Bæjarstjórn Fljótsdalshéraðs

255. fundur 19. apríl 2017 kl. 17:00 - 19:00 í fundarsal bæjarstjórnar

Nefndarmenn

Anna Alexandersdóttir forseti
Sigrún Blöndal 1. varaforseti
Stefán Bogi Sveinsson 2. varaforseti
Gunnar Jónsson aðalmaður
Þórður Mar Þorsteinsson bæjarfulltrúi
Guðmundur Sveinsson Kröyer bæjarfulltrúi
Árni Kristinsson bæjarfulltrúi
Páll Sigvaldason bæjarfulltrúi
Aðalheiður Björt Unnarsdóttir varamaður
Björn Ingimarsson bæjarstjóri
Stefán Snædal Bragason skrifstofu- og starfsmannastjóri

Fundargerð ritaði: Stefán Bragason skrifstofustjóri

1.Bæjarráð Fljótsdalshéraðs - 382

1704001F

Til máls tóku: Gunnar Jónsson, sem kynnti fundargerðina og lagði fram drög að bókunum. Einnig ræddi hann sérstaklega lið 1.6. Sigrún Blöndal, sem ræddi lið 1.6. Þórður Mar Þorsteinsson, sem ræddi lið 1.6. Stefán Bogi Sveinsson, sem ræddi lið 6.1. Sigrún Blöndal, sem ræddi lið 1.6 og Þórður Mar Þorsteinsson, sem ræddi lið 1.6.

Fundargerðin lögð fram.

1.1 201701003 Fjármál 2017

Bókun fundar Í vinnslu.
1.2 201704009 Fundargerð 848. stjórnarfundar Sambands íslenskra sveitarfélaga

Bókun fundar Fundargerðin lögð fram til kynningar.
1.3 201702005 Fundargerðir Samtaka orkusveitarfélaga 2017

Bókun fundar Fundargerðin lögð fram til kynningar.
1.4 201701027 Fundargerðir stjórnar Sambands sveitarfélaga á Austurlandi 2017

Bókun fundar Fundargerðin lögð fram til kynningar.
1.5 201704013 Ársfundur Stapa lífeyrirssjóðs 2017

Bókun fundar Lagt fram fundarboð vegna ársfundar Stapa lífeyrissjóðs, sem boðaður er í Skjólbrekku Mývatnssveit miðvikudaginn 3. maí kl. 13:00. Fljótsdalshéraði, sem er meðal 40 stærstu launagreiðenda á svæðinu, er boðið að senda fulltrúa á fundinn.

Eftirfarandi tillaga lögð fram:
Að tillögu bæjarráðs samþykkir bæjarstjórn að tilnefna fjármálastjóra sem fulltrúa Fljótsdalshéraðs á fundinum.

Samþykkt samhljóða með handauppréttingu.
1.6 201704027 Ábúð á ríkisjörðum

Bókun fundar Í bæjarráði var lagt fram bréf frá ábúendum á Unaósi-Heyskálum, varðandi áframhaldandi ábúð á jörðinni og drátt á því að hún sé auglýst laus til ábúðar. Í framhaldinu ræddi bæjarráð ábúð á ríkisjörðum í sveitarfélaginu og tregðu ríkisvaldsins til að auglýsa aftur jarðir til ábúðar sem sagt hefur verið lausum.

Eftirfarandi tillaga lögð fram:
Bæjarstjórn tekur heilshugar undir með bréfriturum og ítrekar fyrri afstöðu sína í málefnum ríkisjarða sem birtist meðal annars í bókun bæjarstjórnar Fljótsdalshéraðs frá 15. júní 2016 og var svohljóðandi: Bæjarstjórn Fljótsdalshéraðs beinir því til ríkisvaldsins að leita allra leiða til þess að ríkisjarðir séu setnar og tryggja að samfella sé í búrekstri þeirra jarða sem hafa verið í nýtingu. Í ljósi stöðu dreifbýlis Fljótsdalshéraðs er það sveitarfélaginu sérstaklega mikilvægt að þessar kostajarðir séu setnar. Bæjarstjórn felur bæjarstjóra að fylgja málinu eftir.

