjórn endurmenntunarsjóðs í stað Sverris og Sigrúnar.
  
  Samþykkt samhljóða með handauppréttingu.
• 1.7 201802004 Norrænt samstarfsverkefni um betri bæi 2018
  Bókun fundar Í vinnslu.

1809017F

• 2.1 201801001 Fjármál 2018
  Bókun fundar Í vinnslu.
• 2.2 201804070 Fjárhagsáætlun 2019 - 2022
  Bókun fundar Í vinnslu.
• 2.3 201809126 Fundargerð 243. fundar Hitaveitu Egilsstaða og Fella
  Bókun fundar Lagt fram til kynningar.
• 2.4 201809127 Fundargerð 244. fundar Hitaveitu Egilsstaða og Fella
  Bókun fundar Lagt fram til kynningar.
• 2.5 201809124 Fundargerð 49. fundar stjórnar Brunavarna á Austurlandi
  Bókun fundar Lagt fram til kynningar.
• 2.6 201706084 Samningur um uppbyggingu við Íþróttamiðstöðina á Egilsstöðum
  Bókun fundar Á fundi bæjarráðs var farið yfir drög að áætlun um kostnað við framkvæmdir og rekstur viðbyggingar við íþróttamiðstöðina á Egilsstöðum.
  
  Eftirfarandi tillaga lögð fram:
  Að tillögu bæjarráðs samþykkir bæjarstjórn að fallið verði frá fyrirvara í samningi sbr. 8. gr. samnings um uppbyggingu við íþróttamiðstöðina á Egilsstöðum. Jafnframt felur bæjarstjórn bæjarstjóra að hefja viðræður við fulltrúa byggingarnefndar Hattar um nánari útfærslu og aðlögun verkáætlunar.
  
  Samþykkt samhljóða með handauppréttingu.
• 2.7 201702095 Rafbílavæðing
  Bókun fundar Í vinnslu.
• 2.8 201802004 Norrænt samstarfsverkefni um betri bæi 2018
  Bókun fundar Á fund bæjarráðs mættu fulltrúar Fljótsdalshéraðs í norræna samstarfsverkefninu um betri bæi, þau Bylgja Borgþórsdóttir, Freyr Ævarsson og Kjartan Róbertsson. Farið var yfir þau erindi sem borist hafa til bæjarins varðandi nýtingu húss og lóðar að Miðvangi 31 og fund sem bæjarráð átti með fulltrúum frá þessum aðilum. Einnig upplýstu fulltrúar í samstarfsverkefninu um eitt og annað sem þau hafa verið að skoða hjá hinum norrænu samstarfsaðilunum í verkefninu.
  
  Eftirfarandi tillaga lögð fram.
  Að tillögu bæjarráðs samþykkir bæjarstjórn að vinna áfram að þróunarverkefninu, með það að markmiði að koma því af stað á næsta ári. Bæjarráð óskar eftir því við hópinn að þau útfæri nánar tillögu að fyrirkomulagi og rekstri tilraunaverkefnisins. Jafnframt er samþykkt að vísa fjármögnun þess til gerðar fjárhagsáætlunar 2019.
  
  Samþykkt samhljóða með handauppréttingu.
• 2.9 201809121 Aðalfundur Samtaka orkusveitarfélaga 2018
  Bókun fundar Eftirfarandi tillaga lögð fram.
  Bæjarstjórn samþykkir að Björn Ingimarsson verði fulltrúi Fljótsdalshéraðs á aðalfundinum og fari með umboð og atkvæði þar. Varamaður hans verði Stefán Bogi Sveinsson.
  
  Samþykkt samhljóða með handauppréttingu.
• 2.10 201809123 Fundur með þingmönnum 2018
  Bókun fundar Lagt fram til kynningar.
• 2.11 201809125 Ársfundur Jöfnunarsjóðs sveitarfélaga 2018
  Bókun fundar Eftirfarandi tillaga lögð fram:
  Bæjarstjórn samþykkir að Björn Ingimarsson fari með umboð og atkvæði Fljótsdalshéraðs á fundinum. Varamaður hans verði Anna Alexandersdóttir.
  
  Samþykkt samhljóða með handauppréttingu.
• 2.12 201809128 Tillaga til þingsályktunar um stofnun ráðgjafarstofu innflytjenda
  Bókun fundar Lagt fram til kynningar.