Samþykkt samhljóða með handauppréttingu.

2.Atvinnu- og menningarnefnd - 51

1704003F

Til máls tók: Guðmundur Sveinsson Kröyer, sem kynnti fundargerðina og lagði fram drög að bókunum.

Fundargerðin lög fram.

2.1 201703052 Hjaltalundur félagsheimili

Bókun fundar Í vinnslu.
2.2 201703137 Sóknaráætlun Austurlands, störf menningarfulltrúa

Bókun fundar Lagt fram til kynningar.
2.3 201703092 Skógardagurinn mikli 2017

Bókun fundar Fyrir liggur umsókn um styrk frá Félagi skógarbænda á Austurlandi vegna Skógardagsins mikla 2017.

Eftirfarandi tillaga lögð fram:
Að tillögu atvinnu og menningarnefndar samþykkir bæjarstjórn að verkefnið verði styrkt um kr. 200.000 sem tekið verði af lið 0589.

Samþykkt samhljóða með handauppréttingu.
2.4 201703185 Yfirlit launa hjá stofnunum janúar til mars 2017

Bókun fundar Lagt fram til kynningar.
2.5 201704019 Stefnumót við Skógarsamfélag II

Bókun fundar Fyrir liggur styrkumsókn frá SAM félagi, grasrótarsamtökum skapandi fólks á Austurlandi, um vinnustofu til að efla skógarmenningu og viðarnytjar á Austurlandi.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn að verkefnið verði styrkt um kr. 150.000 sem tekið verði af lið 1389.

Samþykkt samhljóða með handauppréttingu.
2.6 201704026 Umsókn um styrk vegna starfsemi Leikfélags Fljótsdalshéraðs

Bókun fundar Fyrir liggur umsókn um styrk frá Leikfélagi Fljótsdalshéraðs vegna uppsetningar á leikverki sem sýnt verðu í maí 2017 og vegna undirbúnings á sviðsverki sem fyrirhugað er til sýningar í mars 2018.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn að leikfélagið verði styrkt um kr. 450.000 sem tekið verði af lið 0581.

Samþykkt samhljóða með handauppréttingu.
2.7 201704015 Fjárhagsáætlun atvinnu- og menningarnefndar fyrir 2018

Bókun fundar Í vinnslu.
2.8 201704038 Þjónustu- og samstarfssamningur við Austurbrú ses.

Bókun fundar Fyrir liggur þjónustu- og samstarfssamningur við Austurbrú vegna ársins 2017. Framlag sveitarfélagsins rúmast innan þeirrar áætlunar sem gerð var í haust vegna samningsins.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn framlagðan samning.

Samþykkt samhljóða með handauppréttingu.

3.Umhverfis- og framkvæmdanefnd - 67

1704004F

Til máls tóku: Árni Kristinsson, sem kynnti fundargerðina og lagði fram drög að bókunum. Einnig ræddi hann sérstaklega liði 3.1 og 3.22. Sigrún Blöndal, sem vakti athygli á vanhæfi sínu vegna liðar 3.12 og úrskurðaði forseti hana vanhæfa. Gunnar Jónsson sem vakti athygli á vanhæfi sínu vegna liðar 3.14 og úrskurðaði forseti hann vanhæfan. Stefán Bogi Sveinsson, sem ræddi lið 3.14 og bar fram fyrirspurn. Árni Kristinsson, sem svaraði fyrirspurn vegna liðar 3.14. Stefán Bogi Sveinsson, sem ræddi lið 3.14. Árni Kristinsson, sem ræddi lið 3.14. Stefán Bogi Sveinsson sem ræddi lið 3.10 og bar fram fyrirspurn. Gunnar Jónsson, sem ræddi lið 3.10 og svaraði fyrirspurn. Þórður Mar Þorsteinsson, sem ræddi lið 3.10. Gunnar Jónsson, sem ræddi lið 3.10. Stefán Bogi Sveinsson, sem ræddi lið 3.10 og Árni Kristinsson, sem ræddi lið 3.10.

Fundargerðin lögð fram.

3.1 201703083 Kynningarfundur Landsvirkjunar

Bókun fundar Lagt fram til kynningar.
3.2 201609049 Aðkoma og græn svæði á Egilsstöðum og Fellabæ

Bókun fundar Í vinnslu.
3.3 201702095 Rafbílavæðing

Bókun fundar Lagt fram til kynningar.
3.4 201703089 Umsókn um stofnun nýrrar landeignar

Bókun fundar Lagt er fyrir erindi Þorsteins Guðmundssonar og Lindu Bjarkar Steingrímsdóttur eigenda Ketilsstaða í Hjaltastaðaþinghá, landnr.157201, Umsókn um skráningu nýrra landeignar í fasteignaskrá.
Stofnuð verði ný lóð út úr upprunalandinu Ketilsstaðir, landnr.157201, sem bera á heitið Ketilsstaðir I, stærð nýstofnaðar lóðar verði 61.780 fermetrar (um 6,2ha).

Eftirfarandi tillaga lögð fram:
Að tillögur umhverfis- og framkvæmdanefndar samþykkir bæjarstjórn erindið og felur Skipulags- og byggingarfulltrúa úrlausn þess.

Samþykkt samhljóða með handauppréttingu.
3.5 201704012 Heiðagæsarannsóknir á vatnasviði Kárahnjúkavirkjunar árið 2016

Bókun fundar Lagt fram til kynningar.
3.6 201702029 Breyting á deiliskipulagi Unalækjar

Bókun fundar Lagt er fyrir erindi Þórhalls Pálssonar fyrir hönd lóðarhafa, um breytingar á deiliskipulagi fyrir Unalæk A6 og B2.
Í breytingunni felst að breyta greinargerð skipulagsins í að heimila sölu gistingar á lóðum A6 og B2.
Umhverfis- og framkvæmdanefnd fól Skipulags- og byggingarfulltrúa úrlausn málsins.

Erindi var sent í grenndarkynningu sbr. 43. og 44.gr. Skipulagslaga nr. 123/2010 með dagsettu bréfi 22.2.2017.
Frestur til að gera athugasemdir við framlagða tillögu var til föstudagsins 24. mars 2017.
Athugasemdir bárust á kynningartíma.

Lagt var fyrir nefndina:
- Athugasemdir frá Lögfræðiþjónustunni Lagastoð fyrir hönd eiganda lóða að Unalæk A1, A3 og A5.
- Bréf og tölvupóstur bæjarlögmanns með innsendar athugasemdir að umfjöllunarefni.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn breytingu á deiliskipulagi Unalækjar þannig að á lóðunum A6 og B2 verði heimilt að vera með sölu á gistingu.

Samþykkt samhljóða með handauppréttingu.

Gunnar Jónsson gerði grein fyrir atkvæði sínu. Stefán Bogi Sveinsson gerði grein fyrir atkvæði sínu.
3.7 201606016 Almenningssamgöngur á Austurlandi

Bókun fundar Málið er í vinnslu hjá bæjarráði.
3.8 201611003 Beiðni um skiptingu lands og breytingu á landnotkun/Ketilsstaðir 1 og 2

Bókun fundar Í vinnslu.
3.9 201703115 Umsókn um lóð í miðbæ Egilsstaða

Bókun fundar Í vinnslu.
3.10 201703175 Kröflulína 3 - Beiðni um umsögn

Bókun fundar Lagt er fyrir erindi frá Skipulagsstofnun, Kröflulína 3 - beiðni um umsögn.
Landsnet hefur tilkynnt til athugunar Skipulagsstofnunar frummatsskýrslu um Kröflulínu 3, Skútustaðahreppi, Fljótsdalshéraði og Fljótsdalshreppi.
Umsögn óskast send Skipulagsstofnun fyrir 10.apríl 2017, sótt hefur verið um frest til að skila umsögn vegna tímasetningu fundar Umhverfis- og framkvæmdanefndar.