1809012F

• 3.1 201809038 Þjónustusamfélagið á Héraði og Egilsstaðastofa
  Bókun fundar Lagt farm til kynningar.
• 3.2 201806160 Aðalfundur SSA 2018
  Bókun fundar Lagt fram.
• 3.3 201803121 Fjárhagsáætlun atvinnu- og menningarnefndar fyrir 2019
  Bókun fundar Vísað til gerðar fjárhagsáætlunar 2019.
• 3.4 201809013 Starfsáætlun atvinnu- og menningarnefndar 2019
  Bókun fundar Í vinnslu.
• 3.5 201808174 Ábending til nefnda og ráða Fljótsdalshéraðs
  Bókun fundar Lagt fram til kynningar.
• 3.6 201809090 Ormsteiti 2018
  Bókun fundar Fyrir fundi atvinnu- og menningarnefndar lá greinargerð Menningarsamtaka Héraðsbúa um framkvæmd Ormsteitis, sem haldið var í ágúst 2018.
  
  Eftirfarandi tillaga lögð fram:
  Bæjarstjórn tekur undir með atvinnu- og menningarnefnd og þakkar Menningarsamtökum Héraðsbúa fyrir góð störf við framkvæmd Ormsteitis 2018.
  Að tillögu atvinnu- og menningarnefndar samþykkir bæjarstjórn að auglýst verði eftir aðila eða aðilum til að sjá um framkvæmd og útfærslu bæjarhátíðarinnar Ormsteiti 2019 og/eða til næstu ára. Starfsmanni falið að útbúa drög að auglýsingu og leggja fyrir næsta fund nefndarinnar.
  
  Samþykkt samhljóða með handauppréttingu.
• 3.7 201801002 Reglur er varða menningarmál
  Bókun fundar Í vinnslu.

1809009F

• 4.1 201809060 Beiðni um breytt nöfn á fasteignum úr landi Ekkjufells
  Bókun fundar Á fundi umhverfis- og framkvæmdanefndar var tekið fyrir erindi frá landeiganda þar sem óskað er eftir breytingum á nöfnum landeigna í fasteignaskrá.
  
  Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn beiðni um breytt nöfn og felur skipulags- og byggingarfulltrúa að vinna málið í samræmi við fyrirliggjandi beiðni.
  
  Samþykkt samhljóða með handauppréttingu.
• 4.2 201809061 Skipulag og frágangur skólalóða Egilstaðaskóla
  Bókun fundar Afgreiðsla nefndarinnar staðfest.
• 4.3 201808172 Spennuhækkun austfjarðahrings - breytingar á skipulagi
  Bókun fundar Lagt fram til kynningar.
• 4.4 201809019 Sparkvöllur á suðursvæði, Egilsstöðum.
  Bókun fundar Lagt fram til kynningar.
• 4.5 201809108 Göngustígur meðfram lóð N1
  Bókun fundar Afgreiðsla umhverfis- og framkvæmdanefndar staðfest.
• 4.6 201809077 Fundargerð 143. fundar Heilbrigðisnefndar Austurlands
  Bókun fundar Lagt fram til kynningar.
• 4.7 201801100 Beiðni um breytingar á Aðalskipulagi Fljótsdalshéraðs 2008-2028 vegna Kröflulínu 3.
  Bókun fundar Umhverfis- og framkvæmdanefnd hefur borist yfirferð Skipulagsstofnunar á breytingu á aðalskipulagi vegna Kröflulínu 3.
  
  Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn að tillagan verði auglýst í samræmi við 31. gr skipulagslaga nr. 122/2010.
  
  Samþykkt samhljóða með handauppréttingu.
• 4.8 201801084 Umsókn um framkvæmdaleyfi vegna endurnýjunar og áætlunar um uppbyggingu á fráveitu Egilsstaða. Fyrsta áfanga.
  Bókun fundar Umhverfis- og framkvæmdanefnd hafði til umfjöllunar svar Skipulagsstofnunar við fyrirspurn nefndarinnar um flokkun fráveituframkvæmda vegna umhverfismats. Skipulagsstofnun metur það svo að fyrirhugaðar framkvæmdir falli undir tl. 11.05 í 1. viðauka laga um umhverfismat 106/2000 og séu því tilkynningarskyldar til Skipulagsstofnunar til ákvörðunar um matsskyldu skv. 6. gr. laganna.
  