Umhverfis- og framkvæmdanefnd hefur kynnt sér frummatsskýrslu um Kröflulínu 3 og hefur engar athugasemdir fram að færa.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að gefin verði jákvæð umsögn.

Bæjarstjórn hvetur framkvæmdaaðila til að gera athugun á því hvort að vegurinn á Efri Jökuldal þoli þá þungaflutninga sem um hann þurfa að fara framkvæmdarinnar vegna. Eins er það skoðun bæjarstjórnar að framkvæmdin kalli á nýja brú yfir Jökulsá á Dal milli Hákonarstaða og Klaustursels.

Bæjarstjórn leggur áherslu á að framkvæmdin verði unnin í sátt við landeigendur, ábúendur og náttúruna, þá sérstaklega votlendis og gróðursvæða.

Samþykkt samhljóða með handauppréttingu.

Stefán Bogi Sveinsson lagði fram eftirfarandi viðbótartillögu:

Bæjarstjórn hvetur íbúa sveitarfélagsins og aðra hagsmunaaðila til að kynna sér fyrirliggjandi frummatsskýrslu og skila inn athugasemdum. Almennur frestur til þess rennur út 5. maí n.k.

Samþykkt samhljóða með handauppréttingu.
3.11 201703059 Miðbærinn á Egilsstöðum

Bókun fundar Í vinnslu.
3.12 201602051 Lagarfell 3, umsókn um byggingarleyfi

Bókun fundar Lagt er fyrir erindi Björn Sveinssonar fyrir hönd lóðarhafa að Lagarfelli 3, þar sem óskað var eftir samþykkt byggingaráforma / breytinga á norðanverðu húsinu, 16 fermetra viðbygging að brúttó grunnfleti. Viðbyggingin norðan við er 3,2m x 5m að stærð og er 6,02m frá norðvesturhorni núverandi húss.
Umhverfis- og framkvæmdanefnd samþykkti að senda erindið í grenndarkynningu sbr. 44.gr. Skipulagslaga nr. 123/2010.
Frestur til að gera athugasemdir við framlagða tillögu var til mánudagsins 3. apríl sl.

Engar athugasemdir eða ábendingar bárust á kynningartíma.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn því erindið og felur Skipulags- og byggingarfulltrúa úrlausn þess.

Samþykkt samhljóða með handauppréttingu, en 1 var fjarverandi (S.Bl.).
3.13 201703048 Styrkvegir 2017

Bókun fundar Afgreiðsla umhverfis- og framkvæmdanefndar staðfest.
3.14 201704001 Umsókn um stofnun nýrra lóða

Bókun fundar Lagt er fyrir erindi Eflu, fyrir hönd Gunnars Jónssonar, stofnun og stækkun lóða við Flugvallaveg til vesturs.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn erindið og felur Skipulags- og byggingarfulltrúa úrlausn þess.

Samþykkt samhljóða með handauppréttingu, en 1 var fjarverandi (GJ.)
3.15 201704002 Göngu - og hjólastígur frá Eyvindarárbrú að Seyðisfjarðarafleggjara

Bókun fundar Í vinnslu.
3.16 201704003 Snjósöfnunarsvæði við göngustíg undir Eyvindarárbrúnna

Bókun fundar Afgreiðsla umhverfis- og framkvæmdanefndar staðfest.
3.17 201704014 Snjómokstursbifreið

Bókun fundar Í vinnslu.
3.18 201703177 Frumvarp til laga um umferðarlög (bílastæðagjöld)

Bókun fundar Afgreiðsla umhverfis- og framkvæmdanefndar staðfest.
3.19 Afgreiðslufundur byggingarfulltrúa Fljótsdalshéraðs - 156

Bókun fundar Lagt fram til kynningar.
3.20 201704023 Fjárhagsáætlun 2018 - Umhverfis- og framkvæmdanefnd.