  Eftirfarandi tillaga lögð fram:
  Bæjarstjórn tekur undir með umhverfis- og framkvæmdanefnd og beinir því til HEF að tilkynna framkvæmdina til Skipulagsstofnunar til ákvörðunar um matsskyldu.
  
  Samþykkt samhljóða með handauppréttingu.
• 4.9 201803145 Fjárhagsáætlun umhverfis- og framkvæmdanefndar fyrir 2019
  Bókun fundar Í vinnslu.
• 4.10 201808175 Starfsáætlun umhverfis- og framkvæmdanefndar 2019
  Bókun fundar Í vinnslu.
• 4.11 201808083 Umsókn um byggingarleyfi fyrir breytingu á húsi. Bláskógar 11
  Bókun fundar Byggingarleyfi fyrir breytingu á Bláskógum 11 var grenndarkynnt þann 17. ágúst sl.
  
  Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn erindið þar sem athugasemdir bárust ekki við grenndarkynningu.
  
  Samþykkt samhljóða með handauppréttingu.

1809013F

• 5.1 201809099 Leikskólinn Tjarnarskógur - nemendamál
  Bókun fundar Lagt fram til kynningar.
• 5.2 201809100 Sumarlokun leikskólanna Hádegishöfða og Tjarnarskógar
  Bókun fundar Eftirfarandi tillaga lögð fram:
  Að tillögu fræðslunefndar felur bæjarstjórn fræðslustjóra og leikskólastjórum að leggja fyrir könnun meðal foreldra varðandi skipulag sumarlokunar leikskólanna, svo hægt sé að skipuleggja og kynna lokunina næstu 3 árin.
  
  Samþykkt samhljóða með handauppréttingu.
• 5.3 201809024 Börn af erlendum uppruna á Fljótadalshéraði
  Bókun fundar Lagt fram til kynningar.
• 5.4 201809093 Tónlistarskólinn á Egilsstöðum - skóladagatal 2018-2019
  Bókun fundar Afgreiðsla fræðslunefndar staðfest.
• 5.5 201809097 Tónlistarskólinn á Egilsstöðum - húsnæðismál
  Bókun fundar Lagt fram til kynningar.
• 5.6 201809094 Gjaldskrá tónlistarskólanna skólaárið 2018-2019
  Bókun fundar Lagt fram til kynningar.
• 5.7 201809095 Tónlistarskólinn í Fellabæ - skóladagatal 2018-2019
  Bókun fundar Afgreiðsla fræðslunefndar staðfest.
• 5.8 201806160 Aðalfundur SSA 2018
  Bókun fundar Eftirfarandi tillaga lögð fram:
  Í tilefni af ályktun aðalfundar SSA um aukna stoðþjónustu við leik- og grunnskóla, tekur bæjarstjórn undir með fræðslunefnd og óskar eftir að fræðslustjóri leiði vinnu við kortlagningu á þörf fræðslustofnana sveitarfélagsins fyrir úrræði á því sviði, í samstarfi við skólastjórnendur.
  
  Samþykkt samhljóða með handauppréttingu.
• 5.9 201108127 Skýrsla fræðslustjóra
  Bókun fundar Lagt fram til kynningar.

1808014F

• 6.1 201808182 Opið bréf til íþrótta- og tómstundanefndar
  Bókun fundar Í vinnslu.
• 6.2 201809105 Starfsdagar Samfés 2018
  Bókun fundar Lagt fram til kynningar.
• 6.3 201609075 Heilsueflandi samfélag
  Bókun fundar Afgreiðsla nefndarinnar staðfest.
• 6.4 201809062 Áætlun um gerð göngu- og hjólreiðastíga í sveitarfélaginu
  Bókun fundar Eftirfarandi tillaga lögð fram:
  Bæjarstjórn tekur undir með íþrótta- og tómstundanefnd og samþykkir að áætlun um uppbyggingu göngu- og hjólastíga í sveitarfélaginu verði hluti af vinnu við endurskoðun aðalskipulags sveitarfélagsins sem boðuð hefur verið.
  
  Tillagan borin upp og samþykkt með 5 atkv. en 4 sátu hjá. (KL. SIÞ. KS. og BB.)
  
  
  Tillaga frá L-lista undir lið 6.4.
  Bæjarstjórn felur íþrótta- og tómstundafulltrúa í samvinnu við atvinnu-, menningar- og íþróttafulltrúa að setja á fót starfshóp sem í sitji fulltrúar ólíkra hagsmunaaðila sem með einum eða öðrum hætti koma að göngu- og hjólreiðastígum í sveitarfélaginu. Starfshópnum verði falið að kortleggja þessa stíga og koma með tillögur að framtíðaruppbyggingu þeirra. Sömuleiðis verði kannaður möguleiki á því að sækja um undirbúnings- og hönnunarstyrk til verkefnisins í Framkvæmdasjóðs ferðamannastaða.
  
  Tillagan borin upp og var tillagan felld með 4 atkv. (SBS. ABU. GJ. og BHS.) gegn 3, 2 sátu hjá. (KL og HHS)
  
  Tillaga L-lista þótti ganga lengra og var því borin upp fyrst.
  
• 6.5 201808197 Aðgerðir gegn kynferðislegri áreitni og ofbeldishegðun í íþrótta- og æskulýðsstarfi - frá mennta- og menningarmálaráðherra
  Bókun fundar Í vinnslu.
• 6.6 201809106 Íþróttasjóður
  Bókun fundar Íþróttasjóður Rannís auglýsti umsóknarfrest vegna styrkumsókna til 1. október 2018 kl.16:00. Styrkirnir eru ætlaðir íþrótta- og ungmennafélögum á landinu til að bæta aðstöðu til íþróttaiðkunar. Einnig eru styrkir til útbreiðslu- og fræðsluverkefna, að þessu sinni verður horft sérstaklega til verkefna sem stuðla að aukinni þátttöku barna af erlendum uppruna. Þá eru veittir styrkir til að stunda rannsóknir á ýmsum þáttum íþróttastarfsemi í landinu.
  
  Eftirfarandi tillaga lögð fram:
  Bæjarstjórn tekur undir með íþrótta- og tómstundanefnd og hvetur íþróttafélög á Fljótsdalshéraði til að nýta tækifærið og sækja um styrki í sjóðinn.
  
  Samþykkt samhljóða með handauppréttingu.
• 6.7 201809107 Heimsókn kjörinna fulltrúa í Stafdal
  Bókun fundar Lagt fram til kynningar.
• 6.8 201809104 Starfsáætlun íþrótta- og tómstundanefndar 2019
  Bókun fundar Í vinnslu.
• 6.9 201803143 Fjárhagsáætlun íþrótta- og tómstundanefndar fyrir 2019
  Bókun fundar Í vinnslu.

1809003F

• 7.1 201807038 Auglýsingar meðfram vegum og annars staðar utan þéttbýlis.
  Bókun fundar Á fundi náttúruverndarnefndar var kynnt erindi frá Umhverfisstofnun þar sem því er beint til sveitarfélaganna að vera vakandi fyrir ólöglegum skiltum í náttúru landsins. Greint er frá reglum náttúruverndarlaga nr. 60/2013 og reglugerðar nr. 941/2011 um auglýsingar meðfram vegum og annars staðar utan þéttbýlis. Þá er leitast við að útskýra hvað telst vera látlaust auglýsingaskilti.
  
  Eftirfarandi tillaga lögð fram:
  Að tillögu náttúruverndarnefndar samþykkir bæjarstjórn að fela starfsmanni nefndarinnar að kynna gildandi reglur og viðmið sem kynnt eru í erindi Umhverfisstofnunar með auglýsingu, ásamt því að óska eftir ábendingum frá íbúum um auglýsingar sem ekki eru í samræmi við þær. Nefndin taki að því loknu saman ábendingar og sendi stofnuninni til viðeigandi meðferðar.
  
  Samþykkt samhljóða með handauppréttingu.
• 7.2 201808005 Átak í friðlýsingum, svæði í verndarflokki rammaáætlunar
  Bókun fundar Lagt fram til kynningar.
• 7.3 201808188 Stórurð - Náttúruperla
  Bókun fundar Eftirfarandi tillaga lögð fram:
  Bæjarstjórn tekur undir með náttúruverndarnefnd og vill minna alla þá sem ferðast um náttúru landsins á mikilvægi þess að ganga vel um viðkvæm náttúrusvæði. Sérstaklega verður að gera þá kröfu til þeirra sem skipuleggja hópferðir á hestum eða farartækjum að tekið sé tillit til landgæða á einstökum stöðum og að umgengni um land sé með þeim hætti að ekki hljótist skaði af.
  