Bókun fundar Í vinnslu.
3.21 201703084 Tjarnarbraut, framkvæmd 2017.

Bókun fundar Framvinda á máli Tjarnarbraut, framkvæmd 2017, lögð fram til kynningar.
Fjögur tilboð bárust.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að ganga til samninga við lægstbjóðanda, Austurverk ehf. Tilboðið hljóðar upp á 17.567.562,-kr. sem er 78% af kostnaðaráætlun.

Samþykkt samhljóða með handauppréttingu.
3.22 201704017 Ástand gatna í þéttbýli á Egilsstöðum

Bókun fundar Í vinnslu.

4.Jafnréttisnefnd Fljótsdalshéraðs - 161

1704005F

Til máls tók; Sigrún Blöndal, sem kynnti fundargerðina og lagði fram drög að bókun.

Fundargerðin lögð fram.

4.1 201703045 Frumvarp til laga um orlof húsmæðra(afnám laganna)

Bókun fundar Eftirfarandi tillaga lögð fram:
Bæjarstjórn tekur undir með jafnréttisnefnd og telur lög um húsmæðraorlof vera barn síns tíma og ekki í samræmi við gildandi lög um jafna stöðu og jafnan rétt kvenna og karla nr. 10/2008. Bæjarstjórn styður því afnám laganna.

Samþykkt samhljóða með handauppréttingu.
4.2 201606004 Framkvæmdaáætlun jafnréttisáætlunar 2015 - 2019

Bókun fundar Í vinnslu.
4.3 201501006 Starfið framundan.

Bókun fundar Lagt fram:

5.Ungmennaráð Fljótsdalshéraðs - 58

1703024F

Fundargerðin lögð fram.

5.1 201702147 Ungt fólk og lýðræði 2017

Bókun fundar Lagt fram til kynningar.
5.2 201410120 Betra Fljótsdalshérað

Bókun fundar Lagt fram til kynningar.
5.3 201701005 Ungmennaþing 2017

Bókun fundar Í vinnslu.

6.Umsókn um rekstrarleyfi fyrir sölu veitinga

201703165

Fyrir liggur umsagnarbeiðni frá Sýslumanninum á Austurlandi vegna umsóknar um rekstrarleyfi fyrir sölu veitinga (Veitingastofa og greiðasala) í flokki II, í Orku-Skálanum að Fagradalsbraut 13 Egilsstöðum

Fyrir liggur jákvæð umsögn frá byggingarfulltrúa og Heilbrigðiseftirliti.

Eftirfarandi tillaga lögð fram:
Bæjarstjórn veitir jákvæða umsögn og staðfestir jafnframt að afgreiðslutími og staðsetning staðar sem umsóknin lýtur að, sé innan þeirra marka sem reglur og skipulag sveitarfélagsins segir til um.

Samþykkt samhljóða með handauppréttingu.

7.Umsókn um rekstrarleyfi til veitingasölu

201704031

Fyrir liggur umsagnarbeiðni frá Sýslumanninum á Austurlandi vegna umsóknar um rekstrarleyfi fyrir sölu veitinga (Veitingastofa og greiðasala) í flokki II í Asparhúsinu að Vallanesi.

Fyrir liggur jákvæð umsögn frá byggingarfulltrúa og Heilbrigðiseftirliti.

Eftirfarandi tillaga lögð fram:
Bæjarstjórn veitir jákvæða umsögn og staðfestir jafnframt að afgreiðslutími og staðsetning staðar sem umsóknin lýtur að, sé innan þeirra marka sem reglur og skipulag sveitarfélagsins segir til um.

Samþykkt samhljóða með handauppréttingu.

Fundi slitið - kl. 19:00.