  Samþykkt samhljóða með handauppréttingu.
  
  Málið að öðru leyti í vinnslu.
  
  
• 7.4 201706031 Uppbygging vindorku innan Fljótsdalshéraðs
  Bókun fundar Í vinnslu.
• 7.5 201808014 Þjóðgarðastofnun
  Bókun fundar Afgreiðsla nefndarinnar staðfest.
• 7.6 201809020 Kolefnisjöfnun Fljótsdalshéraðs
  Bókun fundar Í vinnslu.
• 7.7 201806148 Starfsáætlun náttúruverndarnefndar
  Bókun fundar Í vinnslu.

1808016F

• 8.1 201808197 Aðgerðir gegn kynferðislegri áreitni og ofbeldishegðun í íþrótta- og æskulýðsstarfi - frá mennta- og menningarmálaráðherra.
  Bókun fundar Starfshópur mennta- og menningarmálaráðherra, sem skipaður var í kjölfar #églíka (#metoo) yfirlýsinga íþróttakvenna, hefur skilað ráðherra tillögum um aðgerðir gegn kynferðislegri áreitni og ofbeldishegðun í íþrótta- og æskulýðsstarfi.
  
  Eftirfarandi tillaga lögð fram:
  Bæjarstjórn tekur undir með ungmennaráði og leggur til að unnið verði með skýrsluna og niðurstöður hennar hjá Fljótsdalshéraði og þær tillögur teknar til greina sem snúa beint að sveitarfélögum. Jafnframt samþykkir bæjarstjórn að jafnréttisnefnd verði falið að fylgjast með framgangi þeirrar vinnu.
  
  Samþykkt samhljóða með handauppréttingu.
• 8.2 201803138 Æskulýðsstefna Fljótsdalshéraðs
  Bókun fundar Lagt fram til kynningar.
• 8.3 201809096 Viðburður í samstarfi við Útmeð'a, Geðhjálp og Nemendafélag Menntaskólans á Egilsstöðum
  Bókun fundar Í vinnslu.
• 8.4 201802005 Ungmennaráð heimsmarkmiða Sameinuðu þjóðanna
  Bókun fundar Lagt fram til kynningar.
• 8.5 201809102 Ungmennaráð Unicef
  Bókun fundar Fram kom á fundi ungmennaráðs Fljótsdalshéraðs að ungmennaráð Unicef vantar ungt fólk til að taka þátt í ýmsum verkefnum ráðsins í vetur.
  
  Eftirfarandi tillaga lögð fram:
  Bæjarstjórn tekur undir með ungmennaráði Fljótsdalshéraðs og hvetur ungt fólk í sveitarfélaginu til að kynna sér málin og gefa kost á sér til að starfa með ungmennaráði Unicef. Hægt er að leita upplýsinga á vefsíðu ráðsins, https://unicef.is/ungmennarad.
  
  Samþykkt samhljóða með handauppréttingu.
• 8.6 201809101 Arctic circle 2018
  Bókun fundar Lagt fram til kynningar.
• 8.7 201809098 Sameiginlegir fundir ungmennaráðs og bæjarstjórnar
  Bókun fundar Fyrir liggur að halda sameiginlega fundi ungmennaráðs og bæjarstjórnar Fljótsdalshéraðs starfsárið 2018 - 2019.
  
  Eftirfarandi tillaga lögð fram:
  Að tillögu ungmennaráðs samþykkir bæjarstjórn að fyrsti fundur verði haldinn 5. desember 2018.
  
  Samþykkt samhljóða með handauppréttingu.
• 8.8 201808169 Ungmennaþing 2019
  Bókun fundar Í vinnslu.
• 8.9 201808168 Starfsáætlun ungmennaráðs 2018-2019
  Bókun fundar Í vinnslu.
• 8.10 201804100 Fjárhagsáætlun ungmennaráðs 2019
  Bókun fundar Í vinnslu.

201808